لية كدة يا مصريين .. وحوش تسير على اقدام .. حزين بجد

**midooo_119** · 06-06-2014 12:40 AM

هؤلاء ليسوا بمصريين هؤلاء ختم الله على قلوبهم

**ashouhdy** · 06-06-2014 01:50 AM

احنا في المنتدي الاجتماعي الرجاء من لدية ضغون شخصية لاي فريق من الفرق يتوجة لقسم الشارع المصري.
انتو ما بتصدقوا تمسكوا في خناق بعض .. ارحمونا بجد مش كفاية البلاوي اللي احنا فيها ولسة بتاكلوا في بعض

**lanos2004** · 06-06-2014 02:43 AM

اموالهم و ملابسهم غنيمه لنا
سبع تلاف سنه حجارة

**khaled_sabry** · 06-06-2014 03:42 AM

المشاركة الأصلية كتبت بواسطة ahmed1981

سنة 1995 إنقلب أوتوبيس يحمل معتمرين متجهين للسويس
الخمسين واحد كانوا مصابين ومش قادرين

واحد صديقي هو أول من قابلهم وتوقف لنجدتهم
فقالوا له ::ـ
عدى علينا قبلك عربية شرطة والأمناء نزلوا سرقوا كل حاجة معانا ومشيوا

الكلام ده من عشرين سنة

إنت معدتش على مصر ولا إيه ؟

ـ

مش مستغرب و لا حاجه
لو تذكرو شهادات المصابيين الناجيين من 28 يناير - اكثر من شهاده سمعتها ان العساكر كانو بيفتشو جثث القتلى و المصابيين و بيسرقو المحافظ بتاعتهم و يسبوهم غرقانين فى دمهم
فى 28 يناير برضه لو تذكرو الناس اللى كانت بتسرق مبنى الحزب الوطنى و هو بيتحرق و الكلام ده كان متصور لايف فى وقتها و هما خارجين من المبنى

**Trondo** · 06-06-2014 04:44 AM

موضوع التقليب دا قديم جدا و حصل للأسف لناس كتيره
المشكله مين السبب فى الحادثه دى ؟!!!

السواق الحمار اللى المفروض يتحاكم و تتسحب منه الرخصه و ميسوقش تانى ابدا

للاسف الطريق بتاع برج العرب دا كله تثبيت و أى حد بيعطل او يعمل حادثه بيتقلب و الاخص بليل

أول حاجه لازم تتظبط فى البلد دى المرور ...

انا أطالب بأعاده امتحان السواقه للشعب المصرى كله :))

**Anaslbda** · 06-06-2014 10:56 AM

بمناسبة الكلام عن انعدام الضمير, النور قطع في محطة مترو العباسية اوّل امبارح وتخيّل ايه اللي حصل؟ حالات تحرّش جنسي بالجُملة.

**prof2013** · 06-06-2014 11:48 AM

مشربتش من نيلها ولا جربت تحنلها ؟؟
يبقى انت اكيد اكيد مش في مصر

**M R. Z E C O** · 06-06-2014 12:08 PM

وكان مصر بلد الكفر والشرك والفجور ومحتكراه وبتصدره للعالم كله ايه يجماعه فيه ايه كل مجتمع فيه الحلو وفيه الوحش واحنا احسن من غيرنا كتير اه والله احسن من غيرنا كتير .انا بحس فالردود ان الناس كارها البلد اوي ليه كده ليه حرام بجد يناس احنا لما بنركز على الحاجة الوحشة بتزيد وكل اما تزيد المجتمع بيفسد اكتر واكتر والعكس لما بنركز على الحجات الحلوة بتزيد والمجتمع بينصلح يريت منكنش من الناس للبتركز على الحجات الوحشة بقصد الافساد قال تعالى الذين يحبون أن تشيع الفاحشة في الذين آمنوا لهم عذاب أليم في الدنيا والآخرة والله يعلم وأنتم لا تعلمون.

ايوه احنا عندنا حجات وحشة بس عندنا الحلو برضو والي سافر بره عارف ان فيه حجات حلوة كتير فالمجتمعات التانية بس فيه مساوء العن واضل من عندنا بس الفرق انها متهمشة هناك مش زي عندنا المهمل والمتهمش هو الحلو العندنا .... اللهم اتنا فالدنيا حسنة وفي الاخرة حسنة وقنا عذاب النار .