لو بعت البومه - تشترى ايه؟

**Egy_fan** · 11-06-2014 12:50 PM

السلام عليكم. زى ما قال احد الاعضاء. القسم نايم كده ليه. انا قلت اعمل موضوع يصحى شويه

لو انت راكب بومه و قررت تغيير. ايه احسن حاجه تركبها بعد البومه

انا مشكلتى فى البومه ان قطع غيارها غاليه و لو رحت للشارك قطع غيارها اغلى ففكرت اروح للسيراتو بس الكورى اكيد اداءه اقل من اليابانى

السؤال: حد ساق السيراتو الجديده و يقدر يفيدنا مين اداءه احسن البومه ولا السيراتو لأن الاكيد ان الشارك ادأها احسن بس المشاكل و قطع الغيار ...

انا مشكلتى الوحيده انى اشترى سيراتو و تطلع ركوبه تعبانه ذى الالنترا الجديده لأنى لما سوقتها طلعت تعبانه جدا

شكرا للمشاركات....

**mmkhattab** · 11-06-2014 12:59 PM

حضرتك موضحتش عايز عربية في حدود كام
بس الإختيارات لو هتعلي عندك مازدا 3 او فلوانس او اوكتافيا
لو في نفس السعر تقريبا إركب سيراتو الشكل اللي قبل الحالي 2012 مثلا هاي لاين بس ممكن تضايق من نشوفية العفشة شوية بسيط ... غير كده السيراتو عربية كوسية جداااااااااا

**mahamemo** · 11-06-2014 02:21 PM

جولف او جيتا

**mcomics** · 11-06-2014 02:54 PM

اقترح مازدا
بس معرفش قطع غيارها ظروفها ايه

**Egy_fan** · 11-06-2014 03:32 PM

يا شباب الرانج من 140 الى 150 و الخيارات ما بين لانسر شارك و سيراتو الجديده

بس عايز واحد من ملاك البوما يكون ساق سيراتو جديده و يقولى انطباعه عنها يعنى ثابته و بتجمع كويس وكده لأنى ركبت الالنترا اكتر من مره و معجبتنيش علشان السحب مش قوى و العفشه ناشفه بس للأمانه كانت لسه زيرو مكملتش 1000 كم

شكرا للردود

**mahmoud_ali** · 11-06-2014 03:49 PM

السيراتو 2012 عربيه جميله جدا بس لما بسوقها بحس بعفشتها ناشفه جدا وبترزع لكن انا بحب المازدا بصراحه

**mahamemo** · 11-06-2014 03:55 PM

السيراتو عفشة زفت والانترا شرحوا والنيسان هاتلك جولف ٦ مركوبة سنتين ولا سيفيك ٢٠١٠ او ٢٠١٢ بس مش بعد اللانسر تركب كوري يعني

**Egy_fan** · 11-06-2014 04:22 PM

السيراتو عفشه زفت. معلومه جامده جدا. انا سوقت السيراتو القديمه و كانت حلوه فى السحب بس معجبتنيش بسبب العفشه الناشفه و خصوصا انا معايا برده ريو 2011 ولما بسافر بيها برجع متكسر

بصراحه يا شباب الجولف و المازدا و السيفيك . اعتقد ان قطع الغيار هتبقى مشكله علشان ان بمشى كتييير فى السنه

شكرا للردود