الكوماوند والشروخ &الحكة والملمع

**wessampo** · 13-10-2008 10:39 PM

كنت عايز اعرف هل (حكة جانب العربية وتطبيقة الصاج بسيط لجوة اية علاجة هل اشترى ملمع طب اية هو واستعملة ازاى _وتجريح مسامير اولاد الحلال )تنفع تتشال بالكومباوند واية الخطوات الممكن اعملها علشان ترجع العربية تانى حلوة ارجو سرعة الافادة لانى ماليش نفس اركبها ومش عايز اتعامل مع صنايعية بقدر الامكان علشان مليش خبرة فى اجرة الصنايعى ومش عايز اسيب العربية عندة طبعا انتو عارفين الى بيحصل ممكن يوصل بيها الحبايب والقرايب دة غير الاستعمال السىء والف شكر على التعاون الجميل والمثمر ويارب يستفاد الجميع

**wessampo** · 13-10-2008 11:26 PM

يا جماعة انا محتاج مساعدتكم بجد

**AHMEDCAR** · 13-10-2008 11:34 PM

ممكن تستعمل فعلا البولش و الكومبوند لكن لو الخربوش غويط الى الصاج مش عاينفع

**أبو عبدالله** · 14-10-2008 01:19 AM

المشاركة الأصلية كتبت بواسطة wessampo

كنت عايز اعرف هل (حكة جانب العربية وتطبيقة الصاج بسيط لجوة اية علاجة هل اشترى ملمع طب اية هو واستعملة ازاى _وتجريح مسامير اولاد الحلال )تنفع تتشال بالكومباوند واية الخطوات الممكن اعملها علشان ترجع العربية تانى حلوة ارجو سرعة الافادة لانى ماليش نفس اركبها ومش عايز اتعامل مع صنايعية بقدر الامكان علشان مليش خبرة فى اجرة الصنايعى ومش عايز اسيب العربية عندة طبعا انتو عارفين الى بيحصل ممكن يوصل بيها الحبايب والقرايب دة غير الاستعمال السىء والف شكر على التعاون الجميل والمثمر ويارب يستفاد الجميع

شوف يا اخي الفاضل
لو الحكه دي على طبقة الدهان يبقى ان شاء الله البولش هيشيلها
اما لو محفورة في طبقة الدهان يبقى انسى خلاص الموضوع انتهى ان شاء الله

**PRO-DRIVE** · 14-10-2008 01:23 AM

الدهان 7 طبقات غالبا

لو الحك وصل للاخيره البوليش و الكمبوند مش حيعملوا حاجه

**Noha.M** · 14-10-2008 11:16 AM

لا معملوش حاجة اوى معايا غير فى التجريحات اللى متعدتش اول طبقة من الدهان لكن اللى معلمة اوى و باينة و تلاقي الدهان اتشال مش هينفع معاها الكومباوند و البوليش

انا جربت لحد ما ايدي وجعتني و برده مفيش فايدة بس الحاجات البسيطة اوى مشيت

**shanodaa** · 14-10-2008 04:10 PM

اعمل نفسك مش شايف التجريح وطنش عشان ما تتعبش وتصرف فلوس علي الفاضي

**م. تيمور** · 14-10-2008 04:31 PM

انا حصل معايا واحد بن حلال خربش لي الكبوت ,, وناوي ادهنه ان شاء الله في التوكيل ,, اقترح تعمل كده ,,,

**tamera** · 14-10-2008 05:03 PM

ممكن بتاع الدوكو يعملك البوليش هاتبقى النتيجة افضل من انك تعمله بنفسك لأنه هايستعمل الفرشة والصاروخ
ومش هايكلف كتير

**دموع الثلج** · 14-10-2008 06:57 PM

تطبيقات الصاج البسيطه دى اى سمكرى نظيف ممكن يردها لك على البارد

وموضوع الخدوش كل عربياتنا كده ماحنا فى نفس المجتمع

ما تزهقش من العربيه ولا شى

الخدوش لو غويطه متوجعش قلبك وكانك مش شايفها خالص

ولو الخدوش سطحيه اول شى ميكونش فيه تراب على العربيه
هتجيب الكمباوند وتدهنه بايدك كانك بتدهن كريم وبقطنه تقعد توزع الكمباوند على الخدش بشكل دائرى لحد ما تعبى الخدوش الخفيفه
وبقطنه نظيفه تبداء تشيل باقى الكمباوند وبعدها تعمل نفس الحكايه بالبولش لحد ما تشيله خالص وبس