ادخل وشوف الاداء الراااائع للجين 2

**mazagnge** · 23-10-2008 12:19 PM

اليوم و انا بفتح الايميل بتاعي لقيت رسالة من الاخ casper_313
بتقول :

المشاركة الأصلية كتبت بواسطة casper_313

بقولك ايه كأصولا انك متقولشى حاجة على اخلاص حد ثانيا لا الأخ KHPOPO يعرف مودى ولا اى حد من الناس ديه يعرفه معرفة شخصية بس انا محترم رأيك ولاكن المفروض انك متغلطشى فى اخلاق حد ولا ايه انا اواحد فاعل خير كده وجى اقولك من فضلك متكلمشى على حد فى غيابه ومتكلمشى على اخلاق حد ماشى يا مزاجنجى:k41:

فرجعت لردي فى الموضوع عشان أشوف ان جبت سيرة مين و أخلاصة :

المشاركة الأصلية كتبت بواسطة mazagnge

طالما قلت كدة يا دكتور يبقي فعلاً دة الكليب الخاص ب الاخ مودي جين

و متفق معاكوا ان العيار فلت منة ..... و لة شئون فى خلقة ، ربنا يسترها معاه

فلقيت أني ردي كالاتي :
- استنتاج ان الكليب بتاع مودي ......... من الوصف .
- اتفاق ان العيار فلت منة ......... وجه نظر تحت اى بند من التبريرات ، لان انا عارف المنطقة اللى متصور فيها الكليب و عارف قد اية بتبقى زحمة و الطريق نفسة غير سليم ، فلو كان صور فى طريق المطار فى منطقة فاضية كان لنا كلام تانى ، و السواقة ملهاش كبير يعنى مودي ممكن يبقي 100 % لكن اي حاجة خارجية تتسبب فى شيء رهيب لا قدر الله .
- أخر جزء .... كل واحد له طبع غير الأخر و كل واحد حر فى نفسة + داء ان ربنا يسترها معاه .

* اعتقد انى لا غلطت فى أخلاق حد ، و لا تجوزت الاصول .
* و لا عندي استعداد ان ادخل في حورات لا طائل منها و لا نفع .
* و هأقول زى الناس بتوع الجرائد و التلفزيون ، مش مودي دلوقت شخصية مشهورة و له جروب و ادمن و محبين ، أذن من حق الجميع ابدأ الرأي فيما لا يتجاوز الحياة الشخصية و بكل أحترام .

الصراحة الايميل دة ضايقني كثير

، و أشوف فيك يوم بعد الظهر KHPOPO

يلي جايب لي الكلام

.

و يا ريت محدش يبعت لي حاجة على الخاص بخصوص الموضوع دة ... الموضوع أصغر من ان احنا نعملة موضوع للجدال

**mazagnge** · 23-10-2008 12:33 PM

نيجي للتعليق الأخر :

المشاركة الأصلية كتبت بواسطة mazagnge

تعليقيت صغننين دداً دداً :

1- مودي جين اترفع من صيانة عز العرب و ضمان السيارة .... نتيجة ادائة بالعربية ، هاتقولى ازاى و منين عز العرب بيدعمة فى اتوكروس ..... ها أقولك عادي عز العرب ، مفيش تفكير بيطرد واحد من الصيانة يعنيى بيقول للناس كلها انها غير مسئول عنه و من ناحية تانية بيرعاه فى الاتوكروس ( ما هي القصة فى الاخر انة مش دافع حاجة لمودي ، بالعكس أتصور معاه و حط لة كام بدج عز العرب ...... و شكراً ) .
2 - قصة الزيت و المنافسين ؟؟؟؟؟؟؟ أول مرة اسمع عنها ، و كمان زيت ع الكوتش

.

* بالنسبة للتعليق الأخر :

- دة كلة عن صيانة عز العرب و إزدواجيتة ، و لو ركزت فى التعليق تلاقية لصالح مودي ، و ان عز هنا هو اللي بيستغل مهاراتة ... و بالتالي مش من اللائق انة يأخد شخص بيمثلة و بيعملة دعاية و في نفس الوقت يقول انا معرفوش فى الصيانة ( إزدواجية خاصة بالوكيل ) .

- اما بالنسبة لـ قصة الزيت فأنا فعلاً ما عرفهاش .... " هأفتي لية معرفهاش " .

----------- اتمني تكون القصة نهايتها لغاية هنا -----------

**khpopo** · 23-10-2008 12:44 PM

ياستاذ مزاجنجى الراجل مش بيتكلم عليك ولا قال انة ميعرفنيش هو شاف بعض الردود من ناس مش عاجبها السواقة دة فى البلد
فلما طلبتم انة يشترك دعيتة وبعتلة على الخاص كان بيعمل صفحة وانا اعرفة حتى لو الادمين قال غير كدة وممكن اجيب موبايلة واكلمة بس الواحد مش فاضى قوى لكل دة احنا عاوزين نشجعة ونشجع جين2 فلازم نقبل كل الانتقادات ونرد لانى اول مانزلت لينك الجروب بتاعة واحد راح رادد وقال كلام كتير مالوش معنى ومقارنة مع سعودين الى علمناهم السواقة زمان دلوقتى هنتقارن بيهم
الموضع لايخصك واحب اشوفك بعد الظهر :k52:ونشوف يوم بعد الظهر كلنا فى عز العرب

