شويه استفسارات عن الاسترا 2006

**KHALED AYMAN** · 13-10-2008 03:09 PM

انا عربيتى فيها كام عيب عايز اظبطهم عشان كده بطلب نصيحتكو
1-انا عايز اغير الزجاج الامامى لانه متخربش و مش بشوف فيه بالليل خالص بكام فو فين ؟؟؟؟
2-الفوانيس اللى ادام نورها ضعف و شرخت لوحدها اغيرها و لا العيب مش فى الفانوس لو غيرتها اجيبها من التوكيل و لا من برا انا مغيرها قبل كده فى الضمان عشان شرخت؟؟؟؟؟
3-العربيه بعد ال140 و انت طالع بتترج زى الموبيل الفيبراشين مش عارف ايه ده .
4- منصور اللى على الصحراوى حلو ولا لا و لو حلو عشان اعمل صيانه لازم احجز ولا الا؟؟؟
انا عارف انى تقلت عليكو بس معلش مفيش حد اساله الا حضراتكو

**KHALED AYMAN** · 13-10-2008 04:44 PM

ايه يا جماعه محدش عارفه اى حاجه عن الاوبل و لا ايه

**KHALED AYMAN** · 13-10-2008 05:52 PM

الاعطال دى ملهاش حل ولا ايه

**ENG\AHMED** · 13-10-2008 07:38 PM

1- مش عارف
2- شوف استيراد .. مش عارف ازاى الفانوس يشرخ لوحدة !!
3-شوف الترصيص وحالة الكاوتش وهل الجنط سليم ولا لأ

**KHALED AYMAN** · 13-10-2008 07:51 PM

الف شكر يا باشا بس العربيه دى كانت بتنزل مصر و البرازيل و جنوب افريقيا عشان كده ملهاش استيراد

**Ahmad Allawy** · 13-10-2008 09:18 PM

يعني انت سألت و ملقتش ليها حاجة..؟؟
عموما اسأل تاني و اتأكد.. ممكن يكون ليها حاجات جاية من اممريكا اللاتينية.. عادي يعني..
و دي هتبقي انضف من الجديد..
والقزاز اسأل عند التوكيل بس المهم يكون الاصلي مش دكتور جريش..
ولا اللي فيها جريش اصلا..؟؟
عموما.. تقريبا في مصنع ف العاشر من رمضان باين صديقي كان مغير هناك زجاج فيرنا و كان سعره كويس قوي..
هاسألهولك عن مكانه و اسمه بالظبط..

**KHALED AYMAN** · 14-10-2008 01:35 AM

انا اسف يا باشا هتعبك معايا بس هى على فكره الازاز الى فيها اساسا د. جريتش

**ahmed_vectra** · 14-10-2008 02:31 AM

مركز الشيماء أوبل في شارع فيصل عند مساكن كفر طهرمس.

**KHALED AYMAN** · 14-10-2008 02:46 AM

لو سمحت يا استاذ احمد هو مركز الشيماء ده مركز معتمد من اوبل وهل عنده حلول لعربيتى ؟؟؟؟؟؟؟

**ahmed_vectra** · 14-10-2008 04:49 AM

هو مش مركز معتمد.ولكن أنا أبصم بالعشرة إن المركز ده المفروض يكون في مصنع أوبل نفسه.لأنه حافظ كل العربيات بطريقة غير طبيعية.مجرد تقوله علي المشكلة هو يكملهالك.هو مكانه في أول مساكن كفر طهرمس علش الشمال كده.مشهور أوي.إسأل عليه ألف واحد هيدلك