الموضوع: تليفونات تويوتا مرفوعة من الخدمة أو مش بيردوا ؟؟؟

المشاركة الأصلية كتبت بواسطة أيمن كور

أستاذ elweshahy أنا شارى العربية من الرزق أساسا .. و الى الان التعامل معاهم لا يبشر بالخير تأخير فى المواعيد للترخيص بشكل سئ !!! و مواعيد و كلام فى الهوا .. بصراحة غلطة إنى إتعاملت معاهم و توبة انى اتعامل معاهم تانى ... كانوا محتاسين فى عربية صنى كنت حاجزها و غيرت للياريس 1500 و برضه محتاسين فى الورق بتاعها انا استلمت العربية يوم الاتنين اللى فات و حدد ميعاد يوم الاحد اللى بعده بالكتير و بعدين بقى الاتنين و لما إتأخر بقى يا الأربع أو الخميس بالكتير
و العربية مركونة مش عارف امشى بيها علشان لسه ما رخصتش و المرور ماشاء الله شادد حيله
ناس مالهومش مواعيد و لا التزام يبقى أروح أعمل الصيانة عندهم و أغلى من التوكيل كمان ؟!!

ثانيا حضرتك كنت فى مشاركة قبل كده بتقول انك سألتهم على الانذار و ماكينة الرفع و طلعوا اغلى من التوكيل و حصل حوار كده و تخفيض و كلام مايطمنش

و الله انا ندمت انى إشتريت تويوتا على السمعة و ندمان أكتر إنى اتعاملت مع الرزق بس ماحدش
بيتعلم ببلاش .... و حسبى الله ونعم الوكيل فى الرزق للسيارات و العطلة اللى معطلهالى و توكيل تويوتا اللى مابيردش على التليفونات .... الله يرحم ايام رينو ناس محترمة و الله

بص بقى
بما إنك انت طلعت إسكندراني و قرفان من العربيه و التوكيل زي حالاتي
يبقى أحنا لازم نتكاتف
و اي حد يعرف حاجه يقولها للتاني
بالنسبه للورق انا أتعمل معايا نفس الحوار ده
بس انا كنت جايب نمر تجاريه و بروح و باجي بالعربيه برحتى - لو عاوز نمر تجاريه إبقى كلمنى على الخاص أديك نمرة واحد بيأجرهم
انا مش عاوزك تقلق على حاجه خالص
ولو ناوي تعمل سروجي أنا أعرف واحد في فيصل بشارع الملك حفني ظبطلي العربيه
بالنسبة لتوكيل الرزق
هما حكاكين و لو مقرصتش عليهم هيكلوك لازم تبينلهم أنك فاهم و عارف أسعار كل حاجه
عندك مثلا و انا بشتري العربيه كنت خلاص هشتريها من المعرض بتاع تويوتا اللي في الداون تاون و انا معدي لقيت الرزق قدامي قول أما أخش أسال
المهم ظبط مع البياع في طقم دواسات و كلابش و خصم 10% صيانه
و كان كل ما يجي يتعوج عليا أقوله انا إيه اللى يخليني أشتري منك ماهو المعرض بتاع تويوتا جنبك بـ 100 متر يقوم منزلي عروض
المهم الف مبروك على العربيه و إن شاء الله هتتبسط منها
و ممكن تخش على المشاركات بتاعتي و تعرف قصتي مع العربيه و مع التوكيل
ياه ده حصل معايا أفلام

المشاركة الأصلية كتبت بواسطة أيمن كور

و الله يا أستاذ elweshahy اللى بيحصل كده مش تمام يعنى أسلوب البيع فى الدنيا كلها انه يحاول يسهل للزبون و يثبته بتخفيضات و عروض و كلام من ده و الاهم خدمة ما بعد البيع
لكن عندنا بيخللى الواحد يندم أنه إشترى أصلا من الحوارات و اللف و الدوران

النهاردة جاللى المندوب علشان أرخص قاللى هاناخد البصمة و المعاينة و المناظرة و الحبشتكانات
دى بس شهادة البيانات فيها غلطة فاهاتتعدل و على يوم الحد تيجى المرور علشان النمر و الرخصة
المهم بشوف الورق اللى بتاع البصمة لقيته مكتوب 1300 سى سى
نبهت المندوب لقيته مطلع ورقة فيها ارقام و بيورينى رقم الموتور و جنبه 1300
المهم كلمت المعرض قاللى دى الغلطة اللى بيصلحوها علشان شهادة البيانات جاية غلط !!!
و أدينى مستنى يوم الاحد
بصراحة ناس تعاملهم بدائى و وكيل مش قد المسئولية و مسئول مبيعات مش أمين نهائى
و حاجة زفت

العربية من ساعة ما جبتها أول مرة أطلع بيها النهاردة
لقيت الدريكسيون لما بكسر يمين بيعمل صوت زى مايكون فى حاجة بتتعصر صوت عضة و تكتكة
مش عارف من ايه لو حد عنده فكرة يا ريت ينصحنى علشان خلاص ابتديت أقفل من العربية
و شكرا ليكم و شكر خاص للوشاحى بك

حاول تتأكد أن الموتور بتاعك 1500 مش 1300
لان كلامك كده مش مطمنى و بحكم معرفتي بالرزق ممكن يكونو عاملين حوار
و بالنسبة للدركسيون لو مش عاملك مشكله أستنى صيانة ال 1000 لكن لو حاسس أن في مشكله في العربيه أخبط مشوار لحد توكيل الرزق أو محرم بك و بلغ عن العطل ده
انا في عربيتي أول لما جبتها كانت فرامل اليد شبه منعدمه بس مكنتش عملالى مشكله كنت لما بوقف العربيه بدي غيار و أسيبها و لما جيت عملت صيانة ال1000 ظبطوهالي
عادي يعني هما مش هيعرضو في حاجه

بصراحة حاجة تخنق انا بقالى اكتر من ساعة بحاول اتصل بيهم ومش عارف.

عاوز احجز صيانة الالف

يا جماعة مش عارف اتصل بيهم خالص من امبارح عشان احجز الصيانة .. علطول مشغول . ولما الخط يفتح معايا محدش بيرد لغاية ما الخط يقفل

دى مش خدمة عملاء بجد .

النهاردة انا بقالى ساعتين بحاول اتصل و مش عارف.

اعنل اية بجد؟ يا ترى فية طريقة اقدر احجز من خلالها؟؟؟؟