ههههههههههههههه
طيب حد ينادى على الراجل
عرض للطباعة
ههههههههههههههه
طيب حد ينادى على الراجل
مستنى
واضح أن أصحاب محطات البنزين جابوا الراجل و خلصوا عليه قبل ما يكمل مذكراته
احنا لو حطينا طاقتنا فى التفكير السليم بدل السرقه كنا بقينا اغنى شعوب العالم ههههههههه
ومتابع بردو
متابعين يا سعادة الباشا وموضوع جميل ومشوق جداً
ومنتظرين نعرف اكتر عن شغل الكبار دول !!!!!!!!!!!!
وبرضه عايزين نوصل لنقطة ازاي البنزينة دي منجم وكنز دهب ؟؟؟؟؟
لان لو مكسبك هينصب على التشحيم والغسيل والكلام ده والمناديل يبقى بالسلامة ده مش منجم دهب خالص !!!!!!
متابع
معلش يا حاج احمد انت قولت ماينفعش يطلع ميه فى الطرمبة امال المية جت للراجل ازاي
جامد الموضوع ده
موضوع لذيذ :)
اسف للتأخير
مش باعرف اكتب غير من المكتب لان البيت لازم اكتب من ع الموبايل وده صعب مع طول الكتابة
طب المية دي جت منيييييين ؟؟؟
غرفة التفتيش اللي زي البكابورت دي وفيها فتحة المقياس ولهل غطاء حديد زي غطاء البلاعات
دي موجوده فوق التانك ... يعني في وسط المحطة
ومنها غرفة تفتيش لكل تانك ... ال 80 وال 90 والسولار
مع غسيل السيارات وتنظيف المحطة المياه بتتسرب لغرفة التفتيش
المفروض انها متركبة بفلانشة ولها جوان كاوتش عشان ما تسربش ميه
ومع سوء الصناعة والاهمال و..... مصر بقي
الفلانشة بتاعة خزان ال 80 اللي الراجل ده بيمون منه سربت ميه
نقط نقط ... وتنزل لتحت طبعا لان البنزين اخف من المياه
ومع الوقت عملت كمية مياه رقدت تحت في قاع التانك بتاع المحطة
لكن المفروض انها اسفل التانك تحت مستوي ماسورة السحب اللي بتدي الطرمبات
ايه اللي وصل الميااااه للكرنبة ... قصدي الطرمبة
واشمعني الراجل ده بالذات اللي حصل معاة الموضوع ده دون غيره
ده السؤال اللي ح نجاوب عليه في الحلقة القادمة كمان شوية
..
اسيبكم بقي مع اعلان من بتوع الفضائيات اللي يحرق الدم :)
وعلي غرار تحقيقات الكوارث الجوية بتاع نشونال جيوجرافيك
عملت تحقيق موسع ودقيق جدا
اشمعنى الزبون ده اللي اشتكي
وايه اللي وصل المية من قاع التانك للكرنبة ؟؟
وبعد معاناااة..... ظهرت الحقيقة بدون مواراااة
الباشا الزبون كان شخصية روتينية جدا
يعني افعاله متكررة بنفس المنوال
يصحي من النوم الساعة 6.30 الصبح
يدخل الحمام الساعة 6.45
يفطر الساعة 7.00
ويقرأ الجرنال ويشرب الشاي الساعة 7.15
ينكد علي مراته وعياله وينزل الساعة 7.45
يكون علي باب المحطة الساعة 8.00 كل 3 ايام عشان يمون قبل ما يروح الشغل
يروح المحطة يلاقيها مقفولة عشان عربية نقل البنزين بتمون تانكات المحطة .... اجراءات الامن والسلامة البند 32 مادة 102 مكرر :Ta_clap[1]:
ينتظر 5 دقائق لغاية ما التفريغ البنزين يخلص ويمون ويروح شغله
وهنا بقي المشكلة
مع تفريغ البنزين من الفنطاس بتاع العربية في المحطة .... البنزين بيعمل تقليب شديد لمحتويات التانك اللي بتكون اصلا قليلة جدا قبل التفريغ
كأنك بتصب مياة في كوباية مية فيها شوية مياه معكرة في قاع الكوباية من ارتفاع كبير
المياة اللي في قاع التانك بتختلط مع البنزين علي شكل قطرات مياة كتيرة جدا
تقعد شوية لغاية ما تترسب تاني في القاع بفعل كثافة المياة الاثقل من البنزين
....
