نصائح هامة من واقع تجربة شخصية

**xscropi_12** · 30-05-2014 05:30 AM

الاخوة الكرام لقد مررت بمجموعة من المواقف مع سيارتى الداتشيا نوفا 98 وسوف اعطى بعض النصائح المتواضعة عن خبرة متواضعة ايضا مع سيارتى وهى
1- قربة المياه تم تغير الغطاء اكثر من مرة بسبب نسيانه فى حوض العربية بعد تنظيف دورة التبريد وتم شراء غطاء قربة الجولف وان من التوفيقية بسعر 15 جنية لانه نفس المقاس وقبلها جربت اغطية مثل الرينو 9 والـ 13 وممكن شراء قربة الجولف بالكامل استيراد من 50 الى 70 جنية من الوكالة او عزبة شلبى وتستخدم لها حاجة زى الحزام لتثبيتها مكان القربة الاصلية
2- طرمبة المية اذا كانت غير موجودة عند البساطى ممكن استخدام طرمبة الرينو الـ 12 مع تعديل يسيط وذلك بعمل وصلة لخرطوم المية الواصل بالردياتير من اعلى واستخدام طبة لاغية للفتحة الاصلية وتكلفة الموضوع كله تقريبا 200 بالمصنعية
3- مساعدين باب الشنظة تم تغيرهم من التوفيقية جداد بسعر 120 جنية هو فيه واحد متخصص فى المساعدين ثانى شارع فى التوفيقية على الشمال لو انت داخل من شارع رمسيس واهم حاجة يكون نيوتن المساعد اكبر من 400 لان باب الشطة تقيل وبلاش المساعدين الاستيراد عن تجربة تم شراءهم بـ 40 وعزمهم اقل بعد شهرين من الاستخدام
وللحديث بقية

**mohsen128** · 31-05-2014 02:24 PM

تسلم ياباشا على المشاركه الممتازه ديه الله ينور عليك انا محتاج مساعدين للشنطه فعلا ، ياريت كل واحد يعمل حاجه في العربيه يقوله بالتفصيل والله كلنا بنستفاد من بعض .

**ahmedabdelrahm** · 31-05-2014 05:27 PM

اولا : احنا متشكرين جدا على المعلومات القيمه دى
بس هل قربه الميه بتاعة الداتشيا موديل 98 هى بتاعه موديل 2000
علشان انا عربيتى موديل 2000

**hazemawad** · 01-06-2014 07:25 PM

المحل بتاع مساعدين الشنطه اللى فى التوفيقيه اسمه الهوارى والمساعدين لايقلوا عن 500 نبوتن وطولهم لا يقل عن 43 سم

**xscropi_12** · 03-06-2014 06:04 PM

المشاركة الأصلية كتبت بواسطة mohsen128

تسلم ياباشا على المشاركه الممتازه ديه الله ينور عليك انا محتاج مساعدين للشنطه فعلا ، ياريت كل واحد يعمل حاجه في العربيه يقوله بالتفصيل والله كلنا بنستفاد من بعض .

انا اللى شاكر لان الواحد استفاد كثيرا من الاعضاء الكرام خصوصا الاستاذ / محسن والاستاذ/ حازم والاخ الفاضل / وائل

**xscropi_12** · 03-06-2014 06:12 PM

المشاركة الأصلية كتبت بواسطة ahmedabdelrahm

اولا : احنا متشكرين جدا على المعلومات القيمه دى
بس هل قربه الميه بتاعة الداتشيا موديل 98 هى بتاعه موديل 2000
علشان انا عربيتى موديل 2000

اخى الفاضل بالفعل قربة المية بتاعة الداتشيا نوفا جميع الموديلات من سنة 97 حتى 2000 شكل واحد لانى كان معاى موديل 97 والان معاى 98 وكنت شوفت عربية معروضة على النت موديل 2000 وصاحبها مصور الحوض وشوفت القربة كانت واحدة واعتقد ان كل موديلات الداتشيا نوفا واحد فى كل حاجة ماعدا شكل التابلوه والاوكر مختلف فى موديل 97 عن 98

**xscropi_12** · 03-06-2014 06:18 PM

المشاركة الأصلية كتبت بواسطة hazemawad

المحل بتاع مساعدين الشنطه اللى فى التوفيقيه اسمه الهوارى والمساعدين لايقلوا عن 500 نبوتن وطولهم لا يقل عن 43 سم

بالفعل المحل اسمه الهوارى والمساعدين اللى اشتريتهم الواحد عزمه 420 نيوتن وانا مركب واحد قديم مع واحد جديد لان الاتنين الجداد كانوا جامدبن جدا لدرجة انى كنت بعافر علشان اقفل الشنطة وللعلم هما المانى والراجل قالى 150 وبعد الفصال وصلت معاه لــ 120

**xscropi_12** · 03-06-2014 06:33 PM

المشاركة الأصلية كتبت بواسطة xscropi_12

الاخوة الكرام لقد مررت بمجموعة من المواقف مع سيارتى الداتشيا نوفا 98 وسوف اعطى بعض النصائح المتواضعة عن خبرة متواضعة ايضا مع سيارتى وهى
1- قربة المياه تم تغير الغطاء اكثر من مرة بسبب نسيانه فى حوض العربية بعد تنظيف دورة التبريد وتم شراء غطاء قربة الجولف وان من التوفيقية بسعر 15 جنية لانه نفس المقاس وقبلها جربت اغطية مثل الرينو 9 والـ 13 وممكن شراء قربة الجولف بالكامل استيراد من 50 الى 70 جنية من الوكالة او عزبة شلبى وتستخدم لها حاجة زى الحزام لتثبيتها مكان القربة الاصلية
2- طرمبة المية اذا كانت غير موجودة عند البساطى ممكن استخدام طرمبة الرينو الـ 12 مع تعديل يسيط وذلك بعمل وصلة لخرطوم المية الواصل بالردياتير من اعلى واستخدام طبة لاغية للفتحة الاصلية وتكلفة الموضوع كله تقريبا 200 بالمصنعية
3- مساعدين باب الشنظة تم تغيرهم من التوفيقية جداد بسعر 120 جنية هو فيه واحد متخصص فى المساعدين ثانى شارع فى التوفيقية على الشمال لو انت داخل من شارع رمسيس واهم حاجة يكون نيوتن المساعد اكبر من 400 لان باب الشطة تقيل وبلاش المساعدين الاستيراد عن تجربة تم شراءهم بـ 40 وعزمهم اقل بعد شهرين من الاستخدام
وللحديث بقية

4- كان عندى مشكلة غريبة ان عصاية الفتيس بعد المشى بالعربية الكثر من ساعة تبدأ الغيارات تعاكسنى وخصوصا الغيار الثانى والمرشديه والكثير من الميكانيكية اجمعوا ان الديسك محتاج تغيير واسطوانة سليمة لان سحب العربية ممتاز وكنت خلاص هاغير طقم الديسك والاسطوانة بالكامل لحد ما قبلت واحد بيتعامل مع ميكانيكى رينو فى عين شمس ونصحنى انى اذهب اليه وبالفعل شاف العربية وقالى انت محتاج تغير العصاية بالتيش الى رينو 9 لان الفتيس عندى رينو 9 وبالفعل تم تغيير العصاية والموضوع اختلف تماما بدون تغيير الطقم خالص وانا انصح بذلك وعموما التكلفة 270 ومصنعية 120 جنية وشكرا