الموضوع: تظلمات المرور

سغات بتنزل بس لو عكس الاتجاه لا

المشاركة الأصلية كتبت بواسطة insurancebroke

سغات بتنزل بس لو عكس الاتجاه لا

طب حضرتك دى ليها قواعد ولا حسب مزاج وكيل النيابة؟

وهل ينفع أتظلم قبل ميعاد التجديد؟

ولو اتظلمت وخفضوا المخالفات لازم أدفعها فى ساعتها ولا ممكن أستنى وقت التجديد (بعدها بشهر مثلا)

ممكن تعمل تظلم عادى خالص بس لو نوع المخالفه سير عكس او سرعه مينفعش
التظلم من اختصاص رئيس نيابه المرور وبتقدر على حسب نوع المخالفه زى ما قوتلك وكم المخالفات الى عندك
ممكن تظلم فى اى وقت عادى خالص حتى لو قبل التجديد بثلاث سنين مثلا وممكن تدفع فى اى وقت مش شرط وقت معين
لو مخالفاتك مر عليها ثلاث سنوات ورخصتك ساريه او انتهت من شهر تقريبا تقدر تقدم طلب لوكيل النيابه نفسه لانقضاء المخالفه بمضى المده بما يسمى فى القانون بالتقادم
لو التظلم الى عملته مجبش نتيجه مرضيه ليك او عندك مخالفه سير عكس تقدر تعمل فيها معارضه وتخفضها امام قاضى جنح المرور بس الموضوع ده بياخد وقت شويه حوالى شهرين بس نتيجته مضمونه اكتر بشرط ان الرخصه تكون باسمك او معاك عقد مسجل او توكيل والمخالفه فى تاريخ حيازتك للعربيه