الموضوع: تغيير مساعدين وشغل عفشه- ابيزا 94

الف مبروك شغل العفشه
وشكرا على التقرير جزاك الله خيرا
موضوع الدركسيون ظبط الزوايا هيظبطلك الموضوع ده وعمتا مش ممكن تحكم قبل الظبط ومتنساش ان الزوايا معاك خلفه جدا ومن رأى أنك تبدأ الظبط فوراً
موضوع تيل الفرامل ممكن يكون عاوز يتخدلها هوا تانى لان المفروض تعلا مش توطى عشان التيل جديد
موضوع مش نعمه مع التكسير فقط ده طبيعى لانه متاظبطش زوايا لسى وكمان العفشه لم تكتمل ناقص العفشه الخلفيه ربنا يقدرك وتعملها ان شاء الله
اول ماتظبط الزوايا الموضوع هيخف كتير ومع عمل العفشه الخلفيه صح هيختفى
بالتوفيق
تحياتى

مبروك يا حازم تجديد العفشة وعقبال العفشة الخلفية ان شاء الله, العفشة الخلفية اسهل بكتير لأن مفيهاش غير جوز مساعدين باليايات بتاعتهم وانا كنت غيرتهم بنفسى قبل كده وعملت بيهم موضوع

http://www.nilemotors.net/Nile/344552-a.html

بالنسبة لتقل الدركسيون طبعا الزوايا ليها دور كبير فى الموضوع ده والدور الأكبر ضغط الهواء فى الكاوتش, راجع عليه بس اهم حاجة يكون الكاوتش بارد, يعنى متكونش مشيت بالعربية, حاول تركنها من بالليل جنب اقرب واحد بتاع كاوتش جنب بيتك و الصبح انزل قيس الضغط واظبطه, ومهم كمان انك تتأكد ان المقياس اللى عند الراجل ده سليم

بالنسبة للفرامل, طبيعى انك تحس ان العربية بتهدى ومش بتكلبش طالما لسه مغير تيل جديد, لأن التيل بيكون عليه طبقة من الشمع والطبقة دى بتروح بعد استخدام الفرامل كذا مرة, الصنايعية بيقولوا عليها "بتطبع"
فى صنايعية بيحكوا التيل فى الاسفلت قبل ما يركبوه, بس للأسف الطريقة دى بتبوظ التيل وبتخليه يصفر لأن بيدخل تراب فى بطانة التيل وبالتالى هتبوظ الطنابير بعد فترة
ولازم بعد تركيب التيل يتاخد هوا من دايرة الفرامل عشان تعوض مقدار التأكل اللى حصل فى الطنابير من التيل القديم

[QUOTE=Hazem_Ahmed;3875608747]السلام عليكم ورحمة الله وبركاته

[QUOTE]

وعليكم السلام ورحمة الله وبركاته

الفتره الاخيره العربيه بدات تصعب عليا بسبب العفشه وتقطع القلب ف الحفر والمطبات من شخاليل ورزع وهبد وطبعا علشان ف اولويات قررت انى اعمل العفشه ع مرحلتين
مره عفشه قدام ومره عفشه ورا وطبعا الاولويه للجزء الامامى وخاصته ان الجزء الخلفى مش رايح ف داهيه قوى زى قدام

المهم خد بعضى وطلعت ع الميكانيكى وعنده صنايعى تانى ف الورشه عفشه بس وده اللى عمل الشغل

أشك انك أشتغلت مع العفشجي اللي عند عصام
اسمه عبد المتجلي - صح كدة ؟؟
انا مش هقول عليه اي تعليق علي شغله
لكن هقول انه أغلي كتير من صنايعية تانية ممكن تكون في مستواه

نزل العفشه كلها ع الارض وادانى التقرير الاتى:

