أشتري بيجو 301 و لا لأ ؟!؟! محتارة أفيدوني

**waleed acc** · 07-06-2014 11:38 PM

حضرتك ابعدي عن المتسوبيشي الجديده احسن لانها 3 سلندر يعني لو بوجيه واحد عطل مش هاتمشي زي الاربعة و بعدين لو سلندر واحد تعب اظن العربية هاتبقى سيئة أظن خليكي في العربية الاربعة سلندر
انا معايا اليزيه و هي كويسه جدا بس انصحك تشوفي الشرك اظن هاتبقى احسن
و شكرا

**ابو هنا** · 08-06-2014 12:44 AM

المشاركة الأصلية كتبت بواسطة lamis73

أنا عندي سيارة بولو 2005 عيون و حلتها ممتازة و الصراحة أداءها ممتاز و بتستحمل و خاصة الشوارع المكسرة لأني أسكن بالمقطم الهضبه الوسطى و كلها تكسير و السيارة الحمد لله ممتازة و ما كسفتنيش مرة ،بس الحقيقة أنا كان نفسي أشتري سيارة جديدة(ع الزيرو) و يكون مكيفها قوي أصل البولو مكيفها مش قوي بس مش وحش ،و أنا دورت في الفئة السعرية المطلوبه بين السيارات و كنت حيرانة بين اليارس و الستروين سي إليزية و بيجو301 بس في الأخر أستقريت على البيجو301 بس قولت أسأل أهل الخبرة الأول ؟؟؟؟ هااااا إيه رأيكم؟؟؟؟

نصحه لوجه لله تعالى متمرمتيش نفسك مع البيجو ، وخليكي في التويوتا الياريس خصوصاً بعد منزلوها 1500 cc

**zook** · 08-06-2014 08:28 AM

انا من رائ كيا ريو وكيل او خليجى و تشترى ضمان تربيل aa وز ده اللى انا كنت هختاره فى نفس المقارنه فى الفئه السعريه ديه

**م أحمد** · 08-06-2014 08:56 AM

المشاركة الأصلية كتبت بواسطة ابو هنا

نصحه لوجه لله تعالى متمرمتيش نفسك مع البيجو ، وخليكي في التويوتا الياريس خصوصاً بعد منزلوها 1500 cc

و انت رميت نفسك ليه ؟

ما علينا لو عايز تخلص من عربيتك وتبيعها ادينى بياناتك و مواصفات العربية

**wella3330** · 08-06-2014 09:48 AM

يارس سيدان 1500

**usamaarca** · 08-06-2014 10:03 AM

ابعدي عن الاتراج ، اولا لموضوع ال3 سليندر وثانيا انها تايلندي ولسه ماتجربتش في السوق
. خليكي في البيجو أو الياريس.

**raad13** · 09-06-2014 09:13 AM

واضح جدا من كلامها ان ميزانيتها لا تتعدى ال140 ألف فمش فاهم بصراحة الناس الي بتقولها على التوليدو و الرابيد الي اسعارهم بتتراوح بين ال155 لل170!!! على العموم افضل عربية في السعر دي فعلا هي ال301 او الريو و لو عرفتي تزودي 10,000 يبقى تلحقي الكروز بالعرض الرائع الي عاملاه دلوقتي

**raad13** · 09-06-2014 09:16 AM

فيه برده ياريس ال1500 لسة نزلة من يومين بس بصراحة معرفش عنها حاجة

**abdoumahros** · 09-06-2014 10:51 AM

الجين 2 وعن تجربه فيها كل طلباتك وبسعر كويس حوالي 110 الف

**ابو هنا** · 09-06-2014 09:08 PM

المشاركة الأصلية كتبت بواسطة م أحمد

و انت رميت نفسك ليه ؟

ما علينا لو عايز تخلص من عربيتك وتبيعها ادينى بياناتك و مواصفات العربية

يا باشا اختيار السيارة بيختلف من واحد لاخر ، اكيد حضرتك عارف ان 301 سيارة خشنه في المشي عكس الياباني او الكوري ، بالاضافة انها بتقلب بطة بلدي مع التكييف ليس في الطريق السريع ولكن في وسط البلد، وصحبة الموضوع بنوتة ولها متطلبات خاصة من نعومة السيارة وقوة التكييف واعتقد ان ده هتلقيه في اليارس 1500cc ، وعلى فكره انا مرضتش اشتتها بالكيا الريو او الهيونداي الاكسنت لان من الواضح انهم مش في اهتمامتها ،
اما بالنسبة لموضوع بيعي لمحبوبتي 301 ، فانا سعيد جدا بالسيارة لاني مقتنع بيها بالرغم من عيوبها ( على الاقل من وجهت نظري ) ولو رجع بيا الزمان تاني حتكون هي بردة اختياري .
نصيحه اخيرة لاي حد عايز يشتري سيارة لازم يكون حببها علشان يقدر يتقبل عيوبها ، لان مفيش سيارة حتديلك كل حاجة مهما كان سعرها .