الموضوع: رأيكم محل تقدير في ميجان 2 للشراء

خد بال حضرتك من حاجة ...قطع غيار الموتور اللى أنا كاتبها فوق دى أصلية ومتقبلش إنها تكون تقليد خصوصا الأويلسيلات ..... وبشتريها بعلبة التوكيل برضه من برا التوكيل أو بعلبة الشركة المصنعة اللى التوكيل بيتعامل معاها
يعنى مثلا أنا اشتريت المساعدين ال kyb بعلبة التوكيل والفرق بينها وبين اللى فى مخازن التوكيل هو السعر ضعف السعر تقريبا أو أكتر ! كذلك باقى الأجزاء زى ترس الديفيزر وحساس الكرنك وحاجات تانية كتير فأنا بشترى حاجة التوكيل من السوق المحلى برضه لأغلب القطع المهمة وبنص السعر أو أقل كمان فى بعض الحاجات

تكييف الميجان ضعيف ليه فى المقام الاول يعمل بنظام خلط الهواء mixer يعنى تبقى انت ضابط الثرموثتات سواء فى الأوتو أو البكرة منه على أقصى درجة برودة وهو برضه بيخلط نسبة هواء على الهواء البارد وعشان كدا لما يحصل تسريب بسيط أو نقص للفريون تلاقى التكييف بيطلع هواء ساقع من ناحية وسخن من ناحية
وإلغاء المياه السخنة عن التابلوه زى ما حضرتك قلت هيزود الكفاءة حبة .... وحاجة سهلة جدا إنت هتشيل الماسورتين اللى داخلين للتابلوه ( المياه ) وبتلبسهم فى بعض بوصلة وتقفل مكانهم فى حوض المحرك بطبب

بس فيه عضو فاضل هنا قال إن الكلام دا بيقصر دورة التبريد وهيخلى الفتيس يسخن لأن الفتيس بيعدى عليه مياه التبريد برضه بيسخنها أكتر ووقتها فى الزحمة والحر مروحة التبريد مش هتسد ومش هتقدر تبرد المياه فى الرادياتير ( هو قال لى كدا بس معرفش عمليا هتأثر فعلا ولا لأ ) .... ولكن الموضوع يستحق التجربة وأنا من وجهة نظرى الشخصية شايف إن فى الحالة دى الحمل على المروحة هيكون أكتر شوية بمعنى إن المروحة هتشتغل أكتر مقارنة بظروف التشغيل الطبيعية

فهنا نظام ال mixer بيعمل حاجة مفيدة برضه.. لما التكييف بيشتغل السربنتينة قدام الرادياتير بتسخن والمروحة ووراها الرادياتير ووراهم المروحة بتسحب الهواء من الخارج بيعدى الأول على السربنتينة وبعدين على الرادياتير وعشان السربنتينة سخنة الهواء بيعدى عليها يسخن جزئيا وبالتالى بيعدى على الرادياتير سخن نسبيا أثناء عمل التكييف وبالتالى تقل كفاءة التبريد وممكن العربية تسخن

هنا بقى نظام ال mixer الفعال بيعوض النقص دا عن طريق إنه يسحب جزء من الحرارة بتاع مياه التبريد اللى معدية فى ال تابلوه ويخلطها مع الهواء الساقع .... وبشكل عام تقل كفاءة التبريد ... بس بنحافظ على دورة تبريد المحرك والفتيس سليمة
عشان كدا إلغاء دورة المياه شئ مقلق أثناء عمل التكيييف قد يسبب سخونة المحرك والفتيس الأوتوماتيكى

فى العربيات ال كورى واليابانى مفيش تقريبا نظام ال mixer من ناحية ومن ناحية أخرى فيه مروحتين على الرادياتير مش واحدة بس زى الميجان ... قطر الواحدة منهم أصغر من قطر مروحة الميجان الوحيدة لكن لما بيشتغلوا مع بعض بيبقوا أكفأ