صليبه دريكسون فيها بوش وهيا اللى بتعمل معاك الدبدبه والعلبه سليمه ومش محتاجه تتغير
المساعدين والبطاحات بايظين وكانك ماشى من غيرهم وخاصته ان المالك القديم بتاع العربيه كان حاطت علايات وكان ف مساعد ضارب منه زيت ويلزم التغيير
الكبالن سليمه بس الكبلن اليمين محتاج كاوتشه
بيض المقص صلاحيه انتهت ولازم يتغير
جلب المقص (المدوره) مقطعه اما جلب البلحه سليمه
التيل محتاج يتغير بالمره

المهم روحت اشتريت الحاجات دى كلها:
http://www.nilemotors.net/Nile/34102...post3875606884
http://www.nilemotors.net/Nile/34102...post3875606887
http://www.nilemotors.net/Nile/34102...post3875606889
http://www.nilemotors.net/Nile/34102...post3875606904
http://www.nilemotors.net/Nile/34102...post3875606905
http://www.nilemotors.net/Nile/34102...post3875606913

وروحت رايحلو تانى قعد يركب ويشتغل وبعد ما خلص طلعت جربت العربيه الحمد لله الدبدبه اللى كانت ف الدريكسون راحت والعربيه بقت حنينه ف المطبات والبلاعات

وف الاخر قالى مصنعيه 250 جنيه واشوفك تانى لما تيجى تعمل عفشه ورا

دة اللي بتكلم فيه

عندى كام تعليق وكنت حابب اسمع اراء حضراتكم:

1- الدريكسون بقا اتقل من الاول وكمان بيتقل ف الجنب الشمال اكتر من اليمين ومش ف كل لفه الطاره بتكون تقيله (لا) بتتقل ف حته والتانيه لا على نفس الجنب,,, ولما سالته قالى اظبط زوايا وهيا تتظبط معاك !!! فهل ده كلام صحيح ؟؟

الزوايا فعلا تظبط معاك النقطة دي
2- انت مغير بطاحات
واحتمال كبير يكون البلي بتاعها (ماعرفش غيرته ولا لاء - بس لو انت اشتريت البطاحة من عصام يبقي اكيد اشتغلت علي البلية القديمة)
اعتقد لو كنت شحمت البلي بتاع البطاحة كان الدريكسيون هيفرق معاك اكتر
3- كمان بيض المقصات بيفرق في تقل الدريكسيون - لما البلي يشتغل شوية هينعم

اي عربية بتظبط عفشة - الدريكسيون بيتقل شوية وبعد كام يوم بيخف

2- العربيه ناعمه ف المطبات بس ناشفه ف الشوراع المكسره والطرق اللى بيكون فيها حصو,, هل ده ليه علاقه بالشغل ده ولا ده طبيعى

اعتقد دة ضغط العجل
2- كل الأبيزا كدة - انا عربيتي كدة
اخد بيها المطبات زي الملبن - لكن في الشواع المدقات بحس ان العربية هتتكسر مني وخصوصاً التابلوه

3- بعد ما غير تيل الفرامل المفروض بعدها العربيه تكلبش ف الارض بس الموضوع عكس كده تماما وكمان الفرامل اصبحت واطيه,, هل ده ليه علاقه بالتيل او الفرامل واخده هوا مش عارف

أصبر شوية عليها - بالكتير يومين
لو لسة ماظبطتش - نزل كل الزيت اللي فيها واغسل الدورة بعبوة زيت dot 4 واملي الدورة كلها بزيت بردو dot 4 اعتقد الدورة كلها بتاخد حوالي من 500 - 600 مل زيت يعني بتحتاج اقل شوية من 3 عبوات سعة 250 مل

انا لسه مظبطش زوايا ولا عملت حاجه ف العربيه من سعت ما ختها منه لان بتاع الزوايا قالى امشى عليها كام يوم علشان تطبع وتظبط ع لمرتاح

اعتذر ع الاطاله ومنتظر تعليقاتكم

لو عايز حد قريب من الهرم
اطلع علي محطة موبيل اللي بعد شارع العريش - امام مدرسة الفاروق الخاصة
هتلاقي هناك صنايعي اسمه محمد
انا بتعامل معاه علي طوول
ما شاء الله عليه

تحياتي