من فضلكم انا اشتريت m11 و عجبانى جدا .. ياريت حد يقولى افضل مكان للصيانة الدورية ليها فين و ايه الحاجات اللى بتبوظ فيها و محتاجة اهتمام- زى ما سمعت قربة المياه - و شكرا مقدماً
عرض للطباعة
من فضلكم انا اشتريت m11 و عجبانى جدا .. ياريت حد يقولى افضل مكان للصيانة الدورية ليها فين و ايه الحاجات اللى بتبوظ فيها و محتاجة اهتمام- زى ما سمعت قربة المياه - و شكرا مقدماً
مبروك عليك... المكان ده حسب موقعك... بس اسمع ان المركز الرئيسي في ابو رواش
الف مبروك و ربنا يديلك خيرها و يكفيك شرها
الف مبروك وربنا يديلك خيرها ويكفيك شرها. الحاجه الاساسيه اللي بتحتاج تغيرها فعلا بتكون قربة المياه وتقريبا بتغيرها كل سنه علشان معموله من خامات سيئه وسعرها تقريبا 130 جنيه
ثان كيوه ليكوا كلكوا .. بس ممكن اعرف القربة دى اجيبها منين...
الف مبروك
لو مش هاتتعامل مع التوكيل
في مركز المتحده اسعارهم قريبه من التوكيل
لكن الميزه عن التوكيل انك بتشوق الشغل بنفسك
في ورش مختصه كتير للاسبرانزا
صقر قريش
الاميريه
جمال عبد الناصر الحرفيين
اهم صيانه في العربيه سير الكاتينه والبلي غيره علي 40 الف
وماتتنازلش عن الجيتس
يليله الكونتنتال الالماني
عموما التوفيقيه مليانه محلات لقطع غياراها
وشارع دمشق ذكي جرجس
اشهر واحد
النصيحه الاخيره اعي اي حد غير مختص باسبرانزا يتعامل مع العربيه
انتظر رد اخونا هيما 82
يعطيك الافاده الكامله عن العربيه
ربنا يباركلك يا اخ هوجان ... اشمعني انا يعني ما كلنا اخوة...
عامة .... العربية بتغير قربة كل سنة ..."مش عارف الاخيرة اللي من عند الملك نظامها ايه ...ادينا هنشوف"... لو غالية هتبقي ب 100 جنية ... موجودة في دمشق و الحرفيين في اخر شارع المرسيديس ناحية الجامع
بلف السايكون بيتغير كل 50 الف علشان العربية متدربكش ... ب 50 في دمشق و الحرفيين و ب 130 في تكنوسيرفيس في جسر السويس ... ابقي اشتري الغالي علشان اصلي و هيعيش بدل ما تغيرة ب 50 بلبل كل 10 الاف
الصنايعية ....
محمد رشاد .... رقم واحد بالنسبة لي .... تعامل و اسعار متوازنة"صقر قريش - المعادي"
المتحدة ..."بيقولو غالي بس انا مش شايف انهم غاليين قوي يعني"
ابانوب ... في الرخيص بس ورشة علي النظام القديم و مفيش سكانر ... في الاميرية
في الحرفيين ... جنب الشيخ طه ... بس انا شايف انها للطوارء بس علشان شباب و سنهم صغير
و نسيت اقولك الف مبروك .... و احكيلنا بقي من وجهه نظرك اللي ليها و اللي عليها بالمقارنة مع اللوجان حسب ما انت كاتب في بروفايلك
شكراً على المعلومات القيمة يا اخ هيما و هوجان و انا باعتز بصداقتكم جميعاً و كل اللى شاركوا بالرد...
للعلم انا كنت شارى اللوجان زيرو اول مانزلت فى 2010 المغربى.
*بصوا انا اول ما ركبتها حسيت بفرق شاسع بينها و بين اللوجان فى موضوع الدركسيون ... اللوجان دركسيونها تقيل و هى كانت اول عربية اركبها بس انا كنت فاكر انه كدة خفيف بس لما ركبت ام 11 اتهيألى ان فيه حاجة فى علبة الدركسيون من خفيته بس اللى باع لى ركبها تانى و جربه او قالى مافيش حاجة هى كدة بطبيعتها ..... المهم انا كنت شاكك بس مع الوقت فهمت انها كانت مسألة تعود و اخدت عليها. اذن الدركسيون فى اللوجان تقيل عن الام 11. بس للامانة كنت باحس بأن تقله دا أمان.
*بالنسبة للثبات و انا هنا باتكلم عن الثبات اثناء الدوران بالسيارة الام 11 أأمن بكتير من اللوجان لأن اللوجان اعلى و كمان كنزة مش انسيابية زى الام 11. انا بحس بالفرق دا لما بالف درجات كبيرة فى المنحنيات و على سرعة. لانى مجرب اللوجان انها تخوف شوية.
