الموضوع: العربيه بتنط بيجو 301

المشاركة الأصلية كتبت بواسطة mahmed0100

على قد معرفتى بالفتيس فى 301 الهاى لاين و استخدام 7 شهور

دى مش مشكله دى حاجه اسمها engine break
يعنى تسقيط غيارات زى ما بنقول
وظيفه ال engine break انه يساعد الفرامل انها توقف العربيه فى اقصر مسافه ممكنه و يقلل الحمل عن الفرامل.

طريقته هى :
كل لما السرعه تقل بينزل غيار من الرابع الى التالت و لو فضلت دايس فرامل حينزل للتانى و للاول .

( النطه ) زى ما بنسميها بتحصل لما نمشي فى طريق زحمه و بتظهر اكتر لو مشغل التكييف

مثلا :
انت ماشي على 70 و ال RPM على 3000 على الغيار 3 .. الطريق هدى .. دست فرامل .. مؤشر السرعه حيقل الى 40 مثلا .. ال RPM حيقل الى 1500 مثلا
حيحصل تسقيط الغيار دلوقتى الى الغيار 2 و انت لسه دايس فرامل
العربيه حتحسب الاتى ( السرعه 40 الغيار 2 ) ( RPM على 1500 ) ده كده مش متناسب لان العربيه المفروض ماشيه 40 و ال RPM على 2000 مثلا ... فالعربيه حتحاول تزود ال RPM الى 2000 علشان يتناسب مع سرعه العربيه .. و حتاخد ثانيه علشان تستوعب انك دايس فرامل فالعربيه تبدأ تهدى ال RPM الى 1500 تانى و تكمل تقليل السرعه

فى الثانيه دى العربيه بنحس النطه دى او الدفعه لقدام دى او بنحس ان صوت الموتور كانه عايز يعلى و العربيه تجرى بس بيهدى فى نفس الوقت تانى بسرعه

و ده بيظهر لو رجلينا خفيفه على دواسه الفرامل
لو رجع الطريق مشى تانى حنسيب الفرامل و نروح ندوس على البنزين .. العربيه بتتاخر ثانيه فى الاستجابه لانها حتبدأ توجه الفتيس و الموتور الى التسارع مش الوقوف

هو ده مخ العربيه الصغير اللى لازم نتعامل معاه و نفهمه

و ده مش عيب فى العربيه على قد ما هو عيب فى الطرق بتاعتنا اللى كل شويه تقف و تمشي و تهدى و كل ده حرق فى الغيارات على الفاضي

الحل انك لما تحس بتسقيطه الغيار متخففش رجلك عن الفرامل خليك دايس زى ما انت طالما الطريق يسمح بكده
بالذات من الغيار 2 الى 1

اما ( النتشه ) اللى بيحسها ( فى الزحمه مع التكييف ) بعضنا اثناء النقل من الغيار 1 الى 2 فى الجير بوكس الاوتوماتيك فده حله اننا نطلع بدوسه زياده شويه لحد ما العربيه تنقل على 2 ( مش نلمس البنزين يعنى ) او ننقل على المانيوال و ندى العربيه الغيار التانى .. او نضغط على زار S حيحولنا الى SPORT MODE و ده وضع بيأخر الغيار على الRPM الى 3500 و 4000 خد وقتك فى الزحمه بقا بس احرق بنزين

اتمنى اكون عرفت افيدكم .

ﺍﺳﺘﺎذ mahmed0 100
ﻟﻮ ﺳﻤﺤﺖ ﻣﻤﻜﻦ ﺗﻘﻮﻟﻲ ﺭﺍﻳﻚ ﻓﻲ ﺑﻴﺠﻮ 301 ﻫﺎﻳﻠﺎﻳﻦ ﻭﺗﻨﺼﺤﻨﻲ ﺑﻴﻬﺎ ﻭﻟﺎ ﻟﺎ !!!!!!! ﻋﻠﺸﺎﻥ عﻋﺎﻳﺰ اشتريها

المشاركة الأصلية كتبت بواسطة hero 99

ﺍﺳﺘﺎذ mahmed0 100
ﻟﻮ ﺳﻤﺤﺖ ﻣﻤﻜﻦ ﺗﻘﻮﻟﻲ ﺭﺍﻳﻚ ﻓﻲ ﺑﻴﺠﻮ 301 ﻫﺎﻳﻠﺎﻳﻦ ﻭﺗﻨﺼﺤﻨﻲ ﺑﻴﻬﺎ ﻭﻟﺎ ﻟﺎ !!!!!!! ﻋﻠﺸﺎﻥ عﻋﺎﻳﺰ اشتريها

عربيه ممتازه و ركوبه محترمه بالنسبه لعربيه زيروا بالسعر ده و هاتها مانيوال او هاي لاين و انا معايا هاي لاين عن نفسي
و ربنا يوفقك للافضل ليك

انا لسة مشترى العربية وعملت بيها 300 كيلو بس وبردوا عندى نفس المشكلة بتاعة التسارع البطىء للعربية بالذات لما ادوس بنزين بعد ماهديت وعديت المطب وبالذات وانا مشغل التكييف وكنت فاكر انها مشكلة مؤقتة.
انا مسافر بالعربية شرم الشيخ ومش هلحق اروح للصيانة اطمن عليها والعربية هتبقا حمولتها كبيرة فى السفرهل فى اى مشاكل او اى خطورة منهاخصوصا ان العربية لسة فى التليين. أرجو الافادة

انا سالت في التوكيل علي موضوع التسارع ده وقالولي ده سوفت ويير وعملته عندهم برده بس مش لاقي تاثير كبير
وسالت احد مستخدمي السيارات الفرنساوي قالي ده ميعتبرش عيب لان كل الفرنساوي كده فيه تاخير شوية بس مش عيب فيها لانهم بيفضلو التاخير ده علشان يدي فرصة لتغيير القرار ويساعدك علي السواقة الهادية

وفيه ناس قالولي ان بعد ال10000 السيارة بتبقي افضل في التسارع وانا حتي الان متاكدتش من الكلام ده لاني لسة موصلتلهاش

تحياتي