الموضوع: رسالة من عضو قديم في نايل موتورز (يا خسارة)

المشاركة الأصلية كتبت بواسطة M R. Z E C O

كلامك زي الفل بس حتى موضوعك مسلمش من الداء اياه

في مشاركة او اتنين في الموضوع ده (طبعا مرديتش عليهم) بيأكدوا كلامي، وبيأيدوا فكرة الموضوع

انا عامل موضوع بشتكي ان الناس بتحشر السياسة في كل المواضيع تلاقي اللي يرد عليك ويقولك اعتقال ومحاضر، ولا حول ولا قوة الا بالله
ربنا يهدي الجميع

الموضوع بسيط جدا انت الحل انت الفلتر
انك متدخلش احوال الشارع المصرى(تجاهله) وتدخل اقسام السيارات

المشاركة الأصلية كتبت بواسطة rotanamasoud

الموضوع بسيط جدا انت الحل انت الفلتر
انك متدخلش احوال الشارع المصرى(تجاهله) وتدخل اقسام السيارات

يبدو ان حضرتك لم تقرأ كلامي جيدا، انا فعلا بتجنب ادخل احوال الشارع المصري، لكن المشكلة ان في اقسام السيارات بتلاقي الردود برده كتير منها اسقاطات سياسية، تتكلم عن تيل فرامل تقلب سياسة، تتكلم عن زيوت تقلب اسقاطات سياسية

المشاركة الأصلية كتبت بواسطة amrico

يبدو ان حضرتك لم تقرأ كلامي جيدا، انا فعلا بتجنب ادخل احوال الشارع المصري، لكن المشكلة ان في اقسام السيارات بتلاقي الردود برده كتير منها اسقاطات سياسية، تتكلم عن تيل فرامل تقلب سياسة، تتكلم عن زيوت تقلب اسقاطات سياسية

اسف على سوء الفهم المشكله فى الاسقاط السياسى

حضرتك معاك حق فعلا
المنتدى اختلف كتير جدا عن زمان
زمان كنا فعلا زى الأخوات و تلاقى كل واحد عايز يفيد التانى و كنت بحس فعلا ان المنتدى ده بيت تانى ليا و اكيد اعضاء كتير كان عندهم نفس الأحساس ده
قبل ما تدخل السياسه فكل شئ فالمنتدى ظهرت قبلها فئه من الناس بيسجل عضويه و تلاقيه داخل يشوه صوره المنتدى و اعتقد الأعضاء لاحظت ده كا مثال ادخل الرابط التالى علشان تشوف فضيحه كذا و كذا و بعد كده دخلت السياسه و النقاشات و بدأت الخلافات و اتقفل احوال مصر و رجع تانى و الموضوع تطور زى ما حضرتك قلت فيه اعضاء هنا مصممه انها تدخل السياسه (و من وجهه نظر واحده) فأى حاجه حتى لو بنتكلم عن طريق تلاقى هجوم و خلاص و هكذا كتير
مش من المنطق ان زى ما حضرتك بتقول واحد داخل يسأل سؤال او عنده مشكله يكون تعليق الأعضاء اصل هى دى البلد و لسه هتشوفوا و الردود دى
انا فاكر ان احد الاعضاء كان عامل موضوع طالب نصيحه بخصوص عقد عمل فأحد الدول العربيه وكان المرتب قليل جدا تلاقى بعض الأعضاء تقوله سافر سيب البلد اصل دى مش بلدنا و هكذا من ردود كلها ضد مصلحه صاحب الأستفسار
لو كل واحد قبل ما يكتب تعليق او يعمل موضوع يشوف الأداره كاتبه ايه و بتفكره بأيه
*=== (( ما يلفظ من قول إلا لديه رقيب عتيد )) ===*
اعتقد ردود كتير كانت هتختلف
للأسف بعد ما كان المنتدى سبب فمعرفه و تكوين اصدقاء جدد بقى دلوقتى سبب خلافات و خساره اصدقاء و اضافتهم لقائمه التجاهل