الموضوع: استلمت بيكانتو ٢٠١٥

المشاركة الأصلية كتبت بواسطة م/محمد صلاح

بصراحه يا استاذ محمد انا لو مكانك كنت جبت الخليجي طالما نفس العربيه باوبشنز اعلى وبنفس السعر .. ماعرفش ليه حضرتك تمسكت بالوكيل رغم انه مش هايبقي مفيد قوى خصوصا ان العربيه الحمد لله مافيهاش عيوب او عليها كلام بعكس بعض العربيات اللى بيبقى حواليها قلق فبنضطر اننا نجيب وكيل تحسبا لاى مشاكل ممكن تحصل

على العموم ربنا يبارك لزوجة حضرتك فيها

موضوع الدركسيون مسألة تعود .. يعنى لازم تتعود ان ايدها تكون حساسه شويه ومره فى مره هاتتعود ان شاء الله بس الافضل انها ماتطلعش على طريق سريع الا لما تتمكن قوى من العربيه ... وربنا يبعد عنها الشر يارب

الله يبارك فى حضرتك وشكرا لردك
والله يا بشمهندس مش عارف عملت فى نفسى كده ليه يمكن القلق من الضمان ،، انا مش عايز استسلم لانى اقرف من العربية من قبل ما ارخصها حتي ،، ربنا يستر

المشاركة الأصلية كتبت بواسطة ayat630

هو الدركسيون لين جدا .. حاسة انه لعبة .. بس بيبتدي يتقل شوية .. مفيش خوف متقلقش هاتعرف تتحكم فيه وتتعود عليه .. ونسيت اقولك مبروك :)

الله يبارك فيكى ومبروك على عربيتك.
فعلا عامل زى دركسيون عربيات الملاهى :) ربنا يستر

المشاركة الأصلية كتبت بواسطة eng\ahmed

الباور كهربا والدريكسيون ميه فعلا ... اعتقد مع الاستخدام بيتقل او انا اللى اتعودت عليه ومسئلتش ان كان له حل ولا لأ
اسلم حاجة متحاولش تقارن بينها وبين الفانتازيا او اى عربية اعلى منها لأنى وقعت فى المشكلة دى فى الاول... العربية لوحدها كويسة وبالنسبة لفئتها هى احسن .. مشكلتى معاها فى العزل حاسس انه عايز يزيد شوية " وده بردة راجع للمقارنة"

موضوع الـ folding mirror فى الخليجى بس ... هو سعر الوكيل دلوقتى 102000 !!!!!!
التوكيل مبيركبش بارك سنسورز وموضوع الكاسيت على اسوأ تقدير ممكن تركبة استيراد وبييجى مع فتحات التكييف اللى فى النص

العربية city car من الدرجة الاولى مش محتاج منها اكتر من كده

انا عارف انى ببقى بهرج لو قارنت بينها وبين الفانتازيا :) بس موضوع الدركسيون ده فعلا زايد جدا

هو سعرها الرسمى فى التوكيل 101400 بس هو كان عايز 1100 اوفر خلصتها ب 600 اوفر بس،طبعا سعرها بقى اخر استهبال ، فى نظري العربية ماتساويش اكتر من 70000 بالكتير زائد ان منفضينها انا لما فتحت المانيوال بتاع العربية صعقت من الامكانيات اللي بتنزل بيها منهم لله التوكيلات في مصر

متعرفش الاقى فين الكاسيت الاستيراد وسعره كام؟

هى فعلا العربية city car بس ده ميمنعش انهم كانوا ظبطوها شوية عن كده :)
شكرا لردك

المشاركة الأصلية كتبت بواسطة eng\ahmed

الكاسيت اكيد فى الحرفيين بس معنديش فكرة عن الاسعار

فعلا التوكيل بيستعبط فى الكماليات وبسبب كده روحت جبت الخليجى لأن حتى البروشور فيه حاجة والواقع حاجة تانية .. ايام ماشتريت كانت ب 99 ونص الحاجات اللى فى الخليجى مش فيها وكان الفرق 4 الاف جنية !!

انا بصراحة نفسي أجيب الكاسيت بالطارة المالتي فنكشن ،، او اي بديل يبقي بنفس الكفاءة ، ياريت لو حضرتك او اي حد من السادة يعرف يقولي وابقي شاكر ليكم

الف الف مبروك وطبيعي تحس بحاجة غريبة فيها عشان معاك فانتازيا ربنا يباركلك في العربيتين