ابيع بوما سوبر اكشن واشتري اتراج ؟؟؟

**J A G U A R** · 14-06-2014 06:57 PM

تفكير خاطىء طبعا

**nasr-eldeen** · 15-06-2014 12:43 AM

خيار غير مجدي وفي اعتقادي غير صائب
وخصوصاً لو اللانسر معك من الزيرو او حالتها نظيفة ومش تعباك
غير كده هتنددددددددددم

المشاركة الأصلية كتبت بواسطة mk3

بيع واركب زيرو بيع واركب عربيه بتمشى 20 كيلو بلتر بنزين ده احنا داخلين على رفع الدعم بيع واركب من نفس الشركه وتكنولوجيا اعلى

الكلام ده جميل لو هو معه سيارة اقل منها سيشعر انه سعيد بإمكانيات هذه السيارة
اما في هذه الحالة سيشعر بانه مخنووووووق

رأي شخصي واحترم رأي حضرتك

**muhmado_furp** · 14-06-2014 09:57 PM

انا شايف مبررات حضرتك منطقيه جدا
العربيه من اهم مميزاتها انها تكفي متطلبات صاحبها
والعربية بدات تمشي وهتنتشر
توكل علي الله

**David Micheal** · 14-06-2014 10:41 PM

بيع بس بعهالنا احنا عشان ماحدش لاقي السوبر اكشن ديه يا عم ديه معديه ال 100 الف مستريح حرام عليك تبيعها

**Dragon78** · 15-06-2014 08:48 AM

ماانصحكش طبعا ياباشا .. أي نعم هي تكنولوجيا جديده آه والواحد يحب يجربها

بس أولا انت أديك شايف العربيه لسه جديده ومااتجربتش كتير .. غير من ملاكها ( اللي هم برضه لسه ماخدوش عليها أوي)

ثانيا زي ما الاخوه قالولك .. دي عربيه 3 سلندر ويادوب 1200 سي سي .. ولو عربية حضرتك السوبر أكشن 1600 سي سي زي عربيتي .. أكيد هاتتعب جدا من السحب بتاع الأتراج .. اللي خلى الناس اللي معاها بومه 1300 سحبها مع التكييف ضعيف .. ولو مشيت بيها شويه في الزحمه وانت فاتح التكييف العربيه تتعب معاك والتكييف مش هايديك أداء كويس.

وثالثا بقى ياباشا .. حضرتك بتقول معاك سوبر أكشن 2009 .. يعني حرام العربيه ماكملتش معاك 5 سنين حتى .. مع العلم ان ماشاء الله ولا قوة إلا بالله .. لابومه عربيه حلوه وتستحمل معاك كتير من غير مصاريف كتير (اعتماديه بمعنى الكلمه).

في الآخر هي ممكن تكون الأتراج كويس وكل حاجه .. بس استنى عليها شويه لحد ماتشوف آراء الناس اللي بيشتروها وأخبارها عامله ايه في السوق بعد فتره .. وانت طبعا مش مستعجل خصوصا ان معاك عربيه والحمد لله .. لكن اللي يستعجل على شرائها مثلا حد ماعندوش عربيه لسه .. أو يكون معاه عربيه قديمه وتعباه .

والقرار لك ياباشا طبعا في الأول والآخر بس احنا حبينا نديلك النصيحه .
تحيــــــاتي

**ahmedamgad18** · 15-06-2014 02:22 PM

المشاركة الأصلية كتبت بواسطة Dragon78

ماانصحكش طبعا ياباشا .. أي نعم هي تكنولوجيا جديده آه والواحد يحب يجربها

بس أولا انت أديك شايف العربيه لسه جديده ومااتجربتش كتير .. غير من ملاكها ( اللي هم برضه لسه ماخدوش عليها أوي)

ثانيا زي ما الاخوه قالولك .. دي عربيه 3 سلندر ويادوب 1200 سي سي .. ولو عربية حضرتك السوبر أكشن 1600 سي سي زي عربيتي .. أكيد هاتتعب جدا من السحب بتاع الأتراج .. اللي خلى الناس اللي معاها بومه 1300 سحبها مع التكييف ضعيف .. ولو مشيت بيها شويه في الزحمه وانت فاتح التكييف العربيه تتعب معاك والتكييف مش هايديك أداء كويس.

