الموتور الاستيراد

**wsamy** · 06-10-2008 12:27 AM

السلام عليكم يا جماعة و كل سنة و انتم طيبين,
انا جبت موتور استيراد للعربية و عربيتي سوزوكي سويفت جبته نفس الموديل و السعة, الكلام ده كان من سنة و عايز ابيع العربية بس لسة مسجلتش الموتور الجديد على الرخصة و لسة سنة على الفحص. حد يدلني ايه اجراءات التسجيل في المرور. و شكرا جزيلا

**msmh** · 06-10-2008 06:45 PM

اللي انا اعرفه بالنسبة لتغير الموتور انك لما تروح تسجل المفروض يكون وصل المرور جواب الافراج الجمركي بتاع الموتور و بتعمل فحص عادي وبياخد بصمة الشاسيه و الموتور عادي زي كل مرة بتجدد فيها و بتجدد مثلا 3 سنيين بيزودلك عليها المدة المتبقية حتي تاريخ الفحص بتاعك بس اللي انا متاكد منه علشان انا مجرب الحكاية دي بس كان باقي علي مدة الفحص 5 شهور و عادي هيكتبلك في الرخصة رقم الموتور الجديد

**wsamy** · 07-10-2008 01:04 AM

اولا احب اشكرك على اهتمامك, وعندي سؤال تاني. هو انا لازم اعمل اي اجراءات بعد ما اركب الموتور الاستيراد دة؟ يعني لازم اروح المرور اقدم صورة الافراج الجمركي الاول ولا ممكن استنى لغاية معاد الفحص؟ و هل ممكن ابيع العربية و المالك الجديد يسجل الموتور بنفسه؟ ولا ده يعيب العربية و محدش يرضى يشتريها الا لما انا اثبت الموتور الاول؟

**amirsayed** · 08-10-2008 03:46 PM

عن تجربه
ده يعيب العربيه جدا لازم تكون ثابت الموتور الجديد فى الرخصه
بالنسبه للاجراءات
1: تاخد الفاتوره و صوره الافراج الجمركى بتوع الموتور الجديد و تروح بيهم مرور الدراسه
تدخل على شباك الافراجات الجمركيه و تخليهم يطلعولك اصل الافراج بتاع الموتور بتاعك من الدفاتر بتاعتهم و هيكتبولك رقم الافراج بتاعك على الصوره اللى معاك
2:هتطلع الدور التانى الشباك اللى قدام الخزينه و هتجيب شويه اوراق هيطلبوها منك و تدفع رسوم فى الخزينه بس مش فاكر كام
هتديلهم الورق اللى معاك و هيطلعول الافراج الاصلى و هيتحول على المرور اللى انت تابع ليه
3:تروح المرور بتاعك بعد اسبوعين على الورق مايكون وصل
تجيب نموذج فحص و تكمل اجراءاتك عادى بس اتأكد الاول ان الورق بتاع الموتور وصل علشان هيبقى من ضمن اوراق الملف بتاع عربيتك
هتفحص و ترفع البصمه و تكمل اجراءاتك عادى
ربنا معاك و طمننا

**wsamy** · 08-10-2008 05:27 PM

الله يكرمك يا باشا طمنتني, بس انا اعمل ايه اذا كانت العربية حالتها متنفعش للفحص , ده انا كنت هبيعها علشان اترحم من توضيبها, حد عنده فكرة فيه حد ممكن يشترى عربية بموتور استيراد و يعمل اجراءاتها بنفسه؟ ولا محدش بيرضى بكدة؟ يعنى لو عرضتها للبيع كدة تتباع و لا لأ؟

**abou_ruqi** · 08-10-2008 05:44 PM

جبته بكام ؟

**wsamy** · 08-10-2008 05:51 PM

جبته من سنة ب 2300

**wsamy** · 08-10-2008 05:52 PM

حد عنده فكرة فيه حد ممكن يشترى عربية بموتور استيراد و يعمل اجراءاتها بنفسه؟ ولا محدش بيرضى بكدة؟ يعنى لو عرضتها للبيع كدة تتباع و لا لأ؟

**abou_ruqi** · 08-10-2008 06:12 PM

المشاركة الأصلية كتبت بواسطة wsamy

جبته من سنة ب 2300

جديد والا مستعمل ؟ وجبته منين وازاي ؟

**wsamy** · 08-10-2008 06:52 PM

انا جبته مستعمل طبعا بس استيراد و جبته من الوكالة دي بسيطة خالص اهم حاجة يكون معاك ميكانيكى شاطر و انت بتجيبه و طبعا بيكون على التجربة لمدة شهر بالاتفاق مع التاجر اللى بتشترى منه, انا كمان روحت عملتله قياس في محطة بنزين علشان اطمن؟؟ ها يا جماعه محدش عايز يريحني و يقولي فيه حد ممكن يشترى عربية بموتور استيراد و يعمل اجراءاتها بنفسه؟ ولا محدش بيرضى بكدة؟ يعنى لو عرضتها للبيع كدة تتباع و لا لأ؟