الموضوع: أشتري بيجو 301 و لا لأ ؟!؟! محتارة أفيدوني

المشاركة الأصلية كتبت بواسطة lamis73

ألف شكر ,,,,, و دعوتكم ..يعني أتوكل على الله و أشتري 301

لو نويتى على البيجو 301 هاى لاين (139500) يبقى برده خدى بصه على الشيفروليه كروز 2014 (150000) عشان تبقى متأكده إنك شوفتى البدائل القريبه.

http://www.nilemotors.net/Nile/423396-301-2014-a.html

http://www.nilemotors.net/Nile/422098-2014.html

الكروز ينقصها عن الـ 301 هاى لاين

- البلوتوث
- اليو إس بى
- حساسات الركن
- ولاعة السجائر

صالون الكروز و تصميمه أكثر عملية و أكثر شياكه من الـ 301

- زراير الإزاز فى الباب على خلاف الـ 301 جنب الفيتيس
- زراير الميديا فى الطاره مش فى ذراع خلف الطاره زى الـ 301
- مش هاتبقى مضطره ترفعى مسند الذراع كل ماتيجى ترفعى فرامل اليد زى فى الـ 301
- عندك أماكن تخزين فى التابلوه و الأبواب من فوق و ده مش موجود فى الـ 301
- فى نور فى درج التابلوه مش موجود فى الـ 301
- الكروز بيجى معاها إنذار صوتى مش موجود فى البيجو 301
- تكلفة تركيب إنذار صوتى للبيجو 301 بيكلفك 3500 جنيه فى التوكيل.


حضرتك خدى وقتك و دورى على كل صغيره و كبيره فى الإختيارات اللى قدامك, إنزلى المعارض و إتفرجى بنفسك, و بصراحة لو هاتجيبى الـ 301 هاى لاين, يبقى زودى 10000 جنيه و هاتى الكروز.

المشاركة الأصلية كتبت بواسطة abohend

المساحة الخلفية لل301 أكبر من الكروز

ههههههههههههههههه بكام سم؟ قصدك إيه بالمساحة الخلفية, الشنطة و لا المقعد الخلفى؟

لازم حضرتك تحددى انتى بتختارى عربية على اى اساس

يعنى مثلا علشان الامان ولا الركوبة ولا الاوبشن ولا الاعتمادية ولا التكنولوجيا ولا سعر اعادة البيع

ولا الاسم وما الى ذلك.

ولازم تقارنى عربية بعربية نفس الفئة الكروز تختلف عن البيجو

لو بتفكرى فى حاجة من الاتنين انا مثلا باقارن بهيكل العربية يستحمل قد ايه وخلى بالك ال محسودة جدااااا

وعوامل الامان الكروز فيها اوبشن عالى بس برضه كورى لكن الاوروبى اوروبى من وجهة نظرى

فى مشاكل فى البيجو واكيد فى كل التوكيلات اللى يهمنى درجة اهتمام التوكيل بيا وطريقة حله للمشاكل

بالنسبة لنقطة الزيادة فى الاسعار فهى برضه غريبة شوية خصوصا ان سعر صرف الدولار مزدش كتير ومعتقدش ان اى

توكيل ممكن يغامر بعربيته عشان كام قرش الا فى مصر طبعا

المهم ان الزيادة هتبقى على الكل ولو الفلوس مش بتحكم الموضوع ممكن تفكرى فى حلول كتيرة

وتانى برضه المهم اساس اختيار حضرتك للعربية هيكون ايه بالضبط عشان تبقى مستريحة وانتى راكبة العربية

اسف للاطالة وارجو ان اكون فدتك

ألف شكر لجميع من شارك معي في هذا الموضوع بجد كلكم كانت مشاركتكم ثرية و مُفيدة
طيب ممكن أتاقل عليكم كمان و أسأل عن السيارة المتسوبيشي الأتراج سمعت عنها أنها ممتازة و بتستحمل المطبات و سحبها ممتاز و ثباتها جيد جداً و المكيف ممتاز و لا يؤثر في سحب السيارة بالرغم من أنها 1200سي سي ؟؟و سعرها يبدأ ب 98000حتى 113000 فأصبحت في حيرة جديدة،فلو حد عنده معلومات عنها أو جربها يقولي
و ألف شكر مرة أخرى على التعاون الرائع من أعضاء المنتدى المحترمين