مساعده ضرورى فى غسيل دوره تبريد فيكترا b1

**ALI SOLIMAN** · 12-06-2014 10:47 AM

انا ناوى اغسل دوره التبريد بتاعه العربيه بالجهاز بتاع الغسيل اللى فيه طرمبه ضخ وكنت عايز اعرف فين الخرطومين الداخل و الخارج عشان اغسل الدوره بالكامل

و سؤال تانى انا عايز اغير سويتش المراوح ومش عارف اجيب الاصلى و لا اجيب اللى لونه اصفر وعايز اعرف درجه حراره تشغيل السويتش الاصفر ولون السويتش الاصلى بيكون ايه

على العلم انا راكب عندى سويتش بتاع ال128 و بيشغل سرعه واحده بس

ياريت يارجاله تفيدونى

**احمد فهمى** · 12-06-2014 11:15 AM

اغسل فى محطة بنزين افضل والسويتش موجود اصلى واستيراد

**عمارمطر** · 13-06-2014 12:03 AM

لازم يكون حد فاهم علشان تحافظ على وش السلندر سليم لان الميه البارده تاثر عليه والعربيه سخنه ومبطله لازم يكون حد فاهم

**A.Sattar** · 13-06-2014 08:59 AM

متابع عندي نفس الموضوع

**ALI SOLIMAN** · 13-06-2014 10:10 AM

المشاركة الأصلية كتبت بواسطة عمارمطر

لازم يكون حد فاهم علشان تحافظ على وش السلندر سليم لان الميه البارده تاثر عليه والعربيه سخنه ومبطله لازم يكون حد فاهم

انا غسلت قبل كده فى محطه وكان بيركب الجهاز و يشغل دوره المياه فى العربيه وهىا دايره (مش مربعه)

بس كانت بتبقى شغاله على السلانسيه ايدل يعنى

و المحطه دى قفلت و المشكله انا دلوقتى عايز محطه كويسه يكون حد جربها فى غسيل اوبل

او اى محطه مش معقول مفيش حد فى الموقع مغسلش دوره المياه بتاعه الاوبل

انا متابع يا رجاله

**فادى محمد** · 13-06-2014 11:23 AM

لا بنغسل بس مش كل الناس بتروح للبنزينه. في منظفات بتضاف للدوره وتمشي شويه وبعدين تغير الميه ..
خلي بالك لو هتغسل في بنزينه , لازم تفك ترموستات الكوع لان ميه التنظيف مش هتبقي سخنه كفايه وبالتالي الترموستات هيقفل الدوره عن الرادياتير ! , مش هتستفيد . فكها وبعد الغسيل ركبها تاني طبعا. شفت جهاز التنظيف ده في بنزينه موبيل , اول شارع التحرير - الدقي .

**haisam ali** · 13-06-2014 11:28 AM

المشاركة الأصلية كتبت بواسطة ALI SOLIMAN

انا غسلت قبل كده فى محطه وكان بيركب الجهاز و يشغل دوره المياه فى العربيه وهىا دايره (مش مربعه)

بس كانت بتبقى شغاله على السلانسيه ايدل يعنى

و المحطه دى قفلت و المشكله انا دلوقتى عايز محطه كويسه يكون حد جربها فى غسيل اوبل

او اى محطه مش معقول مفيش حد فى الموقع مغسلش دوره المياه بتاعه الاوبل

انا متابع يا رجاله

لا يامعالى الباشا كتير مننا غسلها .... بس ع ايديه ... على طريقه الاستاذ فادى محمد .... بجد ممتازة وفعاله جدا جدا

http://www.nilemotors.net/Nile/309504-a.html جرب وهتتبسط جدا باذن الله

**haisam ali** · 13-06-2014 02:49 PM

المشاركة الأصلية كتبت بواسطة ali soliman

ربنا يباركلك يا باشا فعلا موضوع اكتر من ممتاز و هاعمله النهارده والف شكر ليك ولكل الاخوه المشاركين

خلى بالك من طبب الميه ياعلى ...... تحذييييييير لو العربيه عندك بتحط ميه حنفيه من زمان هيبقى فيه صدا كتير ..... والطبب بتاعت الميه دى هتخر منك .... جهز نفسك يبقى جنبك ميكانيكى تبعك عشان لقدر الله حصل حاجه