لا حول ولا قوة الا بالله(حادثة تاني)

**sasatony** · 12-10-2008 05:17 PM

اولا الحمد لله علي كل شئ انتو عارفين ان انا كنت رديت خبطة في الاكصدام تحت الفانوس الايمين النهاردة بقي انسة ماشية بعربيتها وانا راكن العربية راحت وهي بتلف خبطت الاكصدام والجانب الايمن من العربية (الحمدلله علي كل شئ) طبعا اعتزرت والكلام ده وانا قولتلها حصل خير
المهم بقي انا مأمن علي العربية والعربية عامة لسه جديدة عاملة حوالي2400كم
دلوقتي انا تبع شركة المهندس للتأمين ياريت تقولولي ايه هي الخطوات الي يجب ان اتبعها علشان اصلح العربية في التأمين
وبنا يكفيكو شر الحوادث

**Amrrr** · 12-10-2008 05:41 PM

حمدا لله على سلامتك
انا مش عارف كل شركة ليها نظام ولا هو نظام واحد في كل شركات التأمين
في الجمعية :
بتروح تعمل إخطار حادثة في مقر شركة التأمين بعد ماتكون ظبط مع مركز الخدمة او التوكيل اللي هتروحلة عشان بيحددوه في إخطار الحادثة وبعدين بتروح تصلح عادي وبيكون في مهندس من التأمين في المكان اللي هتروح تصلح فيه
وهنا في قدامك حل من اتنين :
1- مركز الخدمة او التوكيل بيحاسبك الأول وبعدين تروح انت تتحاسب مع شركة التأمين
2- في بعض مراكز الخدمة وبعض التوكيلات بتتعامل مع بعض شركات التأمين مباشرة من غير ماتدفع فلوس - يعني تروح تودي عربيتك وبعدين تروح تستلمها وبعدين بتدفع مبالغ صغيرة اوي حسب حادثتك ( نسبة % من اجمالي الحادثة مثلا شفت واحد عامل حادثة مكلفها والعياذ بالله 20000 جم دفع 700 جم )
ودول كدة كدة هتتحملهم في اي حالة من الحالتين اللي فاتوا
دي الخطوات اللي عملتها وانا مأمن في الجمعية بس لسة هروح اركب الاكصدام في التوكيل يوم الثلاثاء (منصور - أبو رواش - أفيو )
وبالمناسبة كمان مهندس التأمين اللي عاين العربية في التوكيل رفض يصلح حتة من الكبوت مخبوطة مع نفس الحادثة وعاملها في اخطار الحادثة واتناقشت معاة ومفهمتش منه اي حاجة ومعرفتش هو على اساس ايه رفضها