المشاركة الأصلية كتبت بواسطة medomada
فى الحقيقه يا جماعه أنا باحسدكم على هدوء أعصابكم, كنت يوم فى كندا و لفيت كتير فى مسط البلد (مونتريال ) مافيش ركنه المهم بعد بحث إكتشفت مكان يادوبك ياخد عربيتى و بالفعل و لأنى من مصر الحبيبه إستطعت الركنه دون أن أمس السياره التى أمامى أو التى خلفى و لكن المسافه بينى و بين أيهما كانت تقل عن سنتيمترات , المهم قضيت مشاويرى و رجعت أخد العربيه لقيت الدنيا مقلوبه و بوليس واقف جنب العربيه , فيه ايه يا عم قام الظابط كلمنى بمنتهى الأدب و قاللى إنى ركنت قريب قوى من العربيات التانيه و كان ممكن أخبطهم , قلتله لكن ده محصلش , رد قال كان ممكن يحصل و طبعا إدانى المخالفه و مشى , على فكره ساعتها كانت العربيات التانيه مشيت لكن القانون قانون. المهم من فتره حصل فى مصر إن واحد قريبى لقى واحد قافل عليه كده و بعد ما عمل شامبانزى و خرج بالعربيه قام مفضى فرده الكاوتش بتاعه الشخص المخالف و لأنه محترم قام كاتب ورقه زى حضرتك بالضبط فيها حصل ايه و هو عمل أيه و مضى بإسمه , المهم الموضوع تحول إلى قضيه علشان الراجل التانى راح عمل محضر بالورقه.