الموضوع: استلام بيكانتو 2015

انا الحمد لله أستلمت السيارة من كام يوم وروحت بيها المرور وانا مشغل التكييف ولأن كان الجو حر جدا
الفترة الأولى مش مهم السرعة كام المهم ال rpm لا يتعدى 3.5 يعني خلينا في حدود 3 أفضل لكفاءة الماتور
وعلشان الزيت بتاع الماتور بيكون فيه بعض الرايش من التصنيع ( زيت التليين ) فيفضل عدم التحميل على الماتور
وبالنسبة للإستلام ياريت تجربي كل الكماليات إلي في السيارة وأيضا الكاتالوج وشهادة الضمان والأستبن والكوريك
وأخيرا
ألأف مبروك على السيارة وربنا يرزقك خيرها ويكفيك شرها وشر الطريق

اخبار الاستلام ايه ؟؟ يارب يكون تم على خير

المشاركة الأصلية كتبت بواسطة م/محمد صلاح

اعتذر عن اسلوبي السيئ فى الرد على حضرتك .. وارجو انك تقبل اعتذاري
اسف مره تانيه

لا يا فندم ما فيش حاجة. اتشرفت بمعرفتك.

صباح الخير .. تم الاستلام :) الحمدلله ..

من كتر الارتباك طبعا اللي كنت فيه زائد بابا اللي كان قاعد جنبي :D ( العصبية اقصد ) مشيت بالعربية تقريبا اكتر من 10 كيلو وفرامل اليد مرفووووووعة :( .. هل ده في مشكلة !!!!!


انا جايبة فئة الهاي لاين .. مش المفروض دي متوفر فيها مرايات ضم اللي هي folding mirrors !! ولا ايه ؟؟
ولا بس مرايات كهربا

و كمان الـ room lamp اللي فوق جربته مش عارفة مش شغال ليه ؟!


ماعدا اللي ذكرته .. انا معجبة بالعربية جداً .. استجابتها كويسة :)


وشكرا لكل شخص افادني .. ربنا يعزكوا :)

المشاركة الأصلية كتبت بواسطة ayat630

صباح الخير .. تم الاستلام :) الحمدلله ..

من كتر الارتباك طبعا اللي كنت فيه زائد بابا اللي كان قاعد جنبي :d ( العصبية اقصد ) مشيت بالعربية تقريبا اكتر من 10 كيلو وفرامل اليد مرفووووووعة :( .. هل ده في مشكلة !!!!!


انا جايبة فئة الهاي لاين .. مش المفروض دي متوفر فيها مرايات ضم اللي هي folding mirrors !! ولا ايه ؟؟
ولا بس مرايات كهربا

و كمان الـ room lamp اللي فوق جربته مش عارفة مش شغال ليه ؟!


ماعدا اللي ذكرته .. انا معجبة بالعربية جداً .. استجابتها كويسة :)


وشكرا لكل شخص افادني .. ربنا يعزكوا :)

اظن انتى كنتى سايبه فرامل اليد مرفوعه بس فى النص مش مرفوعه على الاخر اوى عشان كده مشيت لو على الخر مش هتمشى
بس خلى بالك بعد كده اوى عشان ممكن كده تزودى حمل على المحرك و كمان تيل فرامل الخلفى ممكن يضعف مع الوقت و تتاكل بس خير ان شاء الله محصلش حاجه ده مشكله نص مصر عادى
الحل شدى فرامل اليد جامد عشان تجيب اخرها مش تفضل فى النص و لو نسيت هتعرفى من اول متر

المفروض ان لو الهاند مرفوع العربيه ماتمشيش حتى لو دوستى بنزين .. فطالما مشيت معاكى يبقي زى الاستاذ Zook ماقال ان الهاند ماكانش مشدود على الاخر ... اللى ممكن يحصل ان التيل هيتاكل شويه وطالما العربيه جديده فمفيش قلق على الطنابير ان شاء الله لان التيل لسه جديد بس اكيد الطنابير هاتسخن و التيل هيتاكل شويه وطبعا عشان تمشي على ١٠٠ مثلا هاتبقي محمله عالموتور اكتر من انك تمشي ١٠٠ والهاند نازل بس ان شاء الله مافيش قلق وسليمه ان شاء الله
العربيه لسه جديده استمتعى بيها وربنا يديكي خيرها ويكفيكى شرها يارب

عايزين نعرف تفاصيل الاستلام ولما تمشي بيها شويه ان شاء الله تعمليلنا تقرير محترم كده

هل في فرق بين بيكانتو هاي لاين موديل ٢٠١٤ وموديل ٢٠١٥ ؟
لسه شاري موديل ٢٠١٤ هاي لاين للمدام ب ١٠٠٠٠٠ جم
حبيت اعرف هل في اي تغيير .