وثالثا بقى ياباشا .. حضرتك بتقول معاك سوبر أكشن 2009 .. يعني حرام العربيه ماكملتش معاك 5 سنين حتى .. مع العلم ان ماشاء الله ولا قوة إلا بالله .. لابومه عربيه حلوه وتستحمل معاك كتير من غير مصاريف كتير (اعتماديه بمعنى الكلمه).

في الآخر هي ممكن تكون الأتراج كويس وكل حاجه .. بس استنى عليها شويه لحد ماتشوف آراء الناس اللي بيشتروها وأخبارها عامله ايه في السوق بعد فتره .. وانت طبعا مش مستعجل خصوصا ان معاك عربيه والحمد لله .. لكن اللي يستعجل على شرائها مثلا حد ماعندوش عربيه لسه .. أو يكون معاه عربيه قديمه وتعباه .

والقرار لك ياباشا طبعا في الأول والآخر بس احنا حبينا نديلك النصيحه .
تحيــــــاتي

كلام منطقى فعلا

**limo** · 16-06-2014 05:20 AM

انا شايف ان فكره مش صح
اولا انت مشاويرك قليله يعنى ان استهلاك للبنزين مش كتييير بالتالى مفيش وفر بنزين جامد .
ثانيا مفيش توفير فلوس من فرق البيع لصالحك
ثالثا هتنزل كتيييير جدا من فرق الفئه لان البومه فئه والاتراج فئه تانيه وفرق بلد الصناعه
رابعا مستهلكات البومه من قطع غيار مش كتييير
الاتراج فى راى تفع عربيه تانيه فى البيت او عربيه حريمى لاكن عربيه اساسيه فيه بدائل احسن منها

**amro0000** · 16-06-2014 07:10 AM

دا اعلان عن بيع عربية يا رجاله ههههههههههه اصلا الكلام مش منطقي حد يبيع سوبر اكشن ويركب عربية موتور توكتوك انا شوفت موتورها وصاجها وربنا ولا تسوي انا اسف انا مش مقتنع بكلام العضو مع كامل احترامي الكامل لسيادته بس ازاي حد يقارن سوبر اكشن عربية وحش ويقارنها بلاتراج ايش جاب لجاب ومحدش يزعل من ردي ياجماعة بس انا حاسس ان دا اعلان عن بيع العربية بأسلوب مختلف

**samy_e** · 16-06-2014 11:27 AM

المشاركة الأصلية كتبت بواسطة amro0000

دا اعلان عن بيع عربية يا رجاله ههههههههههه اصلا الكلام مش منطقي حد يبيع سوبر اكشن ويركب عربية موتور توكتوك انا شوفت موتورها وصاجها وربنا ولا تسوي انا اسف انا مش مقتنع بكلام العضو مع كامل احترامي الكامل لسيادته بس ازاي حد يقارن سوبر اكشن عربية وحش ويقارنها بلاتراج ايش جاب لجاب ومحدش يزعل من ردي ياجماعة بس انا حاسس ان دا اعلان عن بيع العربية بأسلوب مختلف

ههههههه .......

يعنى لو ناوى ابيع مش من الأصول هكتب المواصفات ولا ايه ؟؟؟ ولامجرد اسم..... طيب مافيه سوبر اكشن ب 75 الف وتكون مغيرة ربع او قطمة من الأمام ...الخ ...وفيه تانية وكمان موديل 2007 ومطلوب فيها 125 الف ... يعنى ياريت نعقلها .

لكن فعلا الفكرة راودتنى وخصوصا انى بحب اجيب قطع الغيار الأصلى وقولت اخد رأيكم و انا غلطان ياسيدى ..حقك عليا.

واشكر كل من رد واستجاب للفكرة وشجعنى عليها ...

-

الموضوع: ابيع بوما سوبر اكشن واشتري اتراج ؟؟؟

LinkBack

أدوات الموضوع

عرض

العرض المتطور

- انشر الموضوع فى :

-

-

-

المواضيع المتشابهه

سؤال سريع بخصوص فتيس بوما 2008 سوبر اكشن

لانسر بوما سوبر اكشن او سبورت خليجي ومصري واردني.. الفروق ايه

صيانة لانسر بوما 2008 سوبر اكشن

لانسر بوما سوبر اكشن ولا شارك هاف سبورت

للبيع...لانسر 2006 بوما 1600 اتوماتيك سوبر اكشن

الكلمات الدلالية لهذا الموضوع

المفضلات

المفضلات

ضوابط المشاركة