اروح ولا بلاش

**masrawy99** · 02-11-2008 05:30 PM

فى الخقيقة يا شباب انا جايب العربية علشان الشغل ومن وقت مجبت العربية متعطل جامد فى التعليم والرخص ونقل الملكية
المهم انا الحمد لله سقت بدون مشاكل فى جسر السوسي وطريق النصر ومرة رحت الاوتو ستراد ومرة رحت صلاح سالم وذهبت كثيرا من الزيتون لمكرم عبيد ومن الزيتون لشبرا مصر وشبرا الخيمة وللنزهة الجديدة
دى الاماكن اللى رحتها حتى الان ولا اجد مشاكل عندى فى القيادة فى هذه المناطق
المهم المفروض ابدا اتحرك واروح العبور والعاشر من رمضان واكتوبر
لكن دى طرق سريعة وعندى رهبة فى السير فيهم

مش عارف اه رايكم اروح ولا لسه شوية افيدونى افادكم الله

**ibrahimsaad** · 02-11-2008 05:51 PM

توكل على الله وجمد قلبك بس اهم حاجه خليك ماشى على سرعه متوسطه علشان تقدر تسيطر على العربيه وبلاش السرعات العاليه لان بيجى منها مشاكل

وربنا معاك يارب ومع الجميع

**hotboja** · 02-11-2008 06:22 PM

جامد قلبك كل الناس فى اول كدة وبعدين بتتعود على الطريق اهم حاجة لو حد اقدك كلكس سيبك منو

اعمل نفسك مش سامعة لزم تحت اعصابك فى ثلجة ولا يهمك ما دام ماشى صح

وعلى العموام انا الحادث الى عملتو كان على شان كنت حاسيس انى هعمل حادث

المثل اللى بيقول فعلا او تخاف من الحادث سيب كل حاجة على الله وامشى صح

ومش هيحصل حاجة وطلع موضوع الخوف او الحادث من دماغك زاى ما تيجى تيجى ميهمكش

**MoToRiZeR** · 02-11-2008 06:47 PM

انا رأيي بلاش .. لأن خطر جداَ تمشي بطئ علي طريق سريع حتي لو ماسك يمينك .. لأن هتلاقي الناس كلها بتطير من حواليك و هترتبك جداَ .

عايز تاخدها صح ؟ إستني إسبوعين كمل فيهم القيادة في المدينة و في خلال الإسبوعين دول تنزل كل يوم جمعة فيهم الصبح قبل الصلاة بدري الساعة 8 مثلاَ عشان الطريق يبقي فاضي و هادي .. تنزل علي الطريق بتاع العبور .. تاخد علي الطريق و تتعود علي السواقة علي سرعة عالية .. بعد كدة إبتدي إنزل في الأيام العادية اللي الطريق فيها بيكون عليه ضغط زيادة .. و مع الوقت هتلاقي نفسك مفيش رهبة ولا أي حاجة .

إنما رأيي متروحش بيها الشغل مباشرة خبط لزق كدة .

و أهم حاجة علي الطرق السريعة :
-لازم يبقي عندك فكرة عن الطريق وراك زي ما شايف اللي قدامك عشان تبقي فاهم وضعك في الشارع (مين ممكن يكسر عليك فا تبقي عارف هتروح فين، ممكن شكله غشيم تبعد عنه .. حد جي ياخد غرزة من قدامك .. مقطورة .. و هكذا)
-متستخدمش الفرامل بعنف يعني حاول اما تهدي بس تشيل رجلك من عالبنزين ولو محتاج أكتر يادوب شعرة فرامل إنما متستخدمش فرامل عنيفة
-حافظ دائماَ علي مسافة بينك و بين اللي قدامك و متسحمش للي وراك يلزق فيك إديله إنتظار و خليه يبعد عشان يبقي عندك مجال تهدي بدون خطر .
- إشارات قبل الإنعطاف و إمشي في حارة طريقك .. بمعني لو داخل شارع يمين إمشي في أقصي اليمين .. لو هتلف في يو تيرن قبليه ب 500 متر علي الأقل تبقي في أقصي الشمال .

و ربنا يوفقك و جمد قلبك بس بالعقل متستعجلش .

**t4r3k** · 02-11-2008 07:55 PM

جرب تروح بس تبقى مصلى الفجر :angelsad2: ... لأ خير ان شاء الله بس خلى معاك واحد صاحبك بيسوق من زمان وكويس واهه يشجعك وينبهك وربنا ييسرلك ان شاء الله

**samehafez** · 02-11-2008 09:55 PM

90 % من الحوادث بتحصل لما تحس انك خلاص بقت برم و احسن من شوماخر في السواقة ............. بتبتدي تتخلى عن الحذر و بيحصل سلسلة من الاندفعات المتهورة و هوب .....
بس طول ما انت ماشي بسرعة الطريق .... و حاسس بالدنيا حواليك عاملة ازاي ...... و تنسى الكلام اللي اتقال و انت بتتعلم السواقة ( من نوعية طنش اللي حواليك و لو حد عاوز يعدي منك سيبة يلف من اي داهية )
كله هيبقى تمام ....
اهم حاجة تفاعل مع الطريق و ركز و ربنا معاك

**elmadawy** · 02-11-2008 10:09 PM

انا كنت في البدايه كده و عايز اسافر من الاسكندريه للقاهرة في الصحراوي وخايف جدا لكن اتكلت علي الله وسافرت وال تخاف منه ما يتلعش احس منه المهم تركز ومتحولش تجري علي سرعات عاليه وربنا يسهل

**Rsarabia** · 02-11-2008 10:20 PM

لا بلاش دلوقتى ممكن انت تسوق بس يكون جنبك واحد الاول بعدين لما تاخد على السواقة و تكتسب خبرة ليست بالقليلة تقدر تعتمد على نفسك

**masrawy99** · 02-11-2008 10:27 PM

انتو شايفين لا اتجاوز كام سرعة يا شباب انا لما بكون فى صلاح سالم والطريق مفتوح ادامى مبعديش الستين كيلوا فلو الطريق مفتوح هل يبقى اخرى كام بالظبط فى السرعة وهل امشى يمين ولا فى النص ولا فيه عربية نقل ادامى او ميكروباس افضل بردو وراه ولا اعهديهم وارجع يمين تانى ولا اخلينى فى النص على 80 سرعة مثلا وخلاص؟