الموضوع: هبدآ اعيد تقييم لصابر كفني اوبل

بعد السلام عليكم ورحمة الله وبركاته
طبعا صابر غني عن التعريف واضيف اني اعرف صابر من سنين طويله من قبل حتي ميكون ليه اسم
الموضوع ان البيه والعربيه عندي فيكترا سي زي مانتوا عارفين التكييف فجأه مات يوم الجمعه الماضيه ركنت وصليت الجمعه وخرجت اشغل الهربيه والتكييف اشتغل تمام ثم عشر دقائق ومات تاني اضطريت ابعتعا مع سواق لصابر يشوفها ولما وصلت كلمته ها فيها ايه قالي الكومبريسور الكلاتش بتاعه باظ طيب انا فالطريق جايلك سلام سلام
رحت لقيت العربيه زي ماهيه معملش حاجه ها هنعمل ايه نده لمنصور وطبعا كلهم عرفيني قالي لما تبرد والجو حد هشوف محتاج كلاتش ولا الكومبريسور محتاج يتغير قولت طيب هرجعلك كمان ساعتين. رجعت منصور قاعد تخت عربيه يشرب سجاير وصابر قاعد يهش دبان رحت جبت منصور بدا يشتغل وهنا مغزي القصيد منصور نزل تحت العربيه وعمل نفسه بيشتغل وقام راح ناحيه صابر وداربينهم حديث ورجعلي ونزل تحتها تاني وقام وقالي لا يا باشا محتاجه كومبريسور جديد قولتله يا منصور انت لازم تفك عشان تعرف محتاجه ولا لاء علي حسب كلامك فالبدايه قالي لا والله محتاجه كومبريسور فجالي صابر وقالي هاتلها كومبريسور احسن بدل ما نصلح وتبوز ونرجع نصلح تاني............. وهنا بدا ت اربط تفكير صابر وكلامه لمنصور وتعطيلي يوم كامل وعشان اخلص قولت لصابر هاتلي واحد استيراد منصور قالي انه عنده وصابر قالي والله ماعندي طبعا انا روقت الاتنين بالادب وصابر متعود مني عالترويق من زمان بس هوه نسي عشان بقالي فتره مبروحلوش والغريب فالامر ان مستوي صابر فالشغل مبقاش زي ما كنت عارفه زمان ومعظم العيال عنده واخدين نفس الطابع.
والسؤال بعد المعذره من الاطاله اجيب واحد جديد ولا اصلح اللي فيها العربيه للاسف مركونه لان الجو زي ما حضراتكم شايفين
مع الشكر

المشاركة الأصلية كتبت بواسطة Gelgel2004

ممكن تسال كوول اير
متخصصين و فاهمين
26202455
و بلغهم من طرف نايل موتورز و ان شاء الله تكرم

اشكرك