المشاركة الأصلية كتبت بواسطة houseiny
على فكرة في منطقة في شبرا الخيمة اسمها المؤسسة عند محة مترو شبرا الخيمة ، المنطقة دي مليانة بشر مالهاش اول ولا اخر ، ومليانة بياعين فاكهة بالهبل وبياعين جائلين ، المهم الحكومة عملتلهم اكشاك وسلمتلهم ، الكلام ده من 10 سنين ، والله العظيم طلعو فرشو بره وركنوا المحلات فاضية 5 سنين لحد ما سعرها غلى وكانوا بيبيعوا المحل ب50 الف جنيه ، لان المنطقة موت مليانة بشر السنين ، واللي مباعش اجر المحل بالفين جنيه في الشهر ، وبدل متكون محلات فاكهة وخضار ، بقت محلات موبيلات صيني وملابس واكسسوارات ، والمنطقة اتزحمت اكتر ، وطلعوا فرشوا بره والزحمة بقت الدبل ، منهم ومن المحلات ، زائد موقف الميكروباص اللي واقف بالعرض والتكاتك ، وموقف اتوبيس حكومي زائد المترو وموقفين تانيين معمولين بشكل قانوني وسقف مغطي عشان المطر والشمس والناس متتبهدلش ، بس دول بصراحة ناس زي الفل بسيبوا الموقف فاضي جوه وبيقفوا بره يحملوا ، مالاخر المنطقة معجنة ، يعني مالاخر المنطقة عايزة لغم او قنبلة ، مش عايزة إزالة او شرطة مرافق ، وهناك تقريباً 90 % من اللي واقفين ان ماكنش 100 % بلطجية ، دول مش عارف ممكن يعملوا فيهم إيه ، دي هتبقي حرب الاستنزاف عشان يعرفوا يفضوهم ، ربنا يسهلها من عنده ،
بجد لازم يكون في قانون ردع للي يستلم وحدة وميستخدمهاش او يستغلها استغلال اخر او يأجرها ، اهو دي بقى يتحط على الكمبرويسر ويتساب لما كل حاجة فيه تتنفخ وينفجر