الموضوع: التحويل للغاز

( وانا بقول لحضرتك ناس كتير ركبته وبعد شهر الماتور بيودع .. هو صحيح رخيص جدا بس اللى بيتوفر بيتصرف على الماتور بعد كده )
اولا مع احترامى لراى حضرتك كلام حضرتك غلط لانه ببساطة لو الماتور بيبوظ بعد شهر مكانش كل التاكسيات اللى ماشية فى الشارع سواء فيرنا او اسبيرانزا او بى واى دى كلها حولت واشتغلت لنظام الغاز .
ثانيا لو حضرتك سالت على نظام الغاز المتداول حاليا هو استخدام اجهزة تحويل ايطالية الصنع وتقوم بالتحويل بصورة اتوماتيكية مابين الغاز والبنزين .
ثالثا عند ادارة السيارة فانها تقوم بالبنزين وعند وصولها لدرجة سخونة معينة والضغط على دوراسة البنزين يتم التحويل اتوماتيكيا لنظام الغاز وعند انتهاء الغاز يتم تحويل الى البنزين اتوماتيكيا .
رابعا اهم عنصر فى الغاز هو ظبط كهرباء السيارة مع تنضيف فلتر الهواء بصورة دورية لانها من العوامل المؤثرة على السحب
خامسا : سحب السيارة بالغاز يقل عن السحب بالبنزين بنسبة بسيطة لاتتعدى من 5:10%
سادسا : هذا الراى بناء عن تجربة شخصية وشاهدت بعينى سيارات مثل اللوجان وتويوتا يارس وبيجو ونيسان وغيرهم يعملون بالغاز الطبيعى .

لا حضرتك المده مهمة فى الحكم على الامر والمقصود بالمدة ليس الوقت الزمنى ولكن كم كيلومتر سوف تعملها بالغاز حتى تقوم بعمل عمرة للموتور مع ملاحظة ان عمرة الغاز اقل من عمرة الموتور ولكن احسب فرق التوفير بين متر مكعب من الغاز ب45 قرش ولتر بنزين 185 قرش والاتنين بيمشوا العربية نفس المسافة ان ماكنش الغاز بيمشى اكتر كمان لو العربية مضبوطة .
وحاليا بيتم ظبط الغاز من خلال تركيب رشاشات خاصة به باستخدام اجهزة الكمبيوتر من خلال برامج مخصصة لذلك ولو اى حد من الاعضاء حابب يتاكد وياخد معلومات عن نظم تركيب الغاز وتاثيرها على السيارات يمكنه الذهاب لمراكز التحويل وسؤال المهندسين المختصين بالاضافة الى سؤال الناس اللى حولت بس اهم حاجة ان فيه ناس مبتقولش الحقيقة وخصوصا سواقين التاكسى .
واخيرا طريقة القيادة لها تاثير على الماتور سواء كان بنزين او غاز