الموضوع: زيت موبيل 5w-30

متابع باهتمام خصوصا النوع 0 /40

يعني لو قعدت أقوللك كل الصيغ التحذيرية الموجودة في اللغة العربية مش حيكفي.
كلمة واحدة بلاش الموبيل للأسباب التالية:
1- صوت الموتور عالي شوية, صحيح مش أوي بس برضه غير العادي.
2- من خصائص الزيت إنه بيعمل تنظيف للمحرك من الشوائب العالقة به و ده اللي بيخلي الزيت يغمق, الأخ موبيل مش بيعمل كده و الناس مبسوطة و تقوللك ماشاء الله الزيت نازل زي الفل زي ما حطيته بالضبط, و مش حاسين بالوكسة.
3- ردائة التصنيع المصري للأسف الشديد و دي الحاجة اللي مزعلة الواحد فعلاً, و بالتالي وجود الكثير من المنتجات المقلدة و المضروبة.
4- أخر نقطة و دي القشة التي قسمت ظهر البعير هو السعر المغالى فيه بطريقة غريبة, الجركن ال4 لتر اللي هو 5w-50 وصل سعره 350 جنيه, ليييييييييييييييييييييييي ه.
دي الأسباب و القرار النهائي ليك.

المشاركة الأصلية كتبت بواسطة crazy car

لو اطلعت على مواصفات زيت موبيل هتلاقى ان نسبة المنظفات عالية جدا واعلى تقريبا من اى زيت تانى فكلامك غريب جدا بصراحة وعلى فكرة ارتفاع وعلو صوت المحرك سببه ارتفاع المنظفات بالزيت
وسعر الزيت 300 لسه مغيره الاسبوع اللى فات

إحنا مش بنتكلم هنا عن الكاتالوجات و الورق, صحيح محدش ينكر أهميتها بس لما يكون في تجربة عملية يبقى الله يكرمك بلاش موضوع الكاتالوجات ده.
الزيت سيئ للغاية و ده مش كلامي أنا بس, ده كلام كتير من الناس في المنتدى ده, و بعدين يا سيدي لو مريحك كمل عليه هو حد قاللك سيبه.
أنا بحكي عن تجربة شخصية و مش من مرة واحدة.
تاني حاجة السعر اللي بقول عليه هو سعر ال 5w-50 مش ال 5W-30 اللي في الموضوع و ده اللي أنا جربته على أساس إنه من أنضف الأنواع الموجودة و للأسف.
و بعدين إيه علاقة إرتفاع المنظفات أو إنخفاضها في علو صوت الموتور, ياريت تقولنا تعمل شير للمقالة أو الموقع اللي انت جبت منه الكلام ده عشان كلنا نستفيد.
بالتوفيق إن شاء الله.

المشاركة الأصلية كتبت بواسطة crazy car

مقال ايه ادخل على موقع موبيل واطلع على مواصفات الزيت ولو الكتالوج موش مهم كده خلاص ارمى كتالوج العربية فى الزبالة بالمرة
والسعر اللى انا قلت عليه كنت بقصد 5w50
وطبعا فيه علاقة بين التنظيف وارتفاع الصوت نسبيا
واغلب المشاركات اللى بتقول على الزيت سئ بتقول عليه سئ بس ليه وبمناسبة ايه محدش كتب حاجة
غير ارتفاع الصوت وده موش معيار طبعا
وبالنسبة للتجربة العملية كان معايا عربية استعملت موبيل من الصفر لحد 165 الف كيلو قبل ما ابعها وكان الموتور ماشاء الله
من الاخر وعلى راى المثل كل واحد ينام على الجنب اللى يريحه

طيب طالما إنت عايز تتكلم بالتهكم كده مفيش مشكلة.
أولاً ردك يدل على ضحالة معلوماتك للأسف للأسباب التالية:
1- بتحاول تتوه القارئ بإنك تدخله في مواضيع جانبية ملهاش لازمة و ياريت كمان قولت معلومة مفيدة....لأ... كله كلام مرسل..... أنا سألتك على أصل المعلومة اللي انت قولتها بتاعة إن المنظفات الموجودة في الزيت تؤدي لارتفاع صوت الموتور, و قولتلك إن طالما في تجربة عملية للزيت و إتضاح عدم كفائته فيبقى الكاتالوج يركن على جنب شوية في الحتة دي على الأقل, روحت سيادتك طلعتنا من الموضوع و قعدت تتكلم عن رمي الكاتالوج بتاع العربية في الزبالة و كلام تاني مالوش لازمة, مع إني لم أنكر أهمية الكاتالوج بتاع أي منتج و لكن كل ما أقوله هو إذا تمت المقارنة بين الكاتالوج و التجربة العملية فالأفضلية للتجربة العملية, و بعدين أنا بسأل عن معلومة إنت قولتها على أساس إنها معلومة علمية صح؟؟؟؟ طيب أصلها إيه؟؟؟ فين المصدر؟؟؟ طبعاً بتكلم على معلومة علمية اللي هي (المنظفات في الزيت هي السبب في إرتفاع صوت المحرك) مش كلام على زيت معين صح؟؟؟؟؟
و طبعاً خروجك من الموضوع أسبابه هي عدم وجود أصل للمعلومة التي اتضح أنها سماعية أكثر منها علمية و ده أدى إلى عدم قدرتك على الرد و محاولتك تتويه المشاركين في المنتدى.
2- حقولك نصيحة ليك و للزمن, لما تيجي تستشهد بمستند علمي على معلومة علمية خاصة بالزيوت , لا زم تجيب مصدر عالمي يتم تطبيقه على كل أنواع الزيوت, مش تقوللي روح بص على كاتالوج الموبيل, مالي أنا و مال كاتالوج الموبيل و غحنا بنتكلم عن المنظفات؟؟؟؟ ردك غريب فعلاً, يعني موضوع علو صوت الموتور مع المنظفات لا ينطبق على زيت زادو مثلاً صح ؟؟؟؟ مع إنه مشهر بال cleaning additives بتاعته, يبقى طبقاً لكلامك لازم يبقى صوت الموتور عالي صح؟؟؟؟ و مع إن كل اللي جربه باسم الله ماشاء الله بيشكر فيه من ناحية إنخفاض صوت الموتور, بس لأ كلهم غلط, زي كل اللي جربوا الموبيل و قالوا عليه وحش غلط برضه صح!
3- بالنسبة بقى للتجربة العملية المعملية الفذة اللي انت جربتها في عربيتك, فتهانينا الحارة على نجاح التجربة, محدش قال حاجة, و زي ما قولتلك قبل كده طالما الزيت عاجبك إستعمله, و على رأي المثل الجميل اللي انت قولته (كل واحد بنام على الجنب اللي يريحه).
ثانياً : أنا باعتذر عن إستكمال الحوار في هذا الموضوع حيث أنني لا أرغب في شخصنة المسائل في ردودي و لكن كان لابد من الرد على كلامك السابق.
أما بالنسبة للأستاذ السائل عن بلد المنشأ لكالتكس هافولين , فإن شاء الله حصور الجركن اللي معايا حتى بالموبايل و أرفع الصور عشان تبان بلد المنشأ.

بالتوفيق إن شاء الله.