جديد في 405

**hassan.cotton7** · 31-05-2014 07:51 PM

السلام عليكم فرسان قسم بيجو يشرفنى ان اكون عضو جديد في قسمكم الكريم منتقل من قسم سكودا الحمدللة ربنا كرمني واشتريت 405 موديل 2002 1600ccكربيرتير ارجو من الفرسان الكرام كيف احافظ علي العربية اخلي بالي من اية هل فيهاكنترول ام لا (مكانة فين) احط بنزين 80ام 92 ولوسمحتوا كتالوج السيارة واي لينك للحجات دى او غيرها اسف اسف للتطويل بس عشم فيكم لاني ابيض ابيض في البيجو وشكرا جزيلا لكم

**Ahmed_aboarab** · 31-05-2014 08:44 PM

peugeot 405

أولا مبروووووك علي العربية ده الكتالوج حضرتك ... والعربية ما شاء الله جميلة معنا من حوالي 7 شهور مشفتش منها حاجة وحشه الحمدلله و الي نصحني بيها بن عمي و ما شاء معاه نفس العربية (405) من 8 سنين .. ياريت حضرتك تقلب في المواضيع القديمة هتلاقي حاجات جميلة أوي عن العربية

**Salamonti** · 31-05-2014 08:46 PM

معرفش اجابة على استفساراتك بس حابب اقولك مبروك :)
عربية جميلة جدا وابن خالتي معاه واحدة من الزيرو وبصراحة ممتازة مابيفكرش يفرط فيها..

حابب اقولك حاجة بقا من واقع وجود العربة مع ابن خالتي
قطع غيارها الأصلية غالية آه لكن موجود ليها ماركات تانية بأسعار حلوة
لكن عن تجربة اكتر من مرة ان القطعة الأصلي معمرة وبتقعد كتير جدا فوق ما تتخيل !!
كمثال بسيط
كان كل مرة بيغير تيل الفرامل بـ90 - 100 جنيه بيقعد بتاع 15-20 الف كيلو
مرة كان لسة مركب طنابير جديدة ففكر يجرب الأصلي عشان يحافظ ع الطنابير..
جاب التيل الأصلي بـ400 جنيه قعد معاه حوالي 90 ألف كيلو !!!
الكاتينة الفابريكة بتاعتها قعدت معاه 130 ألف كيلو..
ولما غيرها بواحدة مش أصلية قعدت 50 الف واتقطعت..

القصد
في قطع الغيار اللي عليها اعتمادية كبيرة خليك في الأصلي
انما فوانيس وحجات زي كدة هات اي ماركة بسعر حنين :)