أول حادثة للماروتي الزيرو، لسه حتى مغيرتش زيت التليين، الحمد لله

**أبو بلال** · 15-06-2014 01:38 PM

كيف حالكم يا شباب، المدام كانت سايقة، ودخلت في عربية نقل أو نص نقل مش عارف التفاصيل...
المهم، وش الفانوس اتفشفش، وحتة من الكبّوت اتّنت
....
فهل وش الفانوس بيتباع لواحده؟ ولا لازم الفنوس كله مع بعضه؟ وتنْيت الكبوت دي، انا اقدر اعملها ولا لازم اوديها لسمكري؟
....
هرفق الصور بعد ما المدام تبعتهالي (لاني مسافر).

**ahmedteam** · 15-06-2014 01:40 PM

قدر الله ما شاء فعل قول الحمد لله انها جت على قد كده و انكم بخير

المهم لازم تدبح او تطلع حاجه لله شكر للنعمه

**mesaharaty** · 15-06-2014 01:45 PM

ألف سلامة ... قدر الله وما شاء فعل
بالنسبة لوش الفانوس بيتباع لوحده لكن فى الحقيقة بيبقى خامته وحشة ومش جاى مظبوط على الفانوس يعنى حتلاقى فيه فروقات تضايقك وإنت بتركب الوش على الفانوس وده عن تجربة شخصية خرجت منها بإنى ياريتنى كنت اشتريت الفانوس كله بدل ما اشترى الوش لأن التوفير بسيط والنتيجة مش مرضية قوى .
بالنسبة للتنية اللى فى الكبوت ممكن حضرتك أى سمكرى كويس يردها وعلى حسب حالة الصاج بعد الرد تشوف محتاج رش ولا لأ .

وربنا معاك

**mahmoud_ali** · 15-06-2014 01:57 PM

قدر الله ما شاء فعل

**amr011111** · 15-06-2014 02:00 PM

قدر الله وما شاء فعل
وغير الفانوس وسيب الخبطه اللى فى الكبوت لحد ما تقرب ترخص العربيه تانى
خاصة لو المدام لسه بتتعلم سواقه بحيث مره واحده تعمل اى حاجه فى العربيه

**amr011111** · 16-06-2014 10:33 AM

المشاركة الأصلية كتبت بواسطة amr011111

قدر الله وما شاء فعل
وغير الفانوس وسيب الخبطه اللى فى الكبوت لحد ما تقرب ترخص العربيه تانى
خاصة لو المدام لسه بتتعلم سواقه بحيث مره واحده تعمل اى حاجه فى العربيه

بعد ما حطيت الصور المفروض توديها لسمكرى يعملها كلها لان الكبوت هيبقى مفارق وممكن وانت ماشى يتفتح وكمان هيبقى خطر انك تركن العربيه وكبوتها سهل فتحه علشان البطاريه لا قدر الله متتسرقش
والموضوع بسيط ان شاء الله