اولا الف مبروك على العربيه الجديده ربنا يديكى خيرها ويكفيكي شرها
بالنسبه لزيادة السعر اعتقد عادى عشان استمرار هبوط الجنيه مقابل بقية العملات وارتفاع سعر الدولار وكل التوكيلات رفعت الاسعار فعلا
بالنسبه للورق ده طبيعي لان التوكيل بيستلم العربيات ويبدا فى توزيعها على الحاجزين قبل الافراج الحمركى مايحلص
ان شاء الله وقت الاستلام تأكدى ان كل حاجه شغاله فى العربيه وجربيها .. من اضواء وزجاج وخلافه وطبعا هاتراجعى على الاستبن والعده بتاعة العربيه (الكوريك) والولاعه وكل حاجه .. وتأكدى من استلام مفتاحين
فى اول ١٠٠٠ كيلو ان شاء الله السرعه لا تتعدي ٨٠ والار بي ام لا يتعدى ٣ ويستحسن ماتشغليش التكييف اول ١٠٠٠ كيلو اللى هى فترة التليين
الف مبروك مره تانيه وربنا يفرحك بيها ويبعد عنك العين وماتنسيش تتصدقى بنية شكر ربنا على النعمه وليس بنية رد الحسد
المفضلات