**mazagnge** · 23-10-2008 12:49 PM

---
KHPOPO ما تحولش يا سيد الموضوع خرج من إيدي ، و الدعوة طلعت خلاص
و الله يا لورد بس انا أديقت لما أفتح الايميل الصبح بدل ما لقي كلمتين حلوين ، صحبة ورد ، عزومة غداء .... إلاقي اتي غلط فى الاصول و الاخلاق و اللي يصح و مايصحش .... بزمتك دة يصح ، و لا أقولك ما يصحش

صباح الخير KHPOPO (^_^)

**khpopo** · 23-10-2008 01:04 PM

المشاركة الأصلية كتبت بواسطة mazagnge

---
KHPOPO ما تحولش يا سيد الموضوع خرج من إيدي ، و الدعوة طلعت خلاص

و الله يا لورد بس انا أديقت لما أفتح الايميل الصبح بدل ما لقي كلمتين حلوين ، صحبة ورد ، عزومة غداء .... إلاقي اتي غلط فى الاصول و الاخلاق و اللي يصح و مايصحش .... بزمتك دة يصح ، و لا أقولك ما يصحش

صباح الخير KHPOPO (^_^)

صباح الفل يااستاذ الروقان
احنا كلنا بنتعلم وفعلا حاجة على الصبح مش حلوة الاقى ميل كدة ..

خد لينك الجروب واديهم دعاء زى مانتى عاوز بس متزعلش منى لانك من الاعزاء فى المنتدى وربنا الاعلم ...بس انا بحب الحق ولو على رقبتى كمان الكلام الفرنكو عربى مش بيوضح ؟؟!! هو بيقول مافيش داعى حد يغلط فى مودى ويتكلم عن اخلاقة وهو فعلا لو اتكلمت مع مودى قمة فى الاخلاق ولا يتخير عن حضرتك

http://www.facebook.com/s.php?k=1000...8875edf24ecf54
لك منى كل الاحترامات اذا الموضوع كان ضايقك ... :k24:

**mazagnge** · 23-10-2008 01:07 PM

صبحك سكر ، و خد لنك الموضوع دة جميل و روق بالي تمام :

http://www.nilemotors.net/Nile/showthread.php?t=43568

**KoDaK_Gti** · 23-10-2008 01:21 PM

المشاركة الأصلية كتبت بواسطة MedoMurcilago

*انا مش هتكلم عن الشوارع والناس الموضوع دا لا جدال عليه
*كونترولو على العربية ماشاء الله حلو
* الدريفتات دي تعتبر زي لعب الاطفال ومعمولة على سرعات قليلة معتقدش نهائي انه معدي ال80 كم او ال 100 بالكتيررر
* الدريفت الواحد مبيكملش ثانية او ثانية ونص ويلف بالجنب التاني
* بيعمل كل دا على شوارع مبلولة ودا مبسط العملية جدا وخليها بمنتهى السهولة
بتاع الفسبة ممكن يعمل بلاوي ف الشارع المبلول
* انا هتكلم ف النقطة دي على الشباب السعودي وبصفتي متواجد هناك بأنتظام
الدريفتات اللي بتتعمل هناك بتكون على سرعات عالية وف الغالب بتكون والعداد متقفل
والشارع جااااااااااااااااااااااف تماما يعني مفيش زحلقة ولا حاجة واعتقد دي اللي بتبان فيها مهارة السواق
الدريفت بيتعمل لأكثر من خمس ثوان وبسرعه عالية
مش هنقول فرق الامكانيات والعربيات بس انا بتكلم عن المهارة هنا وظروف الطريق
فمصر هنا سائق الجين تو ف السعودية
- سرعه متوسطة - سرعات خيالية
-طريق مبلول وبيزحلق - طريق جافة جدا
-دريفتات قصيرة - درفتات طويلة المدى

ف الاخر احب أتمنى له التوفيق والحرص على الارواح البشرية
وتطوير الاداء

+100000000000

**MohamedAmonem** · 24-10-2008 02:11 AM

انا شوفت الكليب مفهووش حاجة جامدة او شيء يلفت النظر...همة حركتيين تلاتة عاديين جدا ..مفيش غير انة بيعمل الكلام دة وسط الناس والعربيات..وده في شرع الشباب المصري الجامد حرفنة و جدعنة ..والسؤال دلوقتي ..طب هو بيروح الاوتو كروس وبيطلع الطاقة الرهيبة الجامدة اللي مليانة روشنة وحركات هناك ..يبقي بيعمل ده في الشاااارع ليييه ....اسف يا جماعة بس ده ميتزعلش عليه لو حصل مكروه لا قدر الله ..اللي يتزعل عليه العربية اللي هاتددغدغ..او الرجل الغلبان اللي مشي علي رجليه في امان الله .....وانا اسف تاني ان في ناس بتشجع (قلة العقل ديه) ادعوله ربنه يهديه ..ويبقي جامد جوه الاوتو كروس بسسس