الزيتونة في الموضوع ....
لما تروح تمون وتلاقي المحطة مقفولة وجاري تفريغ البنزين .... لا تنتظر حتي يتم التفريغ ثم تمون مباشرة
روح مكان تاني او انتظر نص ساعة وابقي ارجع مون
لأن نفس الموضوع بيحصل مع الشوائب اللي في قاع التانك
بعد شوية الرواسب بترقد تاني في القاع
.....
طب انا بقي عملت ايييييه ف الكارثة دي ؟؟؟
ح اقولكم كمان شوية اكون أخدت الدوا وشربت باقي النسكافية اللي كيلاني عملهولي
الله ينور يا حاج احمد
كنت مع الحاج احمد في قعدة صفا كدة وبيحكيلي عن المصايب دي
فقولتلة ليه متعملش موضوع ذكريات مدير مطة بنزين
واخيرا اقتنع بالفكرة
عاش الله ينور وانا اول متابع :-)
كل فترة كدة كنت اعمل غزوة الي التوفيقية
اشتري مالذ وطاب بالجملة
معطرات
ملمعات
اكسسوارات
اضافات بنزين وزيوت
باكم
الحاجات دي بتتباع في المحطة بضعف تكلفتها بتاعت الجملة تقريبا
والاكتر الفلاتر بتاعت الزيت
نسبة ربحها كبيرة جدا
كل ده من مكاسب المحطة
غير بفي ايجار اي مكان ممكن يستغل
كشك الكاوتش
مجرة بتاعت زوايا
...
"]بعض المحطات كانو بيشغلو العمال بتوع البنزين بالاخص بدون مرتبات
يعني ببلاش
وكل دخلهم من البقشيش
لكن كنا بنستحرم كدة وكنا بندي مرتبات
قد تكون قليلة نوعا ما واقل من بتوع التشحيم والتنظيف
لكن كان فيه مرتبات وتأمينات اجتماعية كمان
...
المحطات الكبيرة بقي اللي عليها ضغط جامد وعلي طرق كبيرة زي صلاح سالم او الاوتستراد او الدائري كانو بيشغلو العمال ببلاش ... وكمان بياخدو منهم فلوس
كان وقتها العامل بيدفع ارضية لصاحب المحطة 2 جنيه علي كل خرطوم في الوردية الواحدة
يعني 4 جنيه علي كل خرطوم ف اليوم ... دي اسعار سنة 1996 يا جماعة.... كل ده في ايرادات المحطة [/color]
من اساليب الغش ف المحطات بقي غير خلط البنزين
الزيوت السايبة
ودي كانت وقتها منتشرة جدا
يعني ببساطة الغش في كمية الزيت
خصوصا في زيت الفتيس والكرونة لانهم بيتم توزيدهم من تحت العربية وقياسهم بيتم بطريقة بدائية عن طريق عداد بيلف عدد دوائر معينة في المسدس اللي بيزود بيه
يعني متوقفة علي ضمير العمال وصاحب المحطة وغالبا بيتم تقريبها الي اقرب نصف لتر
ده طبعا غير الزيوت المغشوشة اصلا
وغير كمان الاعطال اللي ساعات بيتم افتعالها عشات يشغلو الورشة اللي ف المحطة او تصليح الكاوتش وده طبعا اسلوب معروف للجميع
متابع بشدة
فين باقى موضوع العربية يا حاج احمد
برغم اننا كنا في سنة 1996 يعني في قمة سيطرة الامن علي البلد
لكن كان لازم بردو نظبط موضوع التأمين
كان فيه اتاوات غير مباشرة بتدفع للشرطة
مثلا
تموين عربية الباشا
تموين بوكس القسم
ده غير اصلا اجرة غفير عبارة عن واحد راجل صعيدي معاه سلاح وعمال يلف في المنطقة طول الليل وبيبقي مسئول عن منع البلطجية انهم يقربو من المنطقة بتاعته
خصوصا ان المحطة مفتوحة طول ال 24 ساعة
ومشرف الوردية بيبقي معاه مبالغ كبيرة اللي هي ايرادات وردية الليل
يعني ممكن اوي حد يدخل يثبته وياخد الفلوس ويهرب لو مفيش تأمين
لا مؤاخدة
انا فعلا ما كملتش
يظهر اني كتبت ونسيت اعمل بوست
القصد
وقفت بيع البنزين ال 80