الفكرة التانية هى إضافة مروحة بيحطوها أمام السربنتينة وبيثبتوها بمسامير فى ريش السربنتينة بتشتغل مع التكييف عن طريق توصيلها مع كهرباء الكمبرسور وبتفصل مع فصل التكييف وبالتأكيد هيكون دورها فعال

الفكرة التالتة هى تغيير الكمبرسور ... ودى المفروض ميعملهاش إلا حد جرب فكرة المروحة ومنفعشت ولو أنى شايف إن العيب مش من الكمبروسور نظام ال mixer والمروحة الواحدة كفيلين لإحداث ضعف التبريد
تعديل الكمبرسور بيركبوا كمبرسور تانى وبيغيروا طارة الكمبرسور لطارة كمبرسور الميجان

قطع غيار الرينو بشكل عام منتشرة فى القاهرة والإسكندرية اللى أعرفهم فى القاهرة فقط

عين شمس جسر السويس الحرفيين صقر قريش وفيه أماكن تانية كتير

فيه فى أسيوط ناس بتبيع قطع غيار ميجان أنا المنيا بس مسألتش ال صراحة عن قطع غيار هنا بشترى من القاهرة

بالنسبة للتكييف لو هتلغى السخن وتركب مروحة على السربنتينة أتوقع أن الأداء هيتحسن أفضل من تركيب المروحة ومش هيخلى العربية تسخن ولكن أءمن شئ حتى الآن هو تركيب المروحة لوحدها

هقولك على حاجة بشكل عام الميكانيكة وتجار قطع الغيار اللى بيشتغلوا فى الأوروبى غير اللى بيشتغلوا فى الكورى واليابانى
بمعنى إنك لو رحت عند ميكانيكى رينو تغير حاجة بسيطة زى كولنت المياه فى 5 دقائق هياخد 50 جنيه ... لو رحت لميكانيكى بيشتغل فى كله عندنا فى المنيا 20 جنيه بس زى ما قلتلك فيه حاجات مينفعش يعملها غير اللى اشتغل فى العربية مسبقا

نفس الحكاية تجار قطع الغيار ... وقطع الغيار عند معظم التجار متشابهة وكلهم بيبقى عندهم الأصلى والأقل جودة بس الاختلاف فى الأسعار فقط وإن ممكن تلاقى قطعة عند وخلصانة عند التانى لكن بشكل عام المنتج واحد بس المستهلك هو اللى يفرق ويفاصل ويقارن المنتج وسعره ويشترى بأرخص سعر

ومقدرش أنصحك بحد معين عشان بصراحة مفيش واحد فيهم يستاهل إنى أعمله إعلان هنا بغض النظر عن قوانين المنتدى أو أرشح حد ليه ... كلهم استغلاليين وبيكسبوا فوق المقنن سواء صنايعية أو ميكانيكية

لكن أوصيك إنك متشتريش قطع غيار رينو من أى ميكانيكى رينو

ولو خدت العربية إن شاء الله واحتجت حاجة معينة تغيرها إبقى إسأل هنا فى المنتدى ونشوف مع بعض أفضل سعر عند مين وقتها إن شاء الله

ليه ؟

لأن برضه ممكن تاجر تلاقيه بيبيع بعض القطع أرخص من غيره وقطع تانية أغلى

يعنى مثلا سألت واحد فى الحرفيين على كاليبر خلفى فرامل للعربية استيراد 100 جنيه رغم إنه شماط فى قطع غيار تانية كتير
وفى صقر قريش عند واحد أسعاره كويسة فى حاجات كتير لقيته ب 200

أى مروحة تركب ومتكونش مزنوقة ... مش فاكر بيركبوا مروحة عربية نوعها إيه وتركيبها سهل جدا وأى كهربائى فاهم يركبها
والتكلفة مش فاكر قد إيه هى هتبقى تمن المروحة اللى هتركب ومصنعية تثبيتها على السربنتينة وتوصيل أسلاكها مع أسلاك كهرباء الكمبرسور بحيث إنها تشتغل معاه

يعنى حدود 300 جنيه دا بفرض إن المروحة من 150 ل 200 ومصنعيته 100 جنيه