موضوع جميل رغم اختلاف الآراء والرغبات والاذواق
رقم العضوية : 5118
تاريخ التسجيل : 01Feb2008
المشاركات : 11,185
النوع : ذكر
الاقامة : Cairo
السيارة: Megane II 2010
السيارة[2]: كانت دايو لانوس1 99 - وزة :)
دراجة بخارية: none
الحالة :
طب ندخل على range السعر الاعلى , و هنا العملية اصعب , و فيه عربيات كتير هايبقى الاختيار فيها مبني على عامل واحد , و فيه ناس هاتقول لي انت غلطان , و ممكن يكون معاهم حق و اكون غلطت فعلا , و ممكن يكون القصة و ما فيها كل واحد مناسبه ايه
الحقيقة اغلب عربيات الفئة دي عاجباني كعربيات و اللي فصل في القصة بنسبة كبيرة هي ظروفي و احتياجاتي
80-90 الف
هنا بنتكلم عن ميجان 2008-2010 , و نسبة كبيرة من العربيات اللي في السعر ده بتبقى حالتها كويسة
[SIZE="4"]معانا مجموعة عربيات اتكلمنا عنها في الفئات السعرية السابقة , و هنا هاذكر اللي هايتضاف معانا جديد بسانتهى سرد التجربة , و ارجو اكون افدتكم :)
مازدا 3 2006-2008
لما سقتها تسارعها عجبني جدا , و صاحبها قال لي ان ثباتها حلو , لكن في نفس الوقت التابلوه بتاعها ما عجبنيش و مساحتها الداخلية ما عجبتنيش , و لما سألت صديقي صاحبها عن قطع الغيار اشتكى لي من توفرها , و لما سألت و لفيت على اسعار قطع الغيار دي صرفت نظر عنها خالص
اكسنت 2009
اعرف واحد معاه العربية و بيشكر فيها و طاحنها سفر , بس وسائل امان مافيش , كماليات مافيش , توكيل غبور :( , ما كانتش مناسبة بالنسبة لي و بصراحة فرق كبير في الركوبة لصالح الميجان
ياريس 2006
عربية محترمة جدا و مريحة جدا و اعتمادية جدا , لكن كماليات مفيش و ثباتها على السرعات مش قد كده , مش مناسبة لاحتياجاتي
النترا 2007
تسارع رائع , تكييف رائع , كماليات على القد اوي , ثبات على السرعات على قده اوي , فقيرة نوعا ما من جوة , مش مناسبة لاحتياجاتي
بورا 2002
فرق الموديل و الكيلومتر كبير , و ما شفتش فيها تفوق على الميجان في حاجة , مع احترامي لأنها فولكس طبعا
كورولا 2003-2007
نفس قصة الياريس بالظبط بالاضافة للتسارع الرائع لو 1600
كان من الاختيارات اللي كانت عاجباني وقتها , و كانت موجودة في فئة ما فوق التسعين الف
اللانسر EX
كانت عاجباني بشدة بس لما سألت على اسعار قطع غيارها اتخضيت و صرفت نظر
و الBMW 316 2000
دي اللي كان نفسي ادوس فيها , بس كنت حاسس اني مش قدها و خفت ماقدرش اصرف عليها
و سيراتو 2010
من الاختيارات الرائعة , تتفوق على الميجان بشدة في التسارع و تتفوق عليها الميجان في العفشة و الثبات , بس وقتها كانت عمالة تتسرق و تعوم و تتقلب :( , فخفت منها
[/SIZE]
رقم العضوية : 123385
تاريخ التسجيل : 19Apr2012
المشاركات : 2,752
النوع : ذكر
الاقامة : القاهرة
السيارة: اوكتافيا2007 A5
السيارة[2]: New accent
دراجة بخارية: no
الحالة :
موضوع جميل رغم اختلاف الآراء والرغبات والاذواق
رقم العضوية : 71514
تاريخ التسجيل : 25May2010
المشاركات : 26,773
النوع : ذكر
الاقامة : EgYpT-ⵍⵎⵖⵔⵉⴱ-
السيارة: -- -- all FiaT ---
السيارة[2]: ToYoTa CorOllA ---