وكررت الاختبار علي تانكات السولار و ال 90 لقيتهم مفيش فيهم مياه
جبت بتوع الصيانة بشكل ودي عشان مايحصلش مشاكل رسمية
ونزلنا ماسورة الي قاع التانك وسحبنا بموتور شفط بيطلع بخرطوم علي المجاري
سحبنا حوالي 250 لتر مياة لغاية ما بقت تجيب بنزين
اما الراجل ... عوضته ببنزين مجاني مقابل البنزين اللي اتفضي من عربيته
لكن بدون ما اقولو علي التفاصيل طبعا عشان سمعة المكان ... اقنعته ان حد من العمال ممكن يكون عمل حاجة غلط وممكن يكون اثر علي البنزين بشكل او بآخر وعشان اكون مطمئن ح احطلك بنزين بدل اللي راح منك
وةطبعا نصحته مايحطش بنزين بعد تفريغه في المحطة مباشرة عشان الشوائب
وبقيت اقفل المحطة نص ساعة بعد التفريغ عشان الشوائب تكون اترسبت ف القاع وعشان الموضوع ما يتكررش
وطبعا عالجنا التسريب
بس كانت ليلة يا عمدة
ح اشرب البردقوش بقي اللي عملهولي كيلاني الله يكرمه واشوف شغلي بقي
نكمل بكرة اذا كان في العمر بقية
:bye2::bye2:
ابقي سلملي علي عم كيلانى
وتحيه طيبه ليك .
ولموضوعك الشيق
ولسه الدنيا بخير
زيت الفتيس والكورونة بييجي من الشركة في براميل عبوتها علي ما اتذكر 213 لتر
كان البرميل بيطلع منه للزباين مبيعات بحوالي 220 او 230 لتر نتيجة فروق الكسور
لان مش ح نحاسب الزبون باقل من نصف كيلو
وقتها كان فيه محطات بتبيع من البرميم باكتر من 400 و 500 كيلو :E_braces[1]:
قولت اكتب الملحوظة دي قبل ما انسي
سلااام مؤقت
اعرف ازاى البنزين مغشوش من عدمه فى التموين
موضوع تكتكة المسدس ان العامل يفصل ويمون شوية صغيرة ويكرر كدة كتير ورا بعض
اثره ايه على الكمية اللى بتتمون
هل فيه زيوت معبأة مغشوشة
الاتاوات : لمين وكام .
شكرا يا أشتاذ أحمد
موضوعك فى غاية التشويق و الإمتاع .أحييك على أخلاقك و أمانتك لما عوضت الزبون مجانى .
لى سؤال إذا سمحت و أتمنى أن أجد إجابه له علشان أطمن
لما كنت أدخل أعبى بنزين و أطلب تفويل التانك ألاقى العامل يضبط المسدس أتوماتيك لغايه قرب النهاية يفصل و يبدأ يضغط شوية شوية لغاية ما يطلع البنزين برة التنك . ناس كانت تقولى إن الحبة اللى فى الآخر دول ما بيطلعوش بنزين إنما هو بيخلى البنزين يتحرك لغاية قرب المسدس و يرجع تانى فى الخرطوم يعنى على الفاضى لكن العداد بيلف مع الحركة دى و ممكن بكدة يعمله لتر على الفاضى . بمعنى إن العداد يقرأ 43 لتر مثلا و الحقيقة 42 و تمن اللتر ده فى جيب المحطة . أنا صدقت و بقيت أطلب عدد صحيح من اللترات يعنى أطلب 30 لتر يضبطهم بالكمبيوتر و خلاص و لو العامل حاول يعمل الحركة دى أقوله كفاية متزودش خلاص مش عايز "سأسأة ".
هل ده صحيح و لا غلط
يااااه
فين المواضيع دى من زمان
اسلوب شيق يا حاج احمد :)
ح ابتدى اتابع المنتدى تانى :Ta_clap[1]:
الله يكرمك انجزنا بدل التنقيط ده... الواحد مش عارف يركز
متابع
استاذ والله الله يباركلك في معلومات خدها من الموضوع ده وافتكرت انها حصلت معايا كتير والواحد كان بيتسرق
مشكوووووووووووووووووووووو وووووووووووووووور
تسلم ايدك يا حاج أحمد
موضوع شيق وجميل
متابع،
موضوع اكثر من راااااااااااااااااااااااا اااائع
موضوع ممتاز