الموضوع: ارجوا المساعده في تعليم زوجتي كيفية الركن

السلام عليكم ورحمة الله وبركاته
الاخوه الاعزاء
انا بسوق على جديد بقالى بتاع 4 شهور وعلمت زوجتي السواقه وطلعت رخصه والحمد لله بس مشكلتها فى الرجوع للخلف والركن وبصراحه عملت معاها كل حاجه اتعلمتها بس ما فيش تقدم من ناحيتها فى النقطتتين دول وبهدلة العربيه اكتر ما هي متبهدله بسبب الركن الغلط او الرجوع للخلف
فتنصحوني بايه
وجزاكم الله خيرا

موضوع الركنه له تكنيك ثابت
يعنى
لو هتركن بين عربيتن فتكنيك الركنه ثابت
ممكن تشوف فيديوهات وتطبق الكلام ده فى مكان فاضى بين قمعين
لحد ما تتمكن من الركنه

ممكن تشوف مدربه متخصصه تعلمها الركن فى حصتين او ثلاثه .. سواء من مركز تعليم سواقه عندهم مدربات سيدات او من السيدات اللى عاملين بيزنس صغير كده بيعلموا البنات و الستات السواقه بسياراتهم الخاصه (راجع اعلانات الوسيط مثلا) ..

وعليكم السلام ورحمة الله وبركاته
ممكن تكون المشكله ان حضرتك علشان لسه بتسوق جديد فا مفيش عند حضرتك الخبره انك تقدر تعلم زوجتك الركن
الافضل ان حضرتك تشوف واحده تعلم زوجتك

شكرا جزيلا للمساعده المشكله انها لما تيجي تركن او ترجع للخلف معندهاش تخيل اتجاه العربيه هيبقي ازاى يعني لما تكون هترجع للخلف اتجاه اليمين مبتبقاش عارفه تكسر الدركسيون يمين ولا شمال وحاولت معاها كتير ولكن بدون فائده فبتجرب تكسر يمين العربيه مشت فى التجاه الى هي عاوزها خير وبركه ماكنش تقوم كسره شمال وهكذا وطبعا لو المكان ضيق ولا حاجة تكون العربيه اتجرحت
فمش عارف اعمل معاها ايه مع ان ابنى عنده عربيه بلاستيك صغيره قعدت اوريها لما الدركسيون يكسر ناحيه الشمال العربيه هتتجه ناحيه الشمال والعكس صحيح لكن مع التطبيع العملي ما فيش فايده .

المشاركة الأصلية كتبت بواسطة أسامه الحسيني

شكرا جزيلا للمساعده المشكله انها لما تيجي تركن او ترجع للخلف معندهاش تخيل اتجاه العربيه هيبقي ازاى يعني لما تكون هترجع للخلف اتجاه اليمين مبتبقاش عارفه تكسر الدركسيون يمين ولا شمال وحاولت معاها كتير ولكن بدون فائده فبتجرب تكسر يمين العربيه مشت فى التجاه الى هي عاوزها خير وبركه ماكنش تقوم كسره شمال وهكذا وطبعا لو المكان ضيق ولا حاجة تكون العربيه اتجرحت
فمش عارف اعمل معاها ايه مع ان ابنى عنده عربيه بلاستيك صغيره قعدت اوريها لما الدركسيون يكسر ناحيه الشمال العربيه هتتجه ناحيه الشمال والعكس صحيح لكن مع التطبيع العملي ما فيش فايده .

فيه العاب للموبايل و الـ pc اسمها car parking هتكون مفيده جدا لزوجتك حضرتك هتعرفها ازاى استخدام الدريكسيون و تعرف الأتجاه الصحيح يعنى كانها simulator

أنا زوجتى كان عندها مشكلة وهيه بتسوق .. كانت كل شوية بتحط أيديها على عصى الفتيس وأنا عارف إن الموضوع ده غلط .. وحتى لو العربية أتومااتيك بتفضل سانده أيديها عليه .. وساعات كانت بتطلع ايديها التانية من الشباك زى سواقين الميكروباصات
فعلشان أعلمها تبطل الموضوعين دول إتبعت معاها طريقة جابت نتيجة زى الفل
لما كانت بتسند أيديها على الفتيس كنت برفع أيدى وألسعها على أيديها ولما كانت بتطلع ايديها من الشباك كنت بقفل الإزاز على أيديها مرة واحدة
سنة فى سنة بطلت تعمل الحركتين دول
إنت ممكن تمسك دبوس فى أيديك ولما تعوج الدركسيون غلط إديها شكة فى كتفها ... سنة فى سنة ... يا إما هتسوق عدل يا إما هنقرأ الفاتحة على روحك
جرب وإدعيلى ( أو إدعى عليه .. إنت وظروفك )

المشاركة الأصلية كتبت بواسطة kingrab

أنا زوجتى كان عندها مشكلة وهيه بتسوق .:copy of makeup:. كانت كل شوية بتحط أيديها على عصى الفتيس وأنا عارف إن الموضوع ده غلط .. وحتى لو العربية أتومااتيك بتفضل سانده أيديها عليه .. وساعات كانت بتطلع ايديها التانية من الشباك زى سواقين الميكروباصات
فعلشان أعلمها تبطل الموضوعين دول إتبعت معاها طريقة جابت نتيجة زى الفل
لما كانت بتسند أيديها على الفتيس كنت برفع أيدى وألسعها على أيديها ولما كانت بتطلع ايديها من الشباك كنت بقفل الإزاز على أيديها مرة واحدة
سنة فى سنة بطلت تعمل الحركتين دول
إنت ممكن تمسك دبوس فى أيديك ولما تعوج الدركسيون غلط إديها شكة فى كتفها ... سنة فى سنة ... يا إما هتسوق عدل يا إما هنقرأ الفاتحة على روحك
جرب وإدعيلى ( أو إدعى عليه .. إنت وظروفك )

مفيش أحسن من نصائح الأحباب

المشاركة الأصلية كتبت بواسطة kingrab

أنا زوجتى كان عندها مشكلة وهيه بتسوق .:copy of makeup:. كانت كل شوية بتحط أيديها على عصى الفتيس وأنا عارف إن الموضوع ده غلط .. وحتى لو العربية أتومااتيك بتفضل سانده أيديها عليه .. وساعات كانت بتطلع ايديها التانية من الشباك زى سواقين الميكروباصات
فعلشان أعلمها تبطل الموضوعين دول إتبعت معاها طريقة جابت نتيجة زى الفل
لما كانت بتسند أيديها على الفتيس كنت برفع أيدى وألسعها على أيديها ولما كانت بتطلع ايديها من الشباك كنت بقفل الإزاز على أيديها مرة واحدة
سنة فى سنة بطلت تعمل الحركتين دول
إنت ممكن تمسك دبوس فى أيديك ولما تعوج الدركسيون غلط إديها شكة فى كتفها ... سنة فى سنة ... يا إما هتسوق عدل يا إما هنقرأ الفاتحة على روحك
جرب وإدعيلى ( أو إدعى عليه .. إنت وظروفك )

دا انا لو عملت كدا هقري على نفسي الفاتحه

المشاركة الأصلية كتبت بواسطة أسامه الحسيني

دا انا لو عملت كدا هقري على نفسي الفاتحه

هههه
هو غالباً مش انت اللي هتقرأ على نفسك الفاتحة
بس الأكيد ان كتير هقرأها وياخد ثواب