الموضوع: جيتا 2010 اعلي فئه غريبه

المشاركة الأصلية كتبت بواسطة karakero

مبروك يا باشا .. انا برضه لسه مشترى جيتا 2010 خليجى هاى لاين من كام يوم

انا هجاوب على اللى اعرفه و عندى كام سؤال برضه يمكن حد يفيدنا

البخاخات: شغل نور العربيه، و دوس على دراع المساحات مرتين او تلاته بسرعه ... هتلاقى الرشاشات طلعت و غرقت الدنيا
لمبات المرايه: اول ما تفتح المرايه نفسها مش الشماسه هى بتنور اوتوماتيك
مش عارف تقصد ايه بلمبة الدواسة دى
الشنطه: فى زرار فى الريموت مرسوم عليه شنطه .. اللى هو فى النص .. دوس عليه دوسه طويله
زرار القفل: فى عندك زرارين فى الباب .. واحد عليه قفل مفتوح و التانى مقفول ... لو دوست على زرار القفل المقفول الابواب كلها هتقفل
الفوجات: البكره بتاعه النور ... ليها 3 اوضاع ... على الشمال خالص كل الانوار مقفوله .. فى النص نور الصالون .. على اليمين النور الواطى او الزينون حسب عربيتك ... لو شديت البكره كلها بقى لبره هينور الفوجات الامامية ... تشدها شده كمان هينور الفوجات الخلفيه
انا معنديش جى بى اس

ده اللى انا اعرفه :) .. بعد اذنك هزود كام سؤال:
1- ازاى اوصل الموبايل على بلوتوث العربيه ... قريت انك المفروض تدور العربيه و متتحركش و تدور من الموبايل هتلاقى بلوتوث العربيه و تعمل كونيكت ... بس بعمل كده مش بلاقى العربيه خالص .. انا متاكد ان العربيه فيها بلوتوث عشان المالتى فنكشن فيها زرار سماعة
2- العربيه فيها امموبيلايزر؟ ... اعمل ايه عشان اعرف؟ .. و هل فى حاجه محتاج اعملها عشان اشغله؟
3- طبعا العربيه خليجى و جنط 17 فبحك فى اى زلطة فى الشارع .. كنت عايز اعرف العربيه مصفحة كويس من تحت و لا لا؟؟ .. انا كده كده هرفعها و اشوف بس قلت اشوف تجارب الناس برضه
4- عندى فى الكاسيت زرار مكتوب عليه tp .. و لما بدوس عليه مش بيعمل حاجه .. بتاع ايه ده؟

شكرا مقدما :)

انا معايا جيتا الشكل القديم خليجي 2011 وبرضو مش عارف اوصلها بالبلوتوث لحد دلوقت والعربيه فيه تاره مالتي
تاني سؤال مفروض يرسم ف التابلوه لما تفتح العربيه ع الكهربه مش تدور ... هيطلعلك ف العداد عربيه و جواها مفتاح ودي بدور عليها مش لاقيها ( هو الاموبيلازر اكيد عندي عشان عربيتي الفئه التانيه فيها كل حاجه نقاصها زينون و فتحه السقف و الجي بي اس)
انا عربيتي خليجي ومصفحه وعندي الجنط17 المقرف اللي طلع عيني ف الحك ( بس اللي لاحظته التصفيح ف الجنابات فقط يعني ناحيه العربيه من اليمين وناحيه العربيه من الشمال!!!!) مش عارف دي تهيئات ولا ايه
اخر سؤال لما انزل اشوف العربيه هقلك بتاع ايه

الف شكر واتمنى الناس تفيدنا بالمعلومات
بس معقول كل الشاشه دى ومفيش جي بي اس

لو عربيتك dsg7 يبقي مش بيتغير زيت الفتيس

المشاركة الأصلية كتبت بواسطة kbarema

الف شكر واتمنى الناس تفيدنا بالمعلومات
بس معقول كل الشاشه دى ومفيش جي بي اس

عادي يا باشا انا شاشتي 5 انش ومفهاش جي بي اس

طيب مينفعش اركب جي بي اس

طيب ليه نور المارشدير لمبه واحده والتانيه حمراء مش بتنور

العربيه دى غريبه

طيب هو الفتيس فعلا 7 سرعات انا عاوز اعمل صيانه لانها كانت مرفوعه سنتين

ايه اللي يتعمل

جزاكم الله كل خير

المشاركة الأصلية كتبت بواسطة kbarema

طيب مينفعش اركب جي بي اس

طيب ليه نور المارشدير لمبه واحده والتانيه حمراء مش بتنور

العربيه دى غريبه

طيب هو الفتيس فعلا 7 سرعات انا عاوز اعمل صيانه لانها كانت مرفوعه سنتين

ايه اللي يتعمل

جزاكم الله كل خير

اه نور المارشيدر لمبه واحده .... اللمبه الحمرا بتاعت الشبوره و اللمبه التانيه لمارشدير
بص انت روح لتوكيل وقولهم ع موضوع عربيتك انها كانت مرفوعه سنتين بس زيت الفتيس مش بيتغير لو هو سبع سرعات
انا كنت مفكر بيتغير بس التوكيل قالي لا مش بيتغير
اما الصيانه العاديه هما هيعملوها زي زيت الموتور وفلتر الهوا
انت مكتوب عندك ع عصايه الفتيس dsg؟ لو مش مكتوب يبقي فتيس ابو ست سرعات وده بيتغيرله زيت الفتيس

ربنا يعطيكم خيرها ويكفيكم شرها
منتظرين رأيكم في السيارة وتجربة مصورة مع كماليتها " يعني صور للمفاتيح والأزرار ووظائفها "
علشان ان شاء الله بفكر في الباسات او الجيتا ٢٠٠٨ وخايف من أعطال الفتيس