عرض للطباعة
بس يا رب الكلام ده يفضل مستمر ويبقى فى كل حته فى مصر
العجلة ابتدت تدور
انا كمان يافندم ماصدقتش .. ايه النضافة دي . ضيف لكده ان طارق المهدي - المحافظ - امر بحصر الطرق المتضررة في اسكندرية تمهيدا لرصفها . وتوسيع كوبري محرم بيه تقريبا الضعف اللي عامل مشكلة واختناق في مدخل اسكندرية . و الطريق الصحراوي من بوابات اسكندرية لكارفور اللي شغالين فيه ليل نهار عشان يتسلم الشهر ده - حوالي 40 كلم - ونقلوا كل شبكة المياة والصرف والكهرباء والغاز اللي كانت جنب الطريق القديم . كوبري العوايد وميدان الساعه بقوا فلة وجاري العمل في كوبري في شارع مصطفى كامل لعبور ميدان الساعة - فيكتوريا - . عمال بتنضف في حرم الترام شفتهم من كام يوم . حاجه محترمة وربنا يوفقهم للاحسن للبلد
تعقيبا على البياعين دول .. دول اغلبهم فارش في الشارع سارق كهرباء وحاططلي كلوبات نور مش موجوده في اي حته وزبالته في الشارع وتحرش باللي رايح واللي جاي ومعاكسة للبنات والستات وقطع للطريق وبلطجة وخناقات وارهاب للناس .. ياراجل ده في مناطق بنوا فيها في الشوارع وعملوا حظائر للحمير والاحصنة زي شارع الترعة في المنتزه وحرم قطر ابو قير في غبريال .. كل ده اتنضف وبيتنضف . مصر للامام ان شاء الله
فعلا حاجه تفرح
لا يافندم ده نتيجة طبيعية للثورة والفوضى وكان كل ما حد يبلطج ولا يطلع بخرطوش ومولوتوف كان بيتقال عليه ثورجي الثلاث سنوات السابقة تم كسر الشرطة وهيبة الدولة عن عمد وكان طبيعي لما يحصل كده يحصل فوضى في كل الأماكن وكنا بنشوف السواقين والبياعين وهما بيشتموا ويبصقوا على الضباط ,
بلدنا بتتغير للأفضل بإذن الله
الدنيا لو استمرت على كدا يبقى كويس .....اهم حاجه المتابعه مش الازاله وخلاص .....لان كم من البياعين اتشالوا ويعدى يوم ورا التانى وتلاقيهم بداؤا يرجعوا ...
هي اسكندرية بس اللي بتنضف .... بقية البلد ملهاش نفس تنضف هي كمان
انا سامع ان في حملات ازالة في رمسيس صح ولا اية
حملات الازاله ف معظم المحافظات ابتدت فعلا .. حاجه تفرح
هيبه الدوله هترجع ف وقت قياسي .. كرهنا العشوائيه و الغوغائيه والفوضي .. كرهنا الحاله الثوريه المستمره الهدامه .. عايزين نرسي و نهدي و نبني و نشتغل .. القانون يطبق ع الكل واولهم اصحاب القانون من القضاه ووكلاء النيابه و منفذين القانون من شرطه او حتي جيش حتي يعتبر باقي الشعب
ابن خالتي طيار فايتر حربي ظابط شرطه وقفه بالعربيه وطلب الرخص ادهاله عادي و قاله اتفضل .. حصل ايه يعني !! برستيجه قل لا سمح الله؟ بلاش الكوسه بأه تعبنا منها والله