دراجة بخارية: - - - - - - -
الحالة :
فكرة الموضوع ممتازة
تحياتي وكل سنة وحضرتك بخير
رقم العضوية : 150531
تاريخ التسجيل : 24Oct2013
المشاركات : 12
النوع : ذكر
الاقامة : مرسى مطروح
السيارة: 132
السيارة[2]: 128
الحالة :
انا موافق حضرتك تماما.... سيدي الفاضل انا معا اسبيرانزا 516 بقالها معايا 3 سنين شريها من الزيرو 2010 ولحد دلوقتى معملتش معايا اى نقص رغم ان مسافاتى وسفرى كتير وانا من مرسى مطروح
الغرض انها معملتش معايا ليه اى نقص لأنى محافظ على صياناتها الدورية فى التوكيل بهتم بنوعية الزيوت وبهتم بيها جدا وطلعت بيها سيوة كتييييييييير وفى ناس عارفة يعنى ايه طريق سيوة مطروح مع ان فى ناس كتييير مش بتشكر فى العربية وناس عملت معاهم دقات نقص مش ممكن تتخيلها وده نتيجة الثقافة السيئة اننا عايزين نركب عربيات وندور ونمشى بدون مصروفات
مع احترامي للسيارات القديمة موديلات 70 لو عربيتك بتعمل صيانات ليها بشكل دورى وبتهتم بيها كويس صدقنى عمرها ما هتعمل معاك اى دقات نقص... انا كان معايا 132 موديل 74 وقعدت سنتين بدون ماتحرجنى مرة على طريق سفر... اسف للاطالة
رقم العضوية : 150531
تاريخ التسجيل : 24Oct2013
المشاركات : 12
النوع : ذكر
الاقامة : مرسى مطروح
السيارة: 132
السيارة[2]: 128
الحالة :
عزيزي احمد عبد المقصود .... انت علامة مميزة فى منتديات رينو
انا موفق حضرتك تماما ان مش كل اللى يقدر على مصروفات 128 يقدر على مصروفات ميجان
انا من فترة كنت هاشترى ميجان 2005 ب 48000 فسألت صاحبها انت ليه مموت سعرها كدة ,قاللى ياعم ده عربية بنت ..... انا اشتريتها من هنا وعمال اصرف عليها لما طلعت عيني .... ده انا مغيرلها عفشة كاملة بألفين جنيه... قولتله طب وايه المشكلة انت اى عربية هاتجيبها وهاتعملها عفشة كاملة هاتصرف فى نفس الحدود؟؟
رد عليا قاللى انا كان معايا 128 ولما كنت بجدد عفشتها ماكانتش بتكمل 500 جنيه هى الميجان اللى مصاريفها كتييير انا ماقدرش عليها.
معظم اللى بيشتكى من كتر المصاريف مع احترامي للجميع عربية زى 128 او اى حاجة من اللى مصروفها صغير وللاسف لما ربنا بيكرمه ويجيب عربية من الحديثة ايا كان نوعها بيحس ان مصاريفها كبيرة والعربية قطع غيارها نااااار ولما تعمل معاه نقص ناتج عن الاهمال وبعد كدة يبقى العيب فى العربية مش فى اهمال صاحبها ليها.... بس يمكن ممكن اقدر ابرر ده بأن عندنا ثقافة بتقول ان الجديد مالوش مصاريف وهذا الاعتقاد خاطئ تماما ان القديم والجديد ليه مصاريف بس القديم مصاريف احلال وتجديد + الصيانة الدورية اللازمة للتشغيل والجديد بيحتاج مصاريف الصيانة الدورية اللازمة لتشغيله ....هذا للايضاح واسف على الاطالة
رقم العضوية : 5118
تاريخ التسجيل : 01Feb2008
المشاركات : 11,185
النوع : ذكر
الاقامة : Cairo
السيارة: Megane II 2010
السيارة[2]: كانت دايو لانوس1 99 - وزة :)
دراجة بخارية: none
الحالة :
صح جدا
بالمناسبة عفشة كاملة بألفين جنيه يعني كل قطع الغيار اللي ركبها تجارية بلا استثناء و ما ركبش حاجة اصلي
اصلا المقصين الاصلي بس بألفين جنيه
المفضلات