وعليكم من السلام
اهلا وسهلا استاذ محمد ,اعتبر نفسك فى بيتك التانى هنا عشان كلنا هنا واحد و بنساعد بعضنا
بالنسبة لل E46 1999 تعتبر اول الشكل و هى نازلة بمكنة 2000 سى سى المكنة البيضا طبعا انت كدة كدة مش حاتفرق معاك الحالة لانك ناوى انك تشد بس الاهم انها تكون سليمة دواخل
بالنسبة للمحرك افضل يكون 2800 سى سى ,والكود بتاعه M52b28 ,وبيخرج حوالى 190 حصان
اولا السيستم كامل شامل المحرك و العفشة كاملة و الكرونة و الكنترول و الفتيس و دورة التبريد تتكلف حوالى 18 الف و ممكن قابل للزيادة تعتمد على التاجر اللى انت حاتجيب منه
فوانيس امامى رينجات حوالى 2500 تيوانى و خلفى حوالى 2000 ليدات
طقم الجنوط تعتمد على نوع الجنط و الماركة
طقم مساعدين قصدك اسبور ؟ نفترض انها كونى مثلا مع انى منصحش بيها عشان العربية حاتوطى و هى اساسا الطبيعى بتاعها بتحك فى المطبات عموما عفشتها الاصلى كويسة
الحاجات القديمة نصيحة خليها عندك احسن ممكن تحتاج حاجة منها بعد كدة
مشكلة فى البى ام عموما موضوع الاسكترا بتبوظ بسرعة فا اكشف عليها كويس لان سعرها غالى مستعملة حوالى 1800 بالدرعات و 6000 جديدة فبص عليها كويس و انت بتشترى
E46 مشكلتها انها البطاحات بتتشرخ بسرعة برضو بص عليها كويس و علاج الموضوع ده ان تركب بار و انسى الموضوع ده
وربنا يوفقك و احنا فى الخدمة لو محتاج اى حاجة
المفضلات