المشاركة الأصلية كتبت بواسطة forever.leo
مشكلة الباعة الجائلين و سواقين التكاتك .. مش في ان الناس بتحاربهم علشان عايزين ياكلوا عيش ! .. لاء علشاء الناس دي مش عايزة اي قانون يطبق عليها .. عايزين الفوضى بكل مفرداتها .. و مش بيرضوا بأي بديل ! .. ازاي واحد طالع ياكل عيش .. يشغل دي جي بأعلى الاصوات المزعجلة و لاغاني منحطة كمان .. صبح و ليل ! .. ازاي واحد عايز ياكل عيش يضيق الطريق على الرايح و الجاي .. او يعلي صوته او يبلطج .. او يرتكب جرايم ! .. و ازاي الدولة تكرس للتفرقة بين المواطنين .. يعني صاحب المحل او العربية الاجرة .. يدفع ضريبة و رسوم و مرافق و بيشغل ناس و يطبق عليه القانون ! .. و فيه مواطن تاني الدولة مش عارفة تاخد معاه حق و لا باطل ؟ .. و ازاي جمعيات حماية المستهلك .. هتعرف تجيب حق اي زبون اتنصب عليه منهم ؟ .. الناس دي لو عايزة تاكل عيش بجد و تفتح بيوت .. كانت على الاقل بطلت تستفز كتير من المواطنين .. و احترمت نفسها .. كانت حاولت توصل لحلول وسط مع الدولة .. بدلا من تمثيل دور الضحية .