الموضوع: رأيكم محل تقدير في ميجان 2 للشراء

المشاركة الأصلية كتبت بواسطة mohammedaladel

بالنسبة لأعطال الحساسات بص يا باشا على قدر علمى بالنسبة للمحرك فيه حساسين لو بايظين الموتور ميدورش أبدا
حساس الكرنك ... ودا غيرته بعد ما قضى اكتر من 145000 كم بواحد أصلى بفيشته ب 175 وفى التوكيل أكتر من 800 زى ما قلتلك
حساس ضغط الهواء معرفش سعره ولكنه شغال حتى الآن

أما أى حساس تانى العربية تدور بس هيبقى فيه خلل بسيط وتقدر تكمل بيها مشوارك وسفرك كمان لو مسافر زى حساس الاوكسجين مثلا
أنا فصلت كل الحساسات تقريبا من الموتور حتى سولنويد ترس الديفيزر والعربية اشتغلت إلا حساس الكرنك وحساس ضغط الهواء

عجبني من ساعه ما ابتديت أقرئ مواضيع الميجان جراءتك علي إقحام نفسك فيها وعدم الخوف منها رغم تقدمها التكنولوجي ومحاولتك فهما اكثر وهي علي فراش العمليات لديكم
تحياتي لجرأه سيادتكم

المشاركة الأصلية كتبت بواسطة أسامه الحسيني

كل تأخيره وفيها خيره
وبفضل تشوف اكتر من عربيه علشان تقدر تقيم العربيه كويس وتاخدها بسعر مناسب

هي المشكله أني لو مشتريتش العربيه الموجوده محل الشراء والتي تحدثت عنها ، فلن أقوم أصلا بالبحث عن ميجان أخري لأن بصراحة هي العربيه دي بجد حاله زي ما بيقولو نادره جدا جدا ومش متهانه فده ئل شجعني أني اخوض هذه المغامرة لنظافة العربيه الشديده مع اعترافي انها ممكن تكون فعلا أغلي حوالي 5000 جم من العربيات النظيفة الموجوده حتي ، ولكن علي الأقل لقيت صاحب العربيه مغير كاوتش جديد فقلت في نفسي اهم 3000 جم من ثمنها .
وربنا يسهل علشان كمان المشكله أني مش عارف اروح التوكيل لأن معاد الكشف من 8 صباحا والعربيه بتستني هناك الي الساعه 4 تقريبا .
فوصيت واحد اعرفة وجبلي تاريخ العربيه من التوكيل وعدادها وأخر صيانه ليها والمعمول فيها وفعلا لقيت الكلام ئل سمعته من الناس ئل جيبنلي العربيه هوا هوا من الناس بتوع التوكيل وكمان مغيرة سيور الكاتينه في أخر صيانه .
وربنا يسهل لوالراجل كان متاح اليوم ابقي لو عرفت أكشف عليها في صقر قريش وخلاص لسه هشوف .
ربنا يعمل ئل فيه الخير
ومتشكر فعلا لحضرتك وباقي الزملاء في القسم للتعاون والتفاعل للوصول الي الأفضل أن شاء الله