ضرائب على شهادات الادخار

**Hussein_Ramdan** · 01-06-2014 10:13 PM

لو سمحت من الاول الموضوع مالوش علاقة بمرسى والسيسى عشان انا عارف ان الموضوع هيقلب فى الاخر مرسى والسيسى
طبعا كلنا سمعنا عن موضوع الضرايب على مكسب البورصة ودة ادى انهاردة الى اكبر خسارة فى تاريخ البورصة يعنى بالبلدى دى اكبر خسارة من اول ما قالو تعالو نعمل بورصة
وكمان انهاردة فى ناس قالت ان الموضوع مش موضوع بورصة بس دى ضرائب على راس المال
يعنى على الوادائع وشهادات الادخار
يعنى ياخدو ضرايب وحنا بنجمع فلوس عشان نعلمها شهادة وبعد ما نعملها شهادة ياخدو ضرايب عليها ههههههههههههههه
عايز اعرف منكو انا فاهم صح ولاة غلط

**waleed0** · 01-06-2014 10:30 PM

دي ضريبة علي الأرباح الرأسمالية في البورصة ملهاش علاقة بالشهادات والكلام دا
مع العلم انا نفسي برضوا يتعمل ضريبة علي اصحاب الاموال في البنوك , والسبب ان فى ناس كتير متهربة من الضرائب وعندها ملايين فى البنوك ولكن بشرط اذا كان الشخص اللي حاططه فلوسه دي اكتسبها في مصر ولم يدفع عليها ضريبة , وبالشكل دا حتمنع اي حد يتهرب من الضرائب علي الدخل ويحتفظ بملايينه فى البنوك .

**mr_green** · 02-06-2014 09:11 AM

و بالطريقة دى البنوك هاتفلس عشان على الأقل 50% من الناس هاتسحب أغلب فلوسها و إللى يقلبها دولار وإللى يقلبها دهب و إللى يديها للنصابين بتوع توظيف الأموال

**حسام الغرباوي** · 02-06-2014 09:25 AM

فرض الضرائب بالشكل دا وغير المدروش هيؤدي الي البلد في ورطة

انا مع فرض الضرائب لحل ازمة الميزانية وحل بعض الازمات الاخرى , لكن مش بالطريقة دي اللي هي افرض هنا وهنا ...الخ

ضريبة البورصة ضريبة ممتازة واكثر الدول تطبقها ...لكن مش بالشكل اللي حصل دا ولا النسبة دي ولا الالية دي خصوصا مع الانهيار الحالي اصلا للبورصة

دا في اول يوم تم تسريب الخبر البورصة انهارت ( مجرد تسريب فقط )

انا كان من رأي انهم يفرضو ضريبة على عمليات التداول فقط اليومين بشكل مبدأي ...يعني اللي يبيع ...يتاخد منه ضريبة 1 % مثلا من ارباح عملية البيع

وبعد فترة لما الامور تمشي والبلد تستقر والرئيس يبدأ عملة وتلاقي البورصة استقرت ...افرض ضريبة 5 % مثلا بشكل مبدئي وابدء سن قوانين تانية على جميع عمليات البيع الاخرى اللي ممثلا تتعدى قيمتها عن مليون جنيه ..زي العقارات والمشروعات الضخمة ...الخ مع فرض الية رقابة علي عملية البيع والشراء لعدم التلاعب في الاسعار ..الخ

الافكار كتيرة بس مش عارف لية بحس ان المسؤلين بيكونوا قاعدين واحد بيقول فكرة ..ومحدش بيفكر فيها وبيتم تطبيقها ...مشيت كان بيها ...الناس عملت مشاكل ...الغيها !!!

**MotorX** · 02-06-2014 10:41 AM

راي في موضوع ضرائب البورصة

- بالنسبة لضريبة التوزيعات كان من الممكن ان يتم زياده الضريبة على الشركات بنسبة 10% وبالتالي يتم الحصول على نفس الحصيلة المستهدفة من الضريبة دون التأثير على االبورصة وفي نفس الوقت سيتم تلافي اي تلاعبات عن طريق توزيع اسهم مجانية او غيرة لان الضريبة هاتخصم قبل التوزيع

- بالنسبة لضريبة الارباح الرأسمالية كان من الممكن استبدالها بزيادة ضريبة الدمغة المفروضة بالفعل إلى 5 في الالف مثلا على البائع والمشتري وده كان يضمن سهولة الحساب والتحصيل بالإضافة الى انها ضريبة تم استيعابها فعليا في السوق وبالتالي اثر رفع النسبة سيكون اقل كثيرا من فرض ضرائب جديدة

**Ahmed abdkarim** · 02-06-2014 10:45 AM

الواحد اتأكد فعلا إن الانقلاب خرب البلد . عملو كل ده علشان يمشوا مرسى

فكو وديعة حرب الخليخ واستلفو من السعودية والكويت والامارات و حاولو مع صندوق النقد الدولى لكنه رفض لعدم وجود نظام ديمقراطى منتخب فى مصر . البلد كلها بضيع علشان النظام القديم يرجع تانى الموضوع كان معركة حياة او موت بالنسبة للنظام السابق الذى لم يسقط ولكنه اصبح اقوى .

**mk3** · 02-06-2014 07:03 PM

المشاركة الأصلية كتبت بواسطة waleed0

دي ضريبة علي الأرباح الرأسمالية في البورصة ملهاش علاقة بالشهادات والكلام دا
مع العلم انا نفسي برضوا يتعمل ضريبة علي اصحاب الاموال في البنوك , والسبب ان فى ناس كتير متهربة من الضرائب وعندها ملايين فى البنوك ولكن بشرط اذا كان الشخص اللي حاططه فلوسه دي اكتسبها في مصر ولم يدفع عليها ضريبة , وبالشكل دا حتمنع اي حد يتهرب من الضرائب علي الدخل ويحتفظ بملايينه فى البنوك .

وبالمره بقى نرجع ضريبه التركات

**MaZaGAngeE** · 02-06-2014 09:51 PM

رجال الاعمال اللي صرفوا على الانقلاب لازم يكسبوا و اسرع مكسب في البورصة ...........ز قوم بقى ايه طلعوا تسريب الضرايب بتاع البورصة قوم الغلابة يخسروااكبر خسارة في تاريخ السوق ..... و البشوات يشتروا ببلاش و لما الاعلاميين يهروا ان كده بنضيع البلد(قال يعني مضيعوهاش) ......... قوم بقى ايه فخامة الهاشتاج يلغي القانون لعدم دستورية ان الدولة تاخد الريبة مرتين ... مرة من الشركة اللي دفعت ريبة ارباح و مرة من السهم نفسه ....
و مبروك على ساويرس و العصابة اسهم الغلابة اللي خدوها ب 3 ساغ ...............

و عشان افكركم الحوار ده اتهرس 4 او 5 مرات قبل كده و كل مرة نفس الفيلم ... تسريب ... انهيار....رجال اعمال يشتروا ....الحكومة تتراجع عن القانون لحماية السوق بعد هري الاعلام