مذكرات مدير محطة بنزين

**amrelsaqqa** · 09-06-2014 01:58 PM

المشاركة الأصلية كتبت بواسطة elawany13

أيامها كان العامل بيمسحلك الزجاج علشان ربع ولا نص جنيه ولا 1 جنيه
وكانوا بيهتموا فى البنزينات بغيار الزيت وبالغسيم والتشحيم
علشان يجيبوا لنفسهم دخل

دلوقتى خلاص بقوا بشاوات معظم البنزينات قفلت الحاجات ديه وشغالين على طوابير البنزين وخلاص
مع كل تفويلة بياخدوا من الزبون اللى مكبر دماغه 5 - 6 - 7 جنيه بقشيش

5 - 6 -7 جنيه بقشيش !
عمرى ما عملتها في القاهرة وفي البنزينة المعفنة اللى عندنا في البلد اخرهم بياخدوا 2 جنيه هو اينعم بتبقى العربية مثلا خدت بـ 74 ويقعد يزود للزور لحد ما تبقى 79 الا شوية وفي الاخر يقولك 82 ، بس مش لدرجة 7 جنيه بقشيش مرة واحدة كدة ! هو اه بيستعبط بس في الاخر بيبقى اللى هو خد 2 جنيه

وفي اي مكان تانى بمون عادى جدا بدون جنيه زيادة الا لو حد هيمسح الازاز ولا حاجة وفي المحطات المحترمة زي امارات مصر بيمسحلك الازاز مجانا وانت اللى بتديله الـ 2 جنيه من نفسك مش بييجى يطلبها منك

**Elawany13** · 09-06-2014 03:42 PM

المشاركة الأصلية كتبت بواسطة amrelsaqqa

5 - 6 -7 جنيه بقشيش !
عمرى ما عملتها في القاهرة وفي البنزينة المعفنة اللى عندنا في البلد اخرهم بياخدوا 2 جنيه هو اينعم بتبقى العربية مثلا خدت بـ 74 ويقعد يزود للزور لحد ما تبقى 79 الا شوية وفي الاخر يقولك 82 ، بس مش لدرجة 7 جنيه بقشيش مرة واحدة كدة ! هو اه بيستعبط بس في الاخر بيبقى اللى هو خد 2 جنيه

وفي اي مكان تانى بمون عادى جدا بدون جنيه زيادة الا لو حد هيمسح الازاز ولا حاجة وفي المحطات المحترمة زي امارات مصر بيمسحلك الازاز مجانا وانت اللى بتديله الـ 2 جنيه من نفسك مش بييجى يطلبها منك

معظم البنزينات بيستعبطوا فى بنزين 80 ويبيعوه بـ 1 جنيه بدلا من 90 قرش
+ كمان بيطلب بقشيش
مثلا 40 لتر بنزين 80 سعرهم الرسمى 36 جنيه بتلاقى العامل بيحاسبك على 40 جنيه وياخد كمان 2 جنيه بقشيش ياعنى كده اجمالى البقشيش 6 جنيه ... وده بيحصل قدامى كتير جدا
عن نفسى انا برفض هذا الاستهبال وبحسب اللتر بـ 90 قرش وبدفع من 1 جنيه الى 2 جنيه بقشيش ولو مش عاجبه باخد البقشيش وبديله حساب البنزين فقط
ولو قل ادبه بشتكيه