تجربة اصلاح abs e36

**dr_omzy** · 06-06-2014 10:54 PM

السلام عليكم
ال abs عندي كان فاصل بقالو كتير حتى اللمبة مش منورة في التابلوه
والمشكلة اني مشغول ومش فاضي اروح اصلحه
بس النهاردة قلت مبدهاش اروح لعادل منصورة واشوف هيطلع كنترول ولا حساس ولا كتاوت ولا ايه وطبعا ايدي على قلبي
وصلت عند الورشة بعد صلاة الجمعة مباشرة...وملحوظة مهمة دي اول مرة اتعامل مع المدعو عادل منصورة...
المهم لما وصلت مكنش هو هناك ووصل لما كنا بنقفل..ايه بقا الي حصل...اول حاجة كشفو على علبة الفيوزات وجاب من عندو اتنين كتاوت الاحمر والرمادي بتوع الabs يجرب بيهم اكتشفنا ان الي عندي بايظين..ماااشي...
فك الكنترول من تحت التابلوه وجرب واحد من عنده ...مش عارف ليه...بس الحمد لله طلع الي عندي شغاااااال....
بدا يشوف في كهرباء في حساسات العجل ولا لا عن طريق جهاز الافوميتير مش الكومبيوتر....
لقينا حساس قدام يمين فاصل قالي هتروح تجيب اتنين كتاوت وحساس...
لفيت طبعا كتير على الحساس ابو فيشة رمادي اسطوانية الشكل مش السودة ومش لاقيه وكل اما اسال طيب هو سعره بيكون كام يقولو 200..
رحت لواحد انا كنت جايب منه حاجات كتير من فتر قدام ممدوح عبد الفتاح هو محل ملوش يافطة الي فيه اسمه انور راجل محترممممممم جددددا لقيتو عندو نضييف وب 140 خدتو وطلعت على العمدة جبت 2 كتاوت قالي ب 100 وخدتهم ب 60...
رجعت لعادل منصورة ركبهم وكام يا عم...سالهم عملتو ايه..قالولو ركبنا 2 كتاوت وحساس..بصلي وقالي هات 300 جنيه
قلتلو ليه يا باشمهندس ...المهم تقريبا يعتبر اننا اتخانقنا وشدينا مع بعض بس انا مش بتخانق بس على 300 المشكلة انه بيقولي انت كدة كدة مكنتش هتعرف توصل للعيب وبعدين انا كشفتلك عليها بالجهاز ....جهااااز هو الافوميتر بقا اسمه جهاز
المهم سبتلو 250 بالعافية وقالي لو رجعتلي بيه تاني فيه حاجة معرفكش كاني ممدتش ايدي فيه...قولتلو مين قالك اني اصلا هرجعلك تاني ..
ايه رايكم؟؟؟؟ عشان انا بجد متغاظ

**M R. Z E C O** · 06-06-2014 11:21 PM

طالما اشتغل كبر دماغك هما الصنيعية كلهم كده فاكر نفسه مهندس شغال ففيراري ولا مايباخ

**dr_omzy** · 06-06-2014 11:40 PM

الحمد لله اشتغل
بس الي غايظني انه بيقولي لو كنت شخصتلك العيب وخلاض مكنش هاخد كل ده
يعني مشكلته تركيب فيشة و2 فيوز ولا كتاوت !!!!
لو اعرف كنت ركبتهم بايدي وعندو في الورشة الحوار مخدش دقيقة لصلا...

**M R. Z E C O** · 06-06-2014 11:55 PM

للاسف في ناس كده بس انا شايف انه عيب عادي مش مستدعي احساس الواد اليقول يااه دنا هديت الدنيا ربنا يرحمنا بقى هنعمل ايه

**ashouhdy** · 07-06-2014 12:11 AM

كنت قولتلة خد حاجتك وقابلني في القسم

دي سرقة علني و وش

**M R. Z E C O** · 07-06-2014 09:08 AM

هو حسبها بنظرة ...انك لو رحت التوكيل كنت دفعت اكتر من كده بكتير

**banzai** · 08-06-2014 05:27 PM

طالما عندك معرفه و لو جزئيه و المشكله بسيطه حاول تفتح صفحة يوتيوب اتفرج على حل المشكله بنفسك يمكن تقدر تصلحها انت ولا الحوجه للى ميسواش
---
معلش سؤال فى السريع فى واحد جارى معاه 316 e36 كوبيه هل لو اشتريتها منه اقدر اسقطلها موتور ال 325 e46 ال 181 حصان و عزمه 237 نيوتن اللى كوده m54b25 على نفس قواعد الموتور نظام سقط ركب امشى plug and play ? ولا بيحتاج تغيير قواعد و حوار كبير علشان 6 سلندر ؟

**banzai** · 08-06-2014 09:19 PM

المشاركة الأصلية كتبت بواسطة banzai

طالما عندك معرفه و لو جزئيه و المشكله بسيطه حاول تفتح صفحة يوتيوب اتفرج على حل المشكله بنفسك يمكن تقدر تصلحها انت ولا الحوجه للى ميسواش
---
معلش سؤال فى السريع فى واحد جارى معاه 316 e36 كوبيه هل لو اشتريتها منه اقدر اسقطلها موتور ال 325 e46 ال 181 حصان و عزمه 237 نيوتن اللى كوده m54b25 على نفس قواعد الموتور نظام سقط ركب امشى plug and play ? ولا بيحتاج تغيير قواعد و حوار كبير علشان 6 سلندر ؟

معلش يا كبير كان المفروض ابحث قبل ما اسأل , اللى فهمته ان تركيب الموتور سهل لكن الضفيره هى اللى حوارها كبير
Clean&Swapped