السلام عليكم و رحمة الله و بركاته
الاخوة الكرام

سيارتي سكودا اوكتافيا ٢٠٠٦ اتوماتيك a5

طبعا معروفة بمشاكلها الشائعة

قرأت الكثير عن موضوع الكمبروسر و توصلت ان افضل نوع هو الساندن الياباني

روحت شركة ساندن في المعادي (صاحبها المهندس سمير)

و قالولي الكمبروسر ساندن صيني بضمان سنة + سربنتينة = ٣٨٠٠ جنيه
و كان عندي خرطوم رئيسي ناقص و خرطوم مكسور بسبب حادثة (مالك العربية السابق)
المهم دخلت في ٧٠٠ جنيه كمان ( قولت مش مشكلة)

يعني كمبروسر + سربنتينة + خراطيم + التركيب و شحن الفريون = ٤٥٠٠

بدووووووووون فلتر التكييف (الفلتر لوحده دفعت فيه ١٥٠ جنيه )

يعني اجمالي المدفوع ٤٦٥٠ جنيه

و عشان ما نظلمش الشركة و الناس تتخض من المبلغ هنقول (بدون تكلفة الخراطيم)

الكمبروسر صيني جديد ضمان سنة + سربنتينة + فلتر = ٣٩٥٠ بالتركيب شحن الفريون

انا حاسس ان المبلغ كبير بس مش مشكلة .... اديني اتعلمت برده

----------------------
كل ما سبق كلام جميل جدا ..... نيجي للي بعده
----------------------

اجي اشغل التكييف و العربية سلانسيه ... دقيقتين و العربية تتبرجل و تبطل
طيب اجي امشي عالطريق .. العربية تحس انها بتقطع زي مايكرن طلمبة البنزين قاطعة
طيب قفلت التكييف خالص و مشيت ... برده بيحصل تقطيع و تنتيش و العربية بتبطل عالسلانسية

اتكلم مع البشمهندس سمير صاحب شركة ساندن يقولي روح للميكانيكي او الكهربائي
و كل حاجة هتتظبط

روحت لميكانيكي (المهندس خالد اسماعيل) راجل قمة الاحترام و الامانة و الاخلاق
كشف بالكمبيوتر .. قاللي ظاهر عالكمبيوتر ان في مشكلة في منظومة التكييف .... و فك طلمبة البنزين و اختبرها لاقاها شغالة ١٠٠٪

المهندس خالد اسماعيل مارديش ياخد مني جنيه واحد عالكشف دة ... و قاللي معلش امامك حلين ... ترجع لبتاع التكييف يشوف المشكلة او تروح لكهربائي يراجع لو في حاجة في الدائرة الكهربائية

هروح النهاردة للكهربائي يا رب تطلع المشكلة بسيطة

هل الفريون لو زايد عن حده داخل دورة التكييف يؤثر عالعربية بالشكل دة ؟


اسف جدا جدا جدا عالاطالة