الموضوع: مذكرات مدير محطة بنزين

المشاركة الأصلية كتبت بواسطة ahmedwagdy03

شكرا يا أشتاذ أحمد

موضوعك فى غاية التشويق و الإمتاع .أحييك على أخلاقك و أمانتك لما عوضت الزبون مجانى .

لى سؤال إذا سمحت و أتمنى أن أجد إجابه له علشان أطمن

لما كنت أدخل أعبى بنزين و أطلب تفويل التانك ألاقى العامل يضبط المسدس أتوماتيك لغايه قرب النهاية يفصل و يبدأ يضغط شوية شوية لغاية ما يطلع البنزين برة التنك . ناس كانت تقولى إن الحبة اللى فى الآخر دول ما بيطلعوش بنزين إنما هو بيخلى البنزين يتحرك لغاية قرب المسدس و يرجع تانى فى الخرطوم يعنى على الفاضى لكن العداد بيلف مع الحركة دى و ممكن بكدة يعمله لتر على الفاضى . بمعنى إن العداد يقرأ 43 لتر مثلا و الحقيقة 42 و تمن اللتر ده فى جيب المحطة . أنا صدقت و بقيت أطلب عدد صحيح من اللترات يعنى أطلب 30 لتر يضبطهم بالكمبيوتر و خلاص و لو العامل حاول يعمل الحركة دى أقوله كفاية متزودش خلاص مش عايز "سأسأة ".

هل ده صحيح و لا غلط

الحقيقة انا باتكلم عن سنة 1996
يعني من 18 سنة
اكيد حاجات كتير اوي اتغيرت
لكن اعتقادي ان المسدسات دي بيبقي فيها سنسور بيحس بامتلاء التانك
لما التانك بيقرب يتملي المسدس بيفصل
العامل بيضطر يضغط علي المسدس يدويا لتكملة التموين
والطبيعي ان لو بيمون يدوي من غير ضبط لازم ييجي ف الاخر ويمشي سنة سنة عشان يضبط الكمية والبنزين ما يطلعش برة التانك
ده رأي مش مشاهدة ولا معرفة اكيدة
ومن قال لا أعلم .... يحلم بسوق العيش