*بالنسبة للصاج . صاج اللوجان ورق .. سمكه اقل من ام 11.. انا فاكر مرة واحد صاحبى ساق عربيتى اللوجان و كان فىه بنت اتزنقت ما بين عربيتى و ما بين عربية تانية واقفة .. المهم عدت على خير و ماجرالهاش حاجة مجرد شوية عياط بس اللوجان صاج الباب الشمال انبعج للداخل. باب الام 11 اتقل من باب اللوجان بدون شك لأنى جربت الاتنين.
*عاجبنى اوى الجنوط 16 اسبور فى الام 11 حاسس بالقوة و الشياكة مع بعض. اللوجان 15 و عادية
* بالنسبة للعفشة .. دى اكتر حاجة عجبانى -هى و المحرك- فبالمقارنة باللوجان فهى تعتبر الفرق الاساسى بين العربيتين.. مثلاً البروزات الاستيل اللى بتبقى فى الارض كمطبات دى (المربعات البارزة فى الرصيف) كنت باحس انها بتاكل فى كاوتش اللوجان و بتنحر فى العفشة و تزلزل البنيان الداخلى للعربية و الصالون يترجرج. اما الام 11 فهى انعم بكتيييييير و مش باحس بأى خطر على العربية لو دوست عليهم بالام 11
*مش عارف اوصف ازاى موضوع الفرامل بس لما بدوس عليها مافيش مرة اندفعت لقدام.. الفرامل بتاعة اللوجان كانت ناشفة و بتكلبش فجأة.. غالبا دا بسبب الـ abs فى الام 11 اللى مكانش موجود فى اللوجان. جايز يكون دا احساس غريب شوية بس دا اللى اختبرته بنفسى بدون مجاملة
*بالنسبة للمحرك بقة ما اقدرش اقارن ما بنيهم لان محرك اللوجان بتاع 2010 اعتقد كان 8 صمام ... بينما ام 11 هو 16 صمام ---المهم المحرك بكل تأكيد اقوى فى الام 11 . فيه ميزة اساسية فى الام 11 عن اللوجان وهى انك لما بتدوس بنزين فى لحظات طلوع كوبرى او رغبة فى التسارع مثلاً بتلاقى استجابة فعلية سريعة الى حد كبير.. لكن اللوجان فى المطالع اضعف و الـ dynamic response بتاعها ابطء..
*التكييف فى اللوجان احلى بكتير من الام 11 .. جايز محتاج شحن حاليا للام 11 بس اللوجان تكييفها لا يعلى عليه.
* الشكل بقة اذواق و الحجم كمان.. بس الصالون الداخلى متساوى تقريباً للاتنين بالرغم من ان الابعاد الخارجية للام 11 اكبر . المسافة بين اكرسى الامامى و الخلفى اكبر فى اللوجان .. ماعرفش ازاى.
*المفتاح فى اللوجان كان احلى.. انا خدت مفتاح واحد للام 11 بينما اللوجان كانوا اتنين واحد عادى و واحد ريموت.. وكمان الام11 زرار الريموت اللى بيقفل هو هو اللى بيفتح بينما فى اللوجان كان الزرار اللى بيقفل غير اللى بيفتح.. و دا لو اخدتوا بالكوا احسن فى حالة لو مش فاكر قفلت العربية و لا لأة و عاوز تتأكد .. فى اللوجان هتدوس تانى على اللى بيقفل بينما فى الام 11 لازم ترجع للعربية و تبص على المسوجر و تتأكد و بعدين تدوس تانى على نفس الزرار لو كانت مفتوحة..
اخيراً انا مبسوط جدا بالعربية دى و موضوع انها صينى دا مش فارق معايا خالص بالعكس انا باحترمها و بحافظ عليها اكتر من اللوجان
ياريت بقة الفترة الجاية ماتزهقوش من اسئلتى لغاية لما اعرف سكة صيانة كل حاجة فى العربية الحلوة دى.. لانى ناوى فترة كدة و اشتريها زيرو.
الف مبروووووووووووووووووووك ربنا يباركلك فيها ويكفيك شرها
تحت امرك في اي شئ و اي استفسار ... و سيبك من هوجان معهوش ام11 "بهرج والله .... صباح الفل يابو هوجان"
الف الف مبروك .............
حضرتك بتقول تكييف ام 11 ضعيف ...........
الام 11 مع قريبي لو ماشي بلليل التكييف بيشتغل على on والواحد بيكون بردان
بينما لو الجو حر جدا جدا ... آخره بيشتغل على 5
وفي المتوسط درجة 2 بتخلي الواحد سقعان بصراحة
وعلى العموم الف مبروك
الف مبروووك عليك
اقتباس:
المشاركة الأصلية كتبت بواسطة abdulhafeez
بص انا جربت التكييف فى عز الضهر و كان ضعيف عن بتاع اللوجان اللى انا مجربها سواء درجة التبريد او كمية الهواء و سرعته. لكن بالليل أكيد اى تكييف بيسد
غير الفلتراقتباس:
المشاركة الأصلية كتبت بواسطة macathius
واتفرج علي التكييف
الف مبروك نفسي اخد الخطوه دي الm11عجباني جدا بس خايف من الاعطال المتكرره اللي الناس بتتكلم عليها ياريت تقولنا تجربتك وعربيتك موديل كام واشتريتها بكام - مره تانيه الف الف مبروك وعقبالياقتباس:
المشاركة الأصلية كتبت بواسطة MACATHIUS
اية الاعطال المتكررة الي انت سمعتهااقتباس:
المشاركة الأصلية كتبت بواسطة tarek22
والله يا استاذ عمرو سمعت علي مشاكل في طنابير الفرامل انها تاكلها اسرع من الكوري والعفشه و قربه الميه بس دي بسيطه ورغم كل ده انا عاوز اشتريها بصراحه عجباني جدا فالو هي معاك ياريت تقولنا انت علي الحقيقه
طنابيري غيرتها علي ال 5000 و حالا عامل 75 و حلاوة ...
العفشة غيرت جلب مقصات بس و فاضل اروق و اظبط الخبط الخفيف بتاع حشو علبة الدريكسيون بس ...
هية القربة و بقت في الرخيص
بص يا استاذ طارق.. انا جايبها فابريكة برة الا من بعض الخدوش الخفيفة القليلة موديل 2012 عاملة بعد الفصال 58000 جنيه و ماقدرتش انزل فيها اكتر من كدة.. لونها بيج فاتح بفاميه الزجاج على الرخصة. بسسسسسسسسسس. و عيوبها بقة لسة ماظهرتش بالنسبة لى اوى لكن فيه حاجة فى الدركسيون بسيط زى خبط كدة و كمان لما بدوس فرامل الدركسيون بيترعش معرفش ليه.. عموما كلها حاجات مش مضايقانى بالعكس انا معجب بيها جدا.. انا هروح التوكيل السبت الجاى و أروقها و ابسطها و اخليها اخر حلاوة... و هقولك عملت ايه اول ما أخلص.
اوك هروح التوكيل لانها لسة فى الضمان و هاكشف على موضوع الفلتر... و تشكر عا المعلومةاقتباس:
المشاركة الأصلية كتبت بواسطة hugan
رعشة الدريكسيون مع الفرامل علشان الطنابير فيها ريجة .... تيل وحش او مية ساقعة و لعربية سخنة ....
تتعمل برة التوكيل شاكب راكب اقل من 100 جنيه ... اي ميكانيكي هيفك الطنابير و يوديهم يتمسوا عند الخراط ...
الخبط زن عليه في التوكيل لا يطلع في بوش في علبة الدريكسيون ....
ربنا يبارك لك فيها مبروك عليك انا عجباني العربيه جدا وهي السبب اني مش عارف اشتري عربيه تانيه لاني لما بقارن الام 11 باي عربيه تانيه الام 11 بتكسب ورغم اني بسمع كلام سئ عن الصيني الا اني مصصم اشتريها واغلب اللي بيتكلم وحش علي الصيني ماجربهوش وهو بيكرر اللي سمعه وخلاص الف مبروك مره تانيه وياريت تقول لنا انطباعك عنها بعد التجربهاقتباس:
المشاركة الأصلية كتبت بواسطة macathius
اقتباس:
المشاركة الأصلية كتبت بواسطة hemaa_82
1-هو موضوع الخراطة دا مش غلط على الطنابير .. تعرف حد بيخرط ليزر
2-طيب هل يفضل تغيير التيل كمان عشان جايز يكون هو السبب
3-كام سعر الطنابير هل غالية اوى
و شكرا على الافادة الرائعة
مبروووووووووووك ، و الصراحه الــ m11 عربيه محترمه
إختيار موفق و بالتوفيق
مليون مبروك
ربنا يديلك خيرها و يكفيك شرها
مش مستاهلة طنابير جديدة ولا حاجة .... لو محتاجة الميكانيكي او الخراط هيقولك الريجة عالية و بلاش تخرط .....
و مش فاكر بصراحة الطنابر بكام بس يتهيألي مرة سمعت الملك اللي في الحرفيين بيتكلم علي 450 ... مش فاكر خالص بقي فردة ولا جوز
انا وديتها التوكيل الصبح قبل الشغل و قولت له على كل حاجة فيها و هاخدها يوم التلات الجاى لانها قربت على ال 45000 كيلو و هعملها صيانة فلاتر و زيت و السير. و هابقى اقولكم على التفاصيل بعد الاستلام.
يا جماعة التوكيل اتصلوا بيا و قالولى ان اعربية محتاجة علبة دركسيون و عمود دركسيون و طلمبة باور و الكلام دا كله داخل فى حوالى 4000 جنيه... ربنا يسامحه بقة اللى باعهالى بعد ما حلفلى انها مافيهاش اى حاجة.. المهم الحاجات دى لو جيبتها من برة و عملتها عند اى ميكانيكى شاطر مش تبقى ارخص.. ارجو الافادة
ربنا ان شاء الله مش هايباركلو في فلوسها بس كان المفروض كنت تكشف عليها في مركز متخصص بالكمبيوتراقتباس:
المشاركة الأصلية كتبت بواسطة macathius
انا لسه مغير الطنابير فى المتحدة ب400 جنيه وغيرت التيل كمان كنت خرط من شهرين الطنابير ورجعت تانى.
لو فعلا العربية عايزة الحاجات تلى حضرتك كاتبها مه انى مش متخيل طرمبة باور ليه طيب كنت بتحس بايه يعنى مع العلم ان علبة الدركسيون بره مش اقل من 1800 جنيه وليه عمود الدركسيون ماله يعنى ايه الى حصله.
يا عمنا دي اشتغالات وكيل ... عارف انت لو كنت في الضمان ؟؟؟ كانوا قالولك دي حلاوة بالبندق....
عامة روح عند حد برة و الحوار هيبقي بنص التمن لو مش اقل ...
علي كدة انا لو رحت هيقلولي عايزة نص كامل :)
انا برده يا هيما شايف انها حوارات توكيل بس الرعشة اللى فى الدركسيون عند الفرملة ماطلعتش بسبب ريجة انما بسبب ان علبة الدركسيون فيها حاجة.. عموما ان قررت انى اعمل اى حاجة تانى برة التوكيل عند ابانوب بتاع الاميرية لان دا اقرب واحد ليا....فيه حاجة كمان طلعهالى فى التوكيل ان فيه اويل سيل على عمود الكرنك الخلفى محتاج تغيير لانه بيسرب زيت الفتيس.. ودا تمنه 170 جنيه بس مصنعيته 3 اضعاف تمنه عشان بيحتاج فك حاجات كتييير اوى دا كلام مهندس التوكيل.. بس هو دا كل اللى فى العربية ... على فكرة انا دفعت صيانة ال 45000 كيلو بالظبط 2660 جنيه شاملة تعديل زوايا العجل و تغيير قربة الميا بالاضافة لمياه الردياتير و تنظيف للمحرك بالفوم .. دا اللى كان مكتوب فى تقييم السيارة و الحمد لله على كل حال.
استاذ طارق انا فعلا ندمت انى ما كشفتش عليها كويس قبل ما اشترى بس على كل حال الحمد لله.
على فكرة بعد الصيانة بقت احسن بكتييييير عن الاول.. الموتور هدى اكتر و صوته وطى و بيشد احسن من الاول.. فاضل اغير بس الاويل سيل بتاع الكرنك الخلفى و تبقى زى الفل.. و شويه كدة بقة و اشوف موضوع الدركسيون و طلمبة الباور ... هى حاليا شغالة كويس مافيش مشاكل بس الرعشة عند الفرملة بس ...
بحس برعشة عند الفرملة فى الدركسيوناقتباس:
المشاركة الأصلية كتبت بواسطة shadymt2005
طلعت مشكلة علبة دركسيون مش طنابير يا باشااقتباس:
المشاركة الأصلية كتبت بواسطة shadymt2005
ربنا يباركلك فيها والله فيه ناس بتكشف كويس وبرضو بتطلع حاجات بعد البيع لازم يكون فيه شويه صرف كده في الاول - هو الصيانه دي مش ممكن تتعمل في اماكن تانيه غير التوكيل؟ متهيالي هاتكون ارخص من كدهاقتباس:
المشاركة الأصلية كتبت بواسطة macathius
ممكن طبعا بس انا فضلت انى اول صيانة اعملها تكون فى التوكيل عشان اعمل فحص شامل و يدونى تقرير و فعلا دا اللى حصل و اخدت ريبورت بكل حاجة فى العربية و هكمل الباقى برة.. على فكرة الاويل سيل بتاع الكرنك طلع ب 30 جنيه برة عند ابانوب و التركيب ب 200 جنيه ... هاخدها منه بعد الفطار..اقتباس:
المشاركة الأصلية كتبت بواسطة tarek22
اخدت العربية الساعة 2 بعد منتصف الليل ووصلت بيتنا مع المسحراتى