ارجوا دخول الموضوع للاهميه القصوى

**dado555** · 10-06-2014 04:28 AM

السلام عليكم اعضاء منتدى نايل موتورز الكرام
اعتقد ان فى ناس كتير عارفين الاسم
انا العضو body7733
عضو فضى فى هذا المنتدى
اسمى الحقيقى - سامح
فوجئت اليوم 10-6-2014 بإيقاف عضويتى بسبب غريب جدا جدا
الرساله المرسله من الاستاذه سماح محمد مدير تنفيذى بالمنتدى
بان لى مخالفه بالمنتدى والتى تخص البند رقم 10 باننى لى اكثر من عضويه
وتم ايقاف عضويتى بدون وجه حق نهائيا
وهذا ظلم كبير لان مش معنى ان اكثر من شخص فى المنزل بيدخل المنتدى ويشارك يبقه كل المشاركات لشخص واحد باكثر من حساب
وللعلم ان فى المنزل اكثر من شاب وله اكونت على نايل موتورز ويشارك فى المنتدى بس المهم هنا السؤال ؟
السؤال انا مشاركاتى من تاريخ عضويتى انا واخى عبدالرحمن واسمه فى المنتدى abdelrhma010 ليس فيها اى تجاوز او عبس نهائيا لان انا واخى مش اطفال صغار لهذا العمل التافه
وللعلم عبدالرحمن حافظ اخى يعمل فايتر فى القوات الجويه وانا اعمل مهندس بوزارة التربيه والتعليم فهل من المعقول ان يصدر هذا الفعل من شخصين فى هذا السن وفى هذه المهن
انا بصراحه ندمان وحزين على انى اشتركت فى هذا المنتدى وضيعت وقتى بس مش ندمان على انى افادة الناس هنا فى القسم
وفى النهايه ايقاف عضويتى بدون اى حق
انا هقول على مثال بسيط بعد توقعى للسبب التافه الذى تم ايقافى بسببه
وهو
يعنى لو عشرة ليهم عضويات مختلفه وبيدخله من سيبر للنت فى مكان عام يتوقف عضويته بدون سبب
او السبب انهم بيستعمله جهاز واحد او من مكان واحد
والله بصراحه انا مش عارف اقول ايه
بس انا مش ندمان لانى عرفت ناس محترمه وناس افاضل واخوة كرام من هنا فى الفترة دى
بس ياريت لو اللى عاوزه تحاسب حد تحاسبه على مشاركاته الشخصيه مش مشاركات حد اخر او تتهم الناس بدون وجه حق
اسف جدا على الاطاله
بس انا عملت الحساب ده مخصوص علشان اقول على اللى حصل معى ومش هدخل تانى المنتدى ده نهائيا
وانا بحذر الاعضاء هنا لو ليك اخ او اتنين او ثلاثه وبيستعمله نفس جهاز الكمبيوتر اعرف ان انت هتتوقف قريب
اشوفكم بخير
اخوكم المهندس سامح

**Ahmod** · 10-06-2014 02:07 PM

هو حضرتك طبعا معاك حق

بس المفروض الموضوع تكتبه في قسم الاقترحات والشكاوي عشان يجيلك رد مناسب من الادارة

**اكرم عوض حسن** · 10-06-2014 11:47 PM

والله يأستاذ سامح المنتدي هيبقي خسران لو شالك لان انت راجل ومحترم وأفدت ناس كتير

**dado555** · 11-06-2014 01:11 AM

المشاركة الأصلية كتبت بواسطة اكرم عوض حسن

والله يأستاذ سامح المنتدي هيبقي خسران لو شالك لان انت راجل ومحترم وأفدت ناس كتير

والله انتم اللى ناس محترمه جدا
والحاجه الوحيده اللى فعلا حزين عليها
اولا انى مش قادر افيد حد ولو بمعلومه وحاسس ان انا
دلوقتى وانا بشارك من الاكونت ده حاسس انى غريب عن المنتدى
ثانيا ان وقع عليه ظلم بدون اى ذنب
او اتخدت بذنب ناس تانيه
بس عموما ربنا يوفقه لما فيه الخير انت وباقى الاعضاء
ودائما تكونوا بخير إن شاء الله

**Mohammmed** · 11-06-2014 02:57 AM

يااااااه المشكلة دى لسا متحلتش

**ahmad--ezzat** · 11-06-2014 08:31 AM

باشمهندس سامح

الموضوع ابسط من كده

حضرتك وضحت الامر دة والاداره هتتفهم

خصوصا ان مشاركات اخوك بعيده كل البعد عن مشاركاتك يعني مش نفس الشخص

حصل خير وشيل من دماغك فكره الرحيل دي ياراجل

**dado555** · 11-06-2014 11:42 AM

المشاركة الأصلية كتبت بواسطة ahmad--ezzat

باشمهندس سامح

الموضوع ابسط من كده

حضرتك وضحت الامر دة والاداره هتتفهم

خصوصا ان مشاركات اخوك بعيده كل البعد عن مشاركاتك يعني مش نفس الشخص

حصل خير وشيل من دماغك فكره الرحيل دي ياراجل

والله على قد ما انا زعلان من الظلم اللى وقع عليه على قد ما انا فرحان ان الناس المحترمين اللى زى حضرتك يا باشمهندس احمد عارفين وفاهمين الموقف ده وعارفين وشايفين مشاركاتى من اول يوم فى المنتدى لاخر مشاركه
عموما انا ربنا يعلم ان انت من الناس اللى بحترمها جدا وبحب دائما اتابع مشاركاتها ومواضيعها
وكلك ذوق وادب يا هندسه
ومشكور جدا على تفهمك ومتبعتك للموضوع

**وائل الطلخاوي** · 12-06-2014 02:17 AM

ان شاء الله المشكلة تتحل قريب وترجعلك عضويتك الاساسية وانا شايف اني مفيهاش حاجة غلط اني الواحد يكون لية اكثر من اكونت علي الموقع مثال مثلاه علي الفيس بوك كل الناس الموجودة ليها اكثر من اكونت ومحدش بيوقف عضويت حد وشكرااااااا

**dado555** · 13-06-2014 06:07 AM

ان شاء الله المشكلة تتحل قريب وترجعلك عضويتك الاساسية وانا شايف اني مفيهاش حاجة غلط اني الواحد يكون لية اكثر من اكونت علي الموقع مثال مثلاه علي الفيس بوك كل الناس الموجودة ليها اكثر من اكونت ومحدش بيوقف عضويت حد وشكراااااا

اشكرك على ردك
بس انا فعلا عضويتى عضويه واحده فقط
بس المنزل فيه شباب وكلهم ليهم اكونتات على نايل موتورز
بس ده مش زنبى انا ولو هتحاسب اتحاسب على مشاركاتى اللى باسم body7733
مش على اكونت تانى بيشارك او بيجامل حد بردوده
اكيد انت فهمتنى وفعلا زى ما حضرتك قولت الفيس بوك اكبر مثال
وتحياتى ليك وشكرا على اهتمامك