مساعده ضرورى فى غسيل دوره تبريد فيكترا b1

**ALI SOLIMAN** · 13-06-2014 06:23 PM

المشاركة الأصلية كتبت بواسطة haisam ali

خلى بالك من طبب الميه ياعلى ...... تحذييييييير لو العربيه عندك بتحط ميه حنفيه من زمان هيبقى فيه صدا كتير ..... والطبب بتاعت الميه دى هتخر منك .... جهز نفسك يبقى جنبك ميكانيكى تبعك عشان لقدر الله حصل حاجه

الف شكر ليك يا هندسه , بس انا مغير الريدياتير من صاحب العربيه من 4 شهور و المشكله عندى فى وساخه مجارى المكنه عشان استيراد ووسخه خالص و غسلتها من شهرين غسله اى كلام عشان الصنايعى كان جحش

و قعد يحرق على المكنه لغايه ما الRPM جاب الاحمر وعلق المكنه على السرعه دى عشان يخلى طرمبه الميه تدور بسرعه بس للاسف حرقلى طرمبه الباور و اتخانقنا و مكملتش غسيل

ولو رايك انى اعمل بنصيحتك ياريت تقولى عشان انا حاطط الطشت تحت التكييف و بملى ميه مقطره وناوى بكره اغسل

وربنا يباركلك ومانتحرمش من دماغك

**haisam ali** · 13-06-2014 09:10 PM

شكرًا جدا لزوقك ياعلى ولكن :-

اولا انا مش هندسه خالص .... انا هنا فى المنتدى بطبش اخر حاجه يعنى كله اجتهادى ومن خبرات الناس الكبيره بتاعتنا زى الاستاذ احمد فهمى والأستاذ محمد طنانى والأستاذ فادى محمد والأستاذ عمرو السيسى فيعنى اعتبرنى كده زيك بالظبط .

ثانيا انا قصدى على طبب الموتور .... ولازم برضه تخلى بالك لأنهم ٩٠٪ هيجيبوا ميه فلازم تجهز نفسك انك رايح لميكانيكى

ثالثا وده الأهم يامعالى الباشا ... الموضوع ده بجد يستاهل تعب العناء وبجد هتتبسط اوى منه والعربيه هتفوق منك جدا والحرارة هتتظبط اوى

الف شكر ليك ولزوقك ودعواتك دايما للناس اللى بتفيدنا اوى اوى كده من غير اى مقابل