زيت موبيل 5w-30

**sammas1** · 13-06-2014 06:07 PM

السلام عليكم ورحمة الله
حد جرب زيت موبيل 1 لزوجة 5w-30 او 0w-40 الجديد
انا لقيتة فى محطة موبيل اللى فى صلاح سالم واللى فى شارع التسعين فى التجمع

**akmm** · 13-06-2014 10:56 PM

متابع باهتمام خصوصا النوع 0 /40

**sammas1** · 14-06-2014 07:05 PM

محدش جرب يا جماعة

**أحمد عثمان** · 15-06-2014 01:56 PM

يعني لو قعدت أقوللك كل الصيغ التحذيرية الموجودة في اللغة العربية مش حيكفي.
كلمة واحدة بلاش الموبيل للأسباب التالية:
1- صوت الموتور عالي شوية, صحيح مش أوي بس برضه غير العادي.
2- من خصائص الزيت إنه بيعمل تنظيف للمحرك من الشوائب العالقة به و ده اللي بيخلي الزيت يغمق, الأخ موبيل مش بيعمل كده و الناس مبسوطة و تقوللك ماشاء الله الزيت نازل زي الفل زي ما حطيته بالضبط, و مش حاسين بالوكسة.
3- ردائة التصنيع المصري للأسف الشديد و دي الحاجة اللي مزعلة الواحد فعلاً, و بالتالي وجود الكثير من المنتجات المقلدة و المضروبة.
4- أخر نقطة و دي القشة التي قسمت ظهر البعير هو السعر المغالى فيه بطريقة غريبة, الجركن ال4 لتر اللي هو 5w-50 وصل سعره 350 جنيه, ليييييييييييييييييييييييي ه.
دي الأسباب و القرار النهائي ليك.

**sammas1** · 16-06-2014 02:13 PM

الف شكر على النصيحة
بس بالنسبة للسعر فهو 300 جنية فقط

**Dr_Smart** · 16-06-2014 02:23 PM

انا جربته وهتلاقيني عامل موضوع هنا Mobil 1 ESP formula 5w30

انا جربته بناء على الكتالوج اللي بينصح بلزوجة 5w30

وكنت قبله بستخدم Mobil 1 5w50 وجربت مره واحده Castrol edge 5w40

ال 5w30 ... عامل بيه ٧٠٠٠ كم حتى الان
بالمقارنه مع ال 5w50
صوت الموتور أعلى حاجه بسيطه ..
اللزوجه خفيفه اوي بس ماقلتش عن الاول .. والحمدلله مانقصش خالص طول ال٧٠٠٠ كم
استهلاك البنزين افضل بشكل ملحوظ
مش حاسس بفرق كبير في السحب والاداء
مفيش فرق يذكر في الاداء في الحر او البرد
شاكك انه يكمل ١٠٠٠٠ كم بنفس الاداء زي ال5w50 كان بيكملهم مستريح

الخلاصه .. ١- 5w30 احسن في استهلاك البنزين واوحش في الصوت
٢- الله أعلم ايه اللي بيحصل جوه الموتور في ايام الحر الشديد .. مش مرتاح
٣ - المره الجايه ان شاء الله هجرب caltex havoline 5w40 ( خير الامور الوسط )
٤- لازم تشوف الكتالوج .. بس تفهمه كويس .. يعني عندي بينصح ب5w30 لكن كاتب بين قوسين في الطقس البارد لافضل استهلاك بنزين وبدء التشغيل .. يعني مش هو الاحسن في الحر

**أحمد عثمان** · 17-06-2014 10:13 AM

المشاركة الأصلية كتبت بواسطة dr_smart

انا جربته وهتلاقيني عامل موضوع هنا mobil 1 esp formula 5w30

انا جربته بناء على الكتالوج اللي بينصح بلزوجة 5w30

وكنت قبله بستخدم mobil 1 5w50 وجربت مره واحده castrol edge 5w40

ال 5w30 ... عامل بيه ٧٠٠٠ كم حتى الان
بالمقارنه مع ال 5w50
صوت الموتور أعلى حاجه بسيطه ..
اللزوجه خفيفه اوي بس ماقلتش عن الاول .. والحمدلله مانقصش خالص طول ال٧٠٠٠ كم
استهلاك البنزين افضل بشكل ملحوظ
مش حاسس بفرق كبير في السحب والاداء
مفيش فرق يذكر في الاداء في الحر او البرد
شاكك انه يكمل ١٠٠٠٠ كم بنفس الاداء زي ال5w50 كان بيكملهم مستريح

الخلاصه .. ١- 5w30 احسن في استهلاك البنزين واوحش في الصوت
٢- الله أعلم ايه اللي بيحصل جوه الموتور في ايام الحر الشديد .. مش مرتاح
٣ - المره الجايه ان شاء الله هجرب caltex havoline 5w40 ( خير الامور الوسط )
٤- لازم تشوف الكتالوج .. بس تفهمه كويس .. يعني عندي بينصح ب5w30 لكن كاتب بين قوسين في الطقس البارد لافضل استهلاك بنزين وبدء التشغيل .. يعني مش هو الاحسن في الحر

لو فعلاً ناوس تحط الكالتكس هافولين المرة الجاية يبقى تنسي أي زيت تاني بعد كده, أنا ثالث مرة أحطه بعد تجربة الكثير من الزيوت و فعلاً زيت ممتاز جداً, مش حتندم أبداً إنك حطيته.

**khmshry** · 17-06-2014 01:52 PM

المشاركة الأصلية كتبت بواسطة أحمد عثمان

لو فعلاً ناوس تحط الكالتكس هافولين المرة الجاية يبقى تنسي أي زيت تاني بعد كده, أنا ثالث مرة أحطه بعد تجربة الكثير من الزيوت و فعلاً زيت ممتاز جداً, مش حتندم أبداً إنك حطيته.

ياريت تعملنا موضوع وتحكيلنا تجربتك مع زيت الكالتكيس المظلوم لاني بفكر فيه جديا مع العلم اني مجرب زيوت فالفولين و ليكوي مولي و كاسترول وشيل وتوتال وبفكر اجرب كالتكس بس احكيلنا تجربتك معاه .

**crazy car** · 17-06-2014 02:39 PM

المشاركة الأصلية كتبت بواسطة أحمد عثمان

يعني لو قعدت أقوللك كل الصيغ التحذيرية الموجودة في اللغة العربية مش حيكفي.
كلمة واحدة بلاش الموبيل للأسباب التالية:
1- صوت الموتور عالي شوية, صحيح مش أوي بس برضه غير العادي.
2- من خصائص الزيت إنه بيعمل تنظيف للمحرك من الشوائب العالقة به و ده اللي بيخلي الزيت يغمق, الأخ موبيل مش بيعمل كده و الناس مبسوطة و تقوللك ماشاء الله الزيت نازل زي الفل زي ما حطيته بالضبط, و مش حاسين بالوكسة.
3- ردائة التصنيع المصري للأسف الشديد و دي الحاجة اللي مزعلة الواحد فعلاً, و بالتالي وجود الكثير من المنتجات المقلدة و المضروبة.
4- أخر نقطة و دي القشة التي قسمت ظهر البعير هو السعر المغالى فيه بطريقة غريبة, الجركن ال4 لتر اللي هو 5w-50 وصل سعره 350 جنيه, ليييييييييييييييييييييييي ه.
دي الأسباب و القرار النهائي ليك.

لو اطلعت على مواصفات زيت موبيل هتلاقى ان نسبة المنظفات عالية جدا واعلى تقريبا من اى زيت تانى فكلامك غريب جدا بصراحة وعلى فكرة ارتفاع وعلو صوت المحرك سببه ارتفاع المنظفات بالزيت
وسعر الزيت 300 لسه مغيره الاسبوع اللى فات

**Dr_Smart** · 18-06-2014 03:05 AM

المشاركة الأصلية كتبت بواسطة أحمد عثمان

لو فعلاً ناوس تحط الكالتكس هافولين المرة الجاية يبقى تنسي أي زيت تاني بعد كده, أنا ثالث مرة أحطه بعد تجربة الكثير من الزيوت و فعلاً زيت ممتاز جداً, مش حتندم أبداً إنك حطيته.

تمام ربنا يطمنك

انا كنت رايح اشتري فالفولين والبياع ( شكله محترم ) قاللي بلاش لانه دلوقتي بقى مشكوك في انه بييجي من الامارات مش هولندا زي الأول وكمان مكتوب عليه sn/sm وبيقول ان دي معناها انه خليط بين الدرجتين وليس sn فقط

ونصحني بشده بزيت زادو

لكن قررت أجرب كالتكس هافولين التخليقي واتأكدت من الجركن انه مستورد ( غالبا الفلبين او سنغافوره )

الموضوع: زيت موبيل 5w-30

LinkBack

أدوات الموضوع

عرض

-

-

-

-

-

المواضيع المتشابهه

احترت : موبيل xhp ولا موبيل وان؟؟؟

ما الفرق بين زيت موبيل xhp و موبيل super 1000 ؟؟؟

زيت موتور موبيل 1 ولا موبيل xhp

ياجماعه احط زيت ايه لعربيتى موبيل 1 ولا موبيل xhp

الكلمات الدلالية لهذا الموضوع

المفضلات

المفضلات

ضوابط المشاركة