الموضوع: صوت صفارة بعد تغيير التيل الأمامى للفلوانس

المشاركة الأصلية كتبت بواسطة m_marmoush

حصلت لى مشكلة بسيطة و إتحلت الحمد لله فقلت أعرضها عليكم
بعد تغييير التيل الأمامى للعربية فى التوكيل الأسبوع اللي فات، لقيت و انا ماشي بعديه بيومين صوت صفارة جاى من العجلة الأمامية و أنا ماشي بدون الضغط على الفرامل
كلمت التوكيل فورا عشان أحجز صيانة فورا عشان كنت خايف لاتكون بلية عشان الصوت مستمر مع المشي بأي سرعة و مش بيختفى غير لما العربية تقف
الكوول سنتر رد وحكيت لة المشكلة و كان ردة أن دة شوية تراب دخلو بين التيل و الطنابير، كل اللي عليك تغسلهم فى أى محطة بنزين و الصوت حيروح
و فعلا دخلت غسلتهم فى محطة بنزين و الصوت راح
حبيت بس أشركم فى اللى حصل عشان الكل يستفيد ومايتخضش زيى :)

ألف مبروك تغيير التيل و شكراً جداً لمشاركتنا تجربتك لأستفادة الجميع
سؤالين لحضرتك بعد إذنك حتى تكتمل الأستفادة:

- غيرت التيل بعد كام ألف كم؟
- تمن التيل فى التوكيل و تمن المصنعيات

تحياتى

الف شكر لحضرتك, و أعتقد 30 ألف كم على تيل أمامى حاجة كويسة جداً....أنا عارف أنها بتفرق حسب طبيعة السواقة و لكن فى المجمل 30 ألف كم على تيل فرامل أمامى لعربية أتوماتيك مع فرامل ممتازة و عدم وجود أى صوت إحتكاك طوال هذه الفترة و عدم التأثير على الطنابير ده شىء ممتاز

الكلفة برده و بالمقارنة بنفس فئة السيارات دى تعتبر معقولة و خصوصاً لو التغيير كل 30 ألف كم

مبروك مرة أخرى و عقبال تغيير التيل بعد 300 ألف كم.....

تحياتى