الموضوع: سكودا فليشيا تغيير تيل الفرامل الأمامى

بسيطة انشاء الله وانا بالم فيفورتى اعملك شرح بالصور ازاى تغير تيل الفرامل بس خد معلومات تصبيرة*****

علشان تغير تيل الرفامل الامامى دا اسهل بكيتيييييييييير من تغيير التيل الخلفة والخطواط:::

ارفع جنب العربة بالكوريك اكنك عاوز تغير الفردة وتفك الفردة حيظهر امام كلابش الفرامل ماسك على الطنبورة ومربوط بمسامرين 12 احدهما علوى والثانى اسفل نهاية الكلابش هوى شوية على اللى فوق وحل السفلى خالص *

اجزب الكلابش من اسفل وممكن تعمل زنقة بمفك حيطلع معاك غطاء التيل وحتلاقى التيل على الطنابير بنفس الهيئة ركب الجديد واكيد القديم حيبقى متآكل فبكد البستم حيبقى متقدم البستم دا موجود فى غطاء التيل حاول بكل قوة تدفع البستم الى الداخل باى طريقة متاحة ليك ممكن لافية وتعمله قرصة وتضغط علية الى ان يدخل مكانة**

ركب التيل الجديد اقفل الغطاء واربط مساميرك وبكدا تبقى غيرت التيل الامامى**

احذر الضغط على دواسة الفرامل اثناء العمل حتى لا يطرد البستم الى اقصى درجة ويتسبب فى قطع الجوانات**

وبالتوفيق انشاء الله**

المشاركة الأصلية كتبت بواسطة maged_samy

تمام كده ذى ما قالك الاستاذ صبحى بس المشكله اللى هتقابلك هيه ارجاع البستم لان ده بيبقى جامد اوى ومن الصعب ارجاعة وكنت باخد فيه وقت طويل جدا لغايه ما اشتريت المكبس ده اللى فى الصورة ( c clamp ) ب 15 جنيه ريحنى جداً ورجع البستم علطول :

على فكرة البستم لما يكون جامد قوى ده معناه انه قافش المفروض انه يرجع بتقل شوية ولو قرصت علية بمفك وحد داس وساب فرامل المفروض يتحرك معاك طالع ونازل غير كده بيبقى قافش ويسخن الطنابير ويحتاج يتفك وتنظف !!