مصدر امني تطبيق عقوبة عدم ربط الحزام من اليوم

**Omar Mahmoud** · 11-06-2014 02:03 AM

اللي بيحط المخالفات ده بيفكر في ايه؟؟؟
ده بييجي في الهايفة و يتصدر،تحبس واحد مربطش الحزام بتاعه و في الاخر الضرر هيبقي ليه هو
ما تتشطروا علي التكاتك اللي بتمشي في جامعة الدول قصاد الونش عادي جدا و الميكروباصات اللي قافلة الشارع و اللي بيمشوا عكسي علي الصحراوي في الحارة الشمال.

**eng.m7md.ali** · 11-06-2014 02:41 AM

انا بلبس حمالات -_-

**AHMED__ZIZO** · 11-06-2014 08:35 AM

هى طالبة خنقة ما كفاية اللى احنا فيه
ولا هو اى هبل وخلاص؟؟؟؟؟؟؟؟؟؟؟

**svneleven** · 11-06-2014 09:31 AM

موضوع لم فلوس مش أكتر هو مش خايف عليك و لا عاوز يطبق نظام و لا قانون. لكن الصراحة لازم كلنا نربط الحزام عشان مصلحتنا مش عشان حاجة تاني. الحزام و الله أحيان كتير ربنا بيجعله سبب في انقاذ أرواح.

**gadoo30** · 11-06-2014 09:40 AM

المشاركة الأصلية كتبت بواسطة svneleven

موضوع لم فلوس مش أكتر هو مش خايف عليك و لا عاوز يطبق نظام و لا قانون. لكن الصراحة لازم كلنا نربط الحزام عشان مصلحتنا مش عشان حاجة تاني. الحزام و الله أحيان كتير ربنا بيجعله سبب في انقاذ أرواح.

كلامك سليم الحزام حماية ليك مش لحد تانى وانا الحمد لله طول عمرى بربط الحزام وعمرى ما سوقت من غيرة ومرة باظ فى عربيتى القديمة الدوجان وكان مش بيلوك لو اتشد بسرعة كنت مضايق قوى ومش عارف اصلحة بس كنت برضة بربطة وبعدين بعت العربية
الحزام تانى امان ليك وللى راكب معاك وفعلا ياما نفع ناس
المهم تفعيل باقى قوانين المرور علشان الانضباط فى الشارع وي سلام لو يقصفو عمر سواقين المقطورات والكوارث اللى بيعملوها
ربنا يحفظنا جميعا من كل سوء

**hosar** · 11-06-2014 11:21 AM

هوا خلاص مبأناش فالحين غير فى جباية الفلوس و بس

**aldesha989** · 11-06-2014 11:48 AM

انا عمرى ما ربطت الحزام غير مره واحده للتجربه :d
يعنى ابقى مجرم علشان مش خايف على نفسى
ينهار موز

**Trondo** · 11-06-2014 12:30 PM

الناس اللى بتقول بيلموا فلوس و خلاص ياسيدى اربط الحزام و انت الكسبان

ياريت يكملوا و يظبطوا باقي الحاجات السلبيه اللى فى الطريق

**K.Ossama** · 11-06-2014 12:52 PM

المشاركة الأصلية كتبت بواسطة trondo

الناس اللى بتقول بيلموا فلوس و خلاص ياسيدى اربط الحزام و انت الكسبان

ياريت يكملوا و يظبطوا باقي الحاجات السلبيه اللى فى الطريق

أنا على طول رابط الحزام ومعترض برضو على الخبر.
بسبب بسيط. كل حاجة فى الدنيا لازم يبقى ليها أولويات. يعنى الأهم فالمهم.

**Trondo** · 11-06-2014 01:21 PM

انا متفق معاك .... بس السلبيات كتيره قوى

ولما يبدأو يظبطوا الدنيا الناس السايبه تبدأ تحس ان فيه شده فتتلم

الناس اللى واخده العكسي على طول الخط
الناس اللى بتزمر على الكلكس عمال على بطال
الناس اللى مش بيشغل نوره لحد الساعه ١٢ بليل و تلاقي العربيه شبح
الناس اللى انوارها الخلفيه بايظه
الناس اللى مواتيرها مفوته و عامله سحابه بيضا و سودا
الناس اللى بتسوق دون السن القانوني

دول عندى اهم من الحزام و الملصقات و الكلام دا كله

يعنى موضوع الحزام دا مش هيفيد حد غير اللى سايق لكن اللى سايقين حواليه ولا حاجه

المرور عاوز ظبطه كبيييره و اهمها فى رائي الشخصي .... رخصه من اول و جديد .... علشان الناس تحترم نفسها