صوت حكة فى الدركسيون فى لانسر 2014

**محمد فرج** · 12-06-2014 12:33 PM

السلام عليكم
_____________

اشتريت ميتسوبيشي لانسر بوما 2014 خليجي من 3 ايام من معارض القرش

العربيه جميلة وبسم الله ماشاء الله بس من اول ما جبتها وانا ملاحظ ملاحظة بسيطة ولكنه تضايق

على الرصيف بالذات وانا بركن او لما ازود بنزين بالراحة لما بجيب اخر الطارة " الدركسيون " بسمع صوت حكة كدة مش حلو بيضايقني جدا

رحت لبتاع الاطارات قلت يمكن العيب فى الطاسة فك ورفع العربيه قالي لا الكاوتش والطاسة تمام روح صيانة التوكيل بس متقلقش دي بسيطة

الراجل بتاع الباركنك قالي متقلقش لان العربيه كانت مركونه " وفعلا كانت مركونه فى المعرض " فا هم بيحطوا ليها بودرة .. فا البدورة هي اللي عاملة الصوت وعاوزة تتشحم مش عارف قالي ايه اللي تتشحم مش فاكر الاسم

بس قالي فى صيانة الالف كيلو هيشيلوا البودرة كويس وهيشحموا والصوت هيروح متقلقش

ياريت تطمنوني ؟

مع العلم ان العربيه عاملة 70 كيلو الى الان

تم تعديل العنوان ليعبر عن المحتوى
م ب 3

**Omar Mahmoud** · 12-06-2014 01:29 PM

انا في الاوبل عندي لو جبت الطارة بيمين او شمال للاخر خالص بسمع صوت احتكاك بيفضل مستمر و لما ترجع الطارة حاجة بسيطة الاحتكاك بيختفي و البروتون كذلك
لو مش مقنع وديها للتوكيل انت لسة في الضمان لو في حاجة هتتغير

**Fadi Ezzat** · 12-06-2014 01:42 PM

ياباشا دة صوت طبيعى جدا جاى من طرمبة الباور لما بتجيب الدركسيون لاخرة متقلقش مفيهوش ضرر خالص

**vido** · 13-06-2014 01:43 PM

دا فعلا صوت علبة الباور علشان انت جبت الطاره للاخر و عموما ينصح بعده عصر الطاره للأخر " يعنى متلفش الدريكسيون لحد الاخر علشان دا بيأثر على علبة الباور " و المعلومه دى من مركز الصيانه و ان شاء الله خير و ميكونش فى مشكله بأذن الله و الف مبروك

**Ibrahim Nabil** · 13-06-2014 02:36 PM

اعتقد ان الاستاذ محمد فرج مش قصده على صوت طلمبة الباور ولكن هو يقصد صوت حكه او تزييق اثناء التفاف الطارة وليس اثناء التحميل عليها لاخر مشوار الطاره ... وارجو ان تحليلى يكون فى محله..

**a7medsh3rawi** · 13-06-2014 02:51 PM

غلط جدا انك تكسر الطاره للآخر ولازم لما تلف تسيب مسافه حوالى ربع لفه قبل الاخير
وتعود نفسك على كدا .. والا هتلاقى جلد الكبالن اتقطعت وخرطوم الضغط بتاع طرمبة الباور بدأ يجيب زيت ..
الحكه دى عباره عن ضغط على طرمبة الباور لان دورة الزيت مخنوقه
نتيجه ان دا آخر مشوار مكبس دراعات الاسكترا وانت كدا محمل عليها
ودا فى كل العربيات ومالهاش حل

**محمد فرج** · 13-06-2014 05:00 PM

تسلموا ياشباب والكل طمني وقالي دة صوت طبيعي .. واشكرك كل من رد .. وهنتظر لما اروح اعمل صيانة الالف كيلو واقولهم على اللي بيحصل .. للتاكد 100%

بخصوص الاسعار العربيه فى السوق شبه منعدمة مفيش خالص وانا دورت فى كل المعارض اسبوع كامل بدور

ولقيتها عند القرض وكانت اخر واحدة بوما 2014 خليجي اللون الابيض عملت 136.5 وباقي الالوان تقريبا 144 على ما افتكر

العربيه سعرها زاد ومفيش فى السوق خالص

**vip74** · 13-06-2014 05:29 PM

ألف مبروك
ربنا يكفيك شرها
العربية تمام مفيش قلق
معايه من شهر 9 ما شاء الله تمام مفيش مشاكل
بتقول العربية عامله كام دلوقت

**Sherif Mandoor** · 13-06-2014 05:58 PM

صوت طرمبه الباور
متكسرش الدركسيون للاخر

الموضوع: صوت حكة فى الدركسيون فى لانسر 2014

LinkBack

أدوات الموضوع

عرض

-

-

-

المواضيع المتشابهه

محتار اجيب كيا ريو 2014 ولا لانسر 2014

170000 لانسر شارك 2014 ولا فلواتس 2014 ؟؟

سيراتو خليجي 2014 و لا لانسر بوما خليجي 2014

كورولا 2014-النترا 2014-لانسر شارك -فلوانس

علبه الدركسيون لانسر 99

الكلمات الدلالية لهذا الموضوع

المفضلات

المفضلات

ضوابط